ಮೀರತ್ (ಉತ್ತರಪ್ರದೇಶ):ಎರಡನೇ ಮದುವೆ ಮಾಡಿಕೊಳ್ಳಲು ಎಂದು ಮೊದಲ ಪತ್ನಿಗೆ ವಿದ್ಯುತ್ ಶಾಕ್ ನೀಡಿ ಕೊಲೆ ಮಾಡಲು ಯತ್ನಿಸಿದ ಆರೋಪಿ ಪತಿಯನ್ನು ಪೊಲೀಸರು ಬಂಧಿಸಿರುವ ಘಟನೆ ಮೀರತ್‌ನ ಲಿಸಾಡಿಗೇಟ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.
ಈ ಬಗ್ಗೆ ಪೊಲೀಸರಿಗೆ ಸ್ವತಃ ಪತ್ನಿಯೇ ದೂರು ಕೂಡಾ ನೀಡಿದ್ದಾಳೆ. ಸೋಮವಾರ ಲಿಸಾಡಿಗೇಟ್ ಠಾಣೆಗೆ ತೆರಳಿದ ಪತ್ನಿ ತನ್ನ ಪತಿ ಎರಡನೇ ಮದುವೆಯಾಗಲು ಬಯಸಿದ್ದಾನೆ. ಇದಕ್ಕೆ ನಾನು ಅಡ್ಡಿಯಾಗುತ್ತೇನೆ ಎಂದು ವಿದ್ಯುತ್ ಹತ್ಯೆ ಮಾಡಲು ಯತ್ನಿಸಿದ್ದಾನೆ ಎಂದು ದೂರು ನೀಡಿ ನ್ಯಾಯ ಒದಗಿಸುವಂತೆ ಮನವಿ ಮಾಡಿಕೊಂಡಿದ್ದಾಳೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆಕೆಯ ಪತಿಯನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ ಎಂದು ಲಿಸಾಡಿ ಗೇಟ್ ಪೊಲೀಸ್ ಠಾಣೆ ಪ್ರಭಾರಿ ಜಿತೇಂದ್ರ ಸಿಂಗ್ ಹೇಳಿದ್ದಾರೆ.
ದೂರಿನಲ್ಲಿ ಎರಡನೇ ಮದುವೆಗಾಗಿ ತನ್ನ ಪತಿ ತನ್ನನ್ನು ತಂತಿಗಳ ಮೂಲಕ ವಿದ್ಯುತ್ಗೆ ಸ್ಪರ್ಶಿಸಿ ಕೊಲ್ಲಲು ಪ್ರಯತ್ನಿಸುತ್ತಿದ್ದಾನೆ ಎಂದು ಆರೋಪಿಸಿದ್ದಾಳೆ. ಜತೆಗೆ ಅತ್ತೆ ಮತ್ತು ಮಾವ ಕೂಡ ಅವಳನ್ನು ಕೊಲೆ ಮಾಡಲು ಯೋಜಿಸಿದ್ದರು. ಈ ವಿಷಯ ತಿಳಿದು, ತನ್ನ ಪ್ರಾಣ ಉಳಿಸಿಕೊಂಡು ಬಂದಿದ್ದೇನೆ. ಅಲ್ಲದೇ ಪತಿ ಬೇರೆ ಮಹಿಳೆಯೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದಾನೆ. ಇದಕ್ಕೆ ಸೂಕ್ತ ನ್ಯಾಯ ಒದಗಿಸುವಂತೆ ದೂರಿನಲ್ಲಿ ನೊಂದ ಮನವಿ ಮಾಡಿದ್ದಾಳೆ.