ಭಾರತದಲ್ಲಿ ಕೊರೊನಾ ಹೊಸ ಅಲೆ ವಯಸ್ಕರಿಗೆ ಮಾತ್ರವಲ್ಲ, ಮಕ್ಕಳ ಮೇಲೂ ಪರಿಣಾಮ ಬೀರಿದೆ. ಮಕ್ಕಳಲ್ಲಿ ಚೇತರಿಕೆ ತ್ವರಿತವಾಗಿರುತ್ತದೆ. ಈಟಿವಿ ಭಾರತ ಸುಖಿಭವ ತಂಡವು ಡಾ. ವಿಜಯಾನಂದ ಜಮಲಪುರಿ ಜತೆ ಈ ಬಗ್ಗೆ ಮಾತನಾಡಿದೆ.
ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆ ಕೇಂದ್ರಗಳು (ಸಿಡಿಸಿ) ಈ ಸ್ಥಿತಿಯನ್ನು ವಿವರಿಸುತ್ತವೆ. ಹೃದಯ, ಶ್ವಾಸಕೋಶ, ಮೂತ್ರಪಿಂಡಗಳು, ಮೆದುಳು, ಚರ್ಮ, ಕಣ್ಣುಗಳು ಅಥವಾ ಜಠರಗರುಳಿನ ಅಂಗಗಳು ಸೇರಿದಂತೆ ದೇಹದ ವಿವಿಧ ಭಾಗಗಳು ಉಬ್ಬಿಕೊಳ್ಳಬಹುದು. ಎಂಐಎಸ್-ಸಿ ಹೊಂದಿರುವ ಮಕ್ಕಳಿಗೆ ಜ್ವರ ಮತ್ತು ಹೊಟ್ಟೆಯ (ಕರುಳಿನ) ನೋವು, ವಾಂತಿ, ಅತಿಸಾರ, ಕುತ್ತಿಗೆ ನೋವು, ದದ್ದು, ಕೆಂಪು ಕಣ್ಣುಗಳು ಅಥವಾ ಹೆಚ್ಚುವರಿ ದಣಿವು ಸೇರಿದಂತೆ ವಿವಿಧ ಲಕ್ಷಣಗಳು ಕಂಡುಬರಬಹುದು.
ಈ ರೋಗ ನಿರ್ಣಯಕ್ಕೆ ರೋಗ ಲಕ್ಷಣಗಳು ಮತ್ತು ಅವಶ್ಯಕತೆಗಳ ಪ್ರಕಾರ ರಕ್ತ ಅಥವಾ ಮೂತ್ರ ಪರೀಕ್ಷೆಗಳು, ಸ್ಕ್ಯಾನ್‌ಗಳು ಅಥವಾ ಇತರ ಪರೀಕ್ಷೆಗಳು ಬೇಕಾಗಬಹುದು. ರೋಗ ನಿರ್ಣಯ ಮಾಡಿದ ನಂತರ, ತಕ್ಷಣದ ಚಿಕಿತ್ಸೆ ನೀಡಲಾಗುತ್ತದೆ. ಆದ್ದರಿಂದ ನಿಮ್ಮ ಮಗುವಿಗೆ ಹೆಚ್ಚಿನ ದರ್ಜೆಯ ಜ್ವರ (102-103 F) ಇದ್ದರೆ, ಚೇತರಿಸಿಕೊಂಡ 3-4 ವಾರಗಳ ನಂತರ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.
ಎಂಐಎಸ್-ಸಿ ಹೊರತುಪಡಿಸಿ ಮಗುವಿಗೆ ಹಲವಾರು ವಾರಗಳವರೆಗೆ ಆಲಸ್ಯ ಮತ್ತು ನಂತರದ ವೈರಲ್ ಆಯಾಸ ಉಂಟಾಗುತ್ತದೆ. ಆದರೆ ವಯಸ್ಕರಿಗೆ ಹೋಲಿಸಿದರೆ ಇದು ಮಕ್ಕಳಲ್ಲಿ ಹೆಚ್ಚು ಇರುವುದಿಲ್ಲ.
ತಡೆಗಟ್ಟುವ ಕ್ರಮಗಳು ಯಾವುವು?
