Clash in Jail: ಯರವಾಡ ಜೈಲಿನಲ್ಲಿ 16 ಕೈದಿಗಳ ನಡುವೆ ಘರ್ಷಣೆ.. ಕೈದಿಗಳ ವಿರುದ್ಧ ಪ್ರಕರಣ ದಾಖಲು

ಮಹಾರಾಷ್ಟ್ರ ಪುಣೆಯ ಯರವಾಡ ಸೆಂಟ್ರಲ್ ಜೈಲಿನಲ್ಲಿ ಕೈದಿಗಳ ನಡುವೆ ಹೊಡೆದಾಟ ನಡೆದಿದೆ.

ಪುಣೆ (ಮಹಾರಾಷ್ಟ್ರ):ಯಾವುದೋ ಕ್ಷಣದಲ್ಲಿ ಅಪರಾಧ ಕೃತ್ಯ ಎಸಗುವುದೊ ಅಥವಾ ಅಪರಾಧ ಪ್ರಕರಣಗಳಲ್ಲಿ ತೊಡಗಿ ಫೀಲ್ಡ್​ನಲ್ಲಿ ಹೆಸರು ಮಾಡಲು ಮುಂದಾಗಿ ಕಂಬಿ ಹಿಂದೆ ನಿಲ್ಲುವ ಪರಿಸ್ಥಿತಿಗೆ ಕೆಲವರು ಸಿಲುಕುತ್ತಾರೆ. ಈ ನಡುವೆ ಜೈಲಿನ ಹೊರಗೆ ಆಟಾಟೋಪ ಮೆರೆದವರು ನಾಲ್ಕು ಗೋಡೆಗಳ ಮಧ್ಯೆ ಇರುವಾಗಲೇ ಇದೇ ಪ್ರವೃತ್ತಿಯನ್ನು ಮುಂದುವರಿಸುತ್ತಾರೆ. ಯರವಾಡ ಜೈಲಿನಲ್ಲೂ ಇದೇ ರೀತಿಯ ಕೇಸ್​ ನಡೆದಿದೆ.

ಹೌದು.., ಪುಣೆಯ ಜೈಲಿನಲ್ಲಿ ದಿನದಿಂದ ದಿನಕ್ಕೆ ಅಪರಾಧ ಪ್ರಕರಣಗಳು ಹೆಚ್ಚಾಗುತ್ತಿವೆ. ಯರವಾಡ ಸೆಂಟ್ರಲ್ ಜೈಲಿನಲ್ಲಿ ಮತ್ತೊಂದು ಹಿಂಸಾತ್ಮಕ ಘಟನೆ ಬೆಳಕಿಗೆ ಬಂದಿದೆ. ಸೋಮವಾರ ಬೆಳಗ್ಗೆ 10 ರಿಂದ 10:30 ರ ನಡುವೆ ಜೈಲಿನಲ್ಲಿದ್ದ ಅಂದಾಜು 1 ರಿಂದ 16 ಅಪರಾಧಿಗಳು ತಮ್ಮ ಹಿಂದಿನ ದ್ವೇಷದಿಂದ ಪರಸ್ಪರ ಕಲ್ಲುಗಳಿಂದ ಹೊಡೆದಾಡಿಕೊಂಡು ಗಾಯಗೊಂಡಿದ್ದಾರೆ.

