ಪ್ರತಿಗಂಟೆಗೂ ಕೋವಿಡ್​ನಿಂದ ಸಾವು.. ಪಂಜಾಬ್​ನ ಲೂಧಿಯಾನ್​ದಲ್ಲಿ ಸಮಸ್ಯೆ ಉಲ್ಭಣ

ಮಹಾಮಾರಿ ಕೊರೊನಾ ವೈರಸ್ ಹಾವಳಿ ಪಂಜಾಬ್​ನಲ್ಲೂ ತೀವ್ರಗೊಂಡಿದ್ದು, ಲೂಧಿಯಾನ್​ದಲ್ಲಿ ಪ್ರತಿ ಗಂಟೆಗೂ ಓರ್ವ ಕೋವಿಡ್​ನಿಂದ ಸಾವನ್ನಪ್ಪುತ್ತಿದ್ದಾನೆ.

ಲೂಧಿಯಾನ್​(ಪಂಜಾಬ್​​):ದೇಶದ ಕೆಲವೊಂದು ರಾಜ್ಯಗಳಲ್ಲಿ ಕೊರೊನಾ ವೈರಸ್ ಹಾವಳಿ ಮಿತಿ ಮೀರಿದ್ದು, ಪ್ರತಿದಿನ ಅನೇಕರು ಸಾವನ್ನಪ್ಪುತ್ತಿದ್ದಾರೆ. ಪಂಜಾಬ್​ನ ಲೂಧಿಯಾನ್​ದಲ್ಲೂ ಅಂತಹ ಸ್ಥಿತಿ ನಿರ್ಮಾಣಗೊಂಡಿದೆ.

ಪಂಜಾಬ್​ನಲ್ಲಿ ಕೋವಿಡ್​ನಿಂದ ಅತಿ ಹೆಚ್ಚು ಸಂಕಷ್ಟಕ್ಕೊಳಗಾಗಿರುವ ಆರು ಜಿಲ್ಲೆಗಳ ಪೈಕಿ ಲೂಧಿಯಾನ್​ ಕೂಡ ಒಂದಾಗಿದ್ದು, ಕಳೆದ 24 ಗಂಟೆಗಳಲ್ಲಿ 24 ಜನರು ಸಾವನ್ನಪ್ಪಿದ್ದಾರೆ. ಪ್ರತಿ ಗಂಟೆಗೂ ಕೋವಿಡ್​ನಿಂದ ಓರ್ವ ಸಾವನ್ನಪ್ಪಿದ್ದಾನೆ.

ಪಂಜಾಬ್​ನಲ್ಲಿಂದು 6,812 ಸೋಂಕಿತ ಪ್ರಕರಣ ದಾಖಲಾಗಿದ್ದು, 138 ಜನರು ಸಾವನ್ನಪ್ಪಿದ್ದಾರೆ. ಪ್ರಮುಖವಾಗಿ ಮೊಹಾಲಿ, ಜಲಂಧರ್​, ಲೂಧಿಯಾನ್​ದಲ್ಲಿ ಹೆಚ್ಚಿನ ಸೋಂಕಿತ ಪ್ರಕರಣ ದಾಖಲಾಗುತ್ತಿವೆ. ಇನ್ನು ಮೃತ ದೇಹಗಳ ಅಂತ್ಯಕ್ರಿಯೆ ನಡೆಸಲು ಶವಗಾರಗಳ ಮುಂದೆ ಕ್ಯೂ ನಿಲ್ಲುವಂತಹ ಸ್ಥಿತಿ ನಿರ್ಮಾಣಗೊಂಡಿದೆ ಎಂದು ತಿಳಿದು ಬಂದಿದೆ.