ಗುಣಪಡಿಸುವುದಕ್ಕಿಂತ ತಡೆಗಟ್ಟುವುದು ಉತ್ತಮ ಎಂದು ನಾವು ಯಾವಾಗಲೂ ಹೇಳುವಂತೆ, ಮಕ್ಕಳನ್ನು ಸೋಂಕಿಗೆ ಒಳಗಾಗದಂತೆ ಮಾಡಲು ಪ್ರಯತ್ನಿಸಿ. ಡಾ. ವಿಜಯಾನಂದ್ ಶಿಫಾರಸು ಮಾಡಿದ ರೋಗ ತಡೆಗಟ್ಟುವ ಕೆಲವು ಕ್ರಮಗಳು ಇಲ್ಲಿವೆ:
ಅಗತ್ಯಗಳನ್ನು ಪಡೆಯಲು ಹೆಚ್ಚಾಗಿ ಹೊರಗೆ ಹೋಗುವ ವಯಸ್ಕರೇ ಆಗಿರುವುದರಿಂದ ಅವರು ಹೆಚ್ಚು ಜಾಗರೂಕರಾಗಿರಬೇಕು ಮತ್ತು ರೋಗ ತಡೆಗಟ್ಟುವ ಎಲ್ಲಾ ಕ್ರಮಗಳನ್ನು ಅನುಸರಿಸಬೇಕು.
18 ವರ್ಷಕ್ಕಿಂತ ಮೇಲ್ಪಟ್ಟ ಜನರು ಈಗ ಲಸಿಕೆ ಪಡೆಯಲು ಅರ್ಹರಾಗಿದ್ದಾರೆ. ಆದ್ದರಿಂದ ಸ್ಲಾಟ್ ಲಭ್ಯವಾದ ತಕ್ಷಣ ನೀವೇ ಲಸಿಕೆ ಪಡೆಯಿರಿ. ಇದರಿಂದ ನೀವು ಸೋಂಕಿಗೆ ಒಳಗಾಗುವುದಿಲ್ಲ ಅಥವಾ ಮಕ್ಕಳಿಗೆ ವೈರಸ್ ಹರಡುವುದಿಲ್ಲ.
ಮಕ್ಕಳು ಕೂಡ ಮಾಸ್ಕ್ ಧರಿಸುವುದು, ದೈಹಿಕ ಅಂತರ ಕಾಪಾಡುವುದು, ಆಗಾಗ ಕೈ ತೊಳೆಯುವುದು ಮತ್ತು ಉಸಿರಾಟದ ನೈರ್ಮಲ್ಯವನ್ನು ಕಾಪಾಡಿಕೊಳ್ಳುವುದು ಮುಂತಾದ ರೋಗ ತಡೆಗಟ್ಟುವ ಎಲ್ಲಾ ಕ್ರಮಗಳನ್ನು ಅನುಸರಿಸಬೇಕಾಗುತ್ತದೆ. ಸಿಡಿಸಿ ಪ್ರಕಾರ, ಎಲ್ಲಾ ಮಕ್ಕಳು 2 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರು ಮಾಸ್ಕ್ ಧರಿಸಲು ಸೂಚಿಸಲಾಗಿದೆ. ಕೂಟಗಳು, ಹುಟ್ಟುಹಬ್ಬದ ಪಾರ್ಟಿಗಳು ಅಥವಾ ಸ್ಲೀಪ್‌ಓವರ್‌ಗಳನ್ನು ತಪ್ಪಿಸಿ.
ಪ್ರಸ್ತುತ ಸಂದರ್ಭಗಳಲ್ಲಿ ಪೋಷಕರು ಜಾಗರೂಕರಾಗಿರಬೇಕು. ಮಕ್ಕಳು ಸೌಮ್ಯವಾದ ಸೋಂಕನ್ನು ಹೊಂದಿದ್ದರೂ ಸಹ ವೈರಸ್‌ನ ವಾಹಕಗಳಾಗಿರಬಹುದು ಮತ್ತು ಕುಟುಂಬದಲ್ಲಿ ಇತರರಿಗೆ, ವಿಶೇಷವಾಗಿ ಹೆಚ್ಚಿನ ಅಪಾಯದಲ್ಲಿರುವ ಮತ್ತು ದುರ್ಬಲರಾಗಿರುವವರಿಗೆ ಸೋಂಕು ತಗುಲಿಸುವ ಕಾರಣ ಸರಿಯಾದ ಆರೈಕೆ ಇನ್ನೂ ಅಗತ್ಯವಾಗಿರುತ್ತದೆ.
ಮಗುವಿಗೆ ಕೊರೊನಾ ಪಾಸಿಟಿವ್ ಬಂದರೆ ಏನು ಮಾಡಬೇಕು?