ಈ ಪ್ರಕರಣದಲ್ಲಿ ಪ್ರಕಾಶ್ ಶಾಂತಾರಾಮ್ ದೇವ್, ಪ್ರಣಯ್ ಅರ್ಜುನ್ ರಣಧೀರ್, ವಿಜಯ್ ವೀರ್ಧರ್, ಸಚಿನ್ ದಳವಿ, ಮುಖೇಶ್ ಸಾಳುಂಕೆ, ಗಣೇಶ್ ವಾಘ್ಮೋರೆ, ಆದಿತ್ಯ ಚೌಧರಿ, ಕಿರಣ್ ಗಲ್ಫಾಡೆ, ಸೂರಜ್ ರಣದೀವ್, ಆಕಾಶ್ ಶಿಂಗಾರೆ, ವಿಶಾಲ್ ಖಾರತ್, ರೂಪೇಶ್ ಅಖಾಡೆ, ರೋಹಿತ್ ಜುಜ್ಗರ್, ಶುಭಂ ಜುಜ್ಗರ್, ಶುಭಂ ಜುಜ್ಗರ್, ಬಂಧಿತರಾಗಿದ್ದಾರೆ. ರಾಠೋಡ್, ಅನುರಾಗ್ ಕಾಂಬಳೆ, ಮಹೆಬೂಬ್ ಶೇಖ್ ವಿರುದ್ಧ ಪ್ರಕರಣ ದಾಖಲಾಗಿದೆ. ಇದಕ್ಕೂ ಮುನ್ನ ಎರಡು ತಿಂಗಳ ಹಿಂದೆ ಇದೇ ರೀತಿ ಜೈಲಿನಲ್ಲಿ ನಾಲ್ಕೈದು ಮಂದಿಗೆ ಥಳಿಸಿದ ಘಟನೆ ನಡೆದಿತ್ತು.

ಕೆಲ ದಿನಗಳ ಹಿಂದೆ ಜೈಲಿನಲ್ಲಿ ಒಬ್ಬ ಕೈದಿ ಮತ್ತೊಬ್ಬ ಕೈದಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಘಟನೆ ಸಹ ನಡೆದಿದ್ದವು. ಈ ಎಲ್ಲಾ ಪ್ರಕರಣಗಳಿಂದಾಗಿ ಇದೀಗ ಜೈಲಿನಲ್ಲಿರುವ ಭದ್ರತಾ ವ್ಯವಸ್ಥೆ ಕುರಿತು ಪ್ರಶ್ನೆಗಳು ಮೂಡುತ್ತಿವೆ. ಕೆಲ ದಿನಗಳ ಹಿಂದೆ ನಾಸಿಕ್‌ನ ಕೇಂದ್ರ ಕಾರಾಗೃಹದಲ್ಲಿ ಕೈದಿಗಳು ಪೊಲೀಸರಿಗೆ ಥಳಿಸಿದ ಆಘಾತಕಾರಿ ಪ್ರಕರಣವೂ ಬೆಳಕಿಗೆ ಬಂದಿತ್ತು.

ಪೊಲೀಸ್​ ಅಧಿಕಾರಿ ಜೈಲಿನ ಕಂಬಿಗಳು ಏಕೆ ಬದಲಾಗಿವೆ ಎಂದು ಪ್ರಶ್ನಿಸಿದ್ದಕ್ಕೆ ಜೈಲಿನ ಕೈದಿಗಳು ಪೊಲೀಸ್ ಪ್ರಭು ಚರಣ್ ಪಾಟೀಲ್ ಅವರನ್ನು ಥಳಿಸಿದ್ದರು. ಇದಲ್ಲದೇ ಗಂಭೀರ ಅಪರಾಧ ಎಸಗಿರುವ 10 ರಿಂದ 12 ಅಪರಾಧಿಗಳು ಜೈಲು ಸಿಬ್ಬಂದಿಯ ಮೇಲೆಯೇ ಹಲ್ಲೆ ನಡೆಸಿದ ಘಟನೆ ನಡೆದಿತ್ತು. ಈ ಘಟನೆಗೆ 1 ತಿಂಗಳ ಮೊದಲು, ಈ ಕೈದಿಗಳನ್ನು ಪುಣೆಯ ಯರವಾಡ ಜೈಲಿನಿಂದ ನಾಸಿಕ್‌ಗೆ ಕರೆತರಲಾಗಿತ್ತು.

ಇದನ್ನೂ ಓದಿ:ತುಂಡು ಭೂಮಿಯಲ್ಲಿ ಕಸ ಹಾಕಿದ ವಿಚಾರ.. ಚಿಕ್ಕಪ್ಪನ ಕುಟುಂಬದ ಮೇಲೆ ಮಗ ದಾಳಿ, ಮೂವರ ಸಾವು