India Covid Report: ಹೊಸದಾಗಿ 10,488 ಕೋವಿಡ್‌ ಸೋಂಕಿತರು​ ಪತ್ತೆ, 313 ಮಂದಿ ಬಲಿ

ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 10,488 ಹೊಸ ಕೋವಿಡ್​​ ಪ್ರಕರಣಗಳು ಪತ್ತೆಯಾಗಿವೆ. 12,329 ಮಂದಿ ಚೇತರಿಸಿಕೊಂಡಿದ್ದು, 313 ಜನರು ಅಸುನೀಗಿದ್ದಾರೆ.

ನವದೆಹಲಿ:ದೇಶಾದ್ಯಂತ ಕಳೆದ 24 ಗಂಟೆಗಳ ಅವಧಿಯಲ್ಲಿ 10,488 ಮಂದಿ ಕೊರೊನಾ​ ಸೋಂಕಿತರು ಪತ್ತೆಯಾಗಿದ್ದು, 313 ಜನರು ಸಾವನ್ನಪ್ಪಿದ್ದಾರೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ (Ministry of Health and Family Welfare) ಮಾಹಿತಿ ನೀಡಿದೆ.

ನಿನ್ನೆ (ಶನಿವಾರ) ಒಂದೇ ದಿನ 12,329 ಮಂದಿ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್​ ಆಗಿದ್ದಾರೆ. ಈವರೆಗೆ ಶೇ. 98.30 ಅಂದರೆ 3,39,22,037 ಜನರು ವೈರಸ್​ನಿಂದ ಚೇತರಿಸಿಕೊಂಡಿದ್ದಾರೆ. ಇನ್ನು ಕಳೆದ 532 ದಿನಗಳ ಬಳಿಕ ಸಕ್ರಿಯ​ ಸೋಂಕು ಪ್ರಕರಣ​ದ ಪ್ರಮಾಣ ಶೇ. 0.98ರಷ್ಟು ಇಳಿಕೆಯಾಗಿದ್ದು, ಪ್ರಸ್ತುತ 1,22,714 ಸಕ್ರಿಯ ಪ್ರಕರಣಗಳಿವೆ.

116.50 ಕೋಟಿ ಡೋಸ್​ ವ್ಯಾಕ್ಸಿನೇಷನ್:​

ದೇಶಾದ್ಯಂತ ಜನವರಿ 16ರಿಂದ ಕೊರೊನಾ ಲಸಿಕಾ ಅಭಿಯಾನ ಆರಂಭಿಸಲಾಗಿದ್ದು, ಈವರೆಗೆ 116.50 ಕೋಟಿಗೂ ಹೆಚ್ಚು ಡೋಸ್​ ವ್ಯಾಕ್ಸಿನ್​ ನೀಡಲಾಗಿದೆ.

ಇದನ್ನೂ ಓದಿ:COVID Update: ರಾಜ್ಯದಲ್ಲಿಂದು 213 ಜನರಲ್ಲಿ ಸೋಂಕು.. 5 ಮಂದಿ ಸಾವು