ನಿಮ್ಮ ಮಗು ವೈರಸ್‌ಗೆ ತುತ್ತಾಗಿರಬಹುದು ಅಥವಾ ಅವರು ಯಾವುದೇ ಸಂಬಂಧಿತ ರೋಗ ಲಕ್ಷಣಗಳನ್ನು, ವಿಶೇಷವಾಗಿ ಜ್ವರ, ನೋಯುತ್ತಿರುವ ಗಂಟಲು, ಕೆಮ್ಮು ಅಥವಾ ವಾಂತಿ ಅಥವಾ ಅತಿಸಾರದಂತಹ ಜಠರಗರುಳಿನ ಸಮಸ್ಯೆಗಳನ್ನು ಪ್ರಸ್ತುತಪಡಿಸಿದರೆ ನಿಮ್ಮ ಮಗುವನ್ನು ಪರೀಕ್ಷಿಸಿ. ಕೊರೊನಾ ವರದಿ ಪಾಸಿಟಿವ್ ಬಂದರೆ ಅಥವಾ ನೆಗೆಟಿವ್ ವರದಿ ಬಂದು ಕೋವಿಡ್ನಂತೆಯೇ ಕಂಡುಬರುತ್ತಿದ್ದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.
ನಿಮ್ಮ ಮಗುವಿಗೆ ಸೌಮ್ಯ ಲಕ್ಷಣಗಳು ಕಂಡುಬಂದರೆ ವಿಡಿಯೋ ಅಥವಾ ಟೆಲಿ ಸಮಾಲೋಚನೆಗಳನ್ನು ಮಾಡಬಹುದು. ಅವನ / ಅವಳ ಆಹಾರದ ಬಗ್ಗೆ ಕಾಳಜಿ ವಹಿಸಿ. ರೋಗ ಲಕ್ಷಣದ ಚಿಕಿತ್ಸೆಯ ಜೊತೆಗೆ ಅವರು ಆರೋಗ್ಯಕರ ಆಹಾರ ಮತ್ತು ಸಾಕಷ್ಟು ನೀರಿನಂಶ ಹೊಂದಿದ್ದಾರೆ ಎಂದು ಖಚಿತಪಡಿಸಿಕೊಳ್ಳಿ. ಮಕ್ಕಳಿಗೆ ನೀಡುವ ಔಷಧಿ ವಯಸ್ಕರಿಗೆ ಸಮನಾಗಿರುವುದಿಲ್ಲ. ಆದ್ದರಿಂದ ಕೊರೊನಾಗೆ ಮಕ್ಕಳ ನಿರ್ದಿಷ್ಟ ಚಿಕಿತ್ಸೆಗಾಗಿ ನಿಮ್ಮ ವೈದ್ಯರನ್ನು ಅಥವಾ ಮಕ್ಕಳ ವೈದ್ಯರನ್ನು ಸಂಪರ್ಕಿಸಿ. ಅವರ ದೇಹದ ಉಷ್ಣತೆ ಮತ್ತು ಎಸ್‌ಪಿಒ 2 ಮಟ್ಟವನ್ನು ಆಗಾಗ ಮೇಲ್ವಿಚಾರಣೆ ಮಾಡಿ ಮತ್ತು ನಿಯಮಿತವಾಗಿ ನಿಮ್ಮ ವೈದ್ಯರ ಬಳಿ ಮಾತನಾಡಿ.
ಮಗುವಿಗೆ 3 ದಿನಗಳನ್ನು ಮೀರಿ ಜ್ವರವಿದ್ದರೆ ವೇಗವಾಗಿ ಉಸಿರಾಡುವುದು, ಉಸಿರಾಟದ ತೊಂದರೆ, ಆಲಸ್ಯ, ತೀವ್ರ ಅತಿಸಾರ ಅಥವಾ ಎಸ್‌ಪಿಒ 2 ಮಟ್ಟವು 95%ಕ್ಕಿಂತ ಕಡಿಮೆಯಿದ್ದರೆ, ಆಸ್ಪತ್ರೆಯ ಪ್ರವೇಶ ಅಗತ್ಯವಿದೆಯೇ ಅಥವಾ ಇಲ್ಲವೇ ಎಂದು ತಿಳಿಯಲು ತಕ್ಷಣ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ. ಚಿಕಿತ್ಸೆಯನ್ನು ವಿಳಂಬ ಮಾಡಬೇಡಿ.
