ನಮ್ಮ ಹಣಕಾಸು ಸಚಿವಾಲಯಕ್ಕೆ ಅರ್ಥಶಾಸ್ತ್ರದ ಬಗ್ಗೆ ತಿಳಿದಿಲ್ಲ, ನಾವು ಜನರಿಗಾಗಿ ಏನಾದ್ರೂ ಮಾಡ್ಬೇಕಿತ್ತು.. ಸುಬ್ರಮಣಿಯನ್ ಸ್ವಾಮಿ

ಅನೇಕ ಜನರು ಬಳಲುತ್ತಿದ್ದಾರೆ. ಮಧ್ಯಮ ವರ್ಗದ ಜನರು ಬಡತನ ರೇಖೆಗಿಂತ ಕೆಳಗಿದ್ದಾರೆ. ನನಗೆ ತುಂಬಾ ಬೇಸರವಾಗಿದೆ. ನಾವು ಏನಾದರೂ ಮಾಡಬೇಕಾಗಿತ್ತು. ನಮ್ಮ ಹಣಕಾಸು ಸಚಿವಾಲಯಕ್ಕೆ ಅರ್ಥಶಾಸ್ತ್ರದ ಬಗ್ಗೆ ತಿಳಿದಿಲ್ಲ. ಕೇಂದ್ರದ ಕೋವಿಡ್ ಲಸಿಕೆ ಹೆಚ್ಚು ಉತ್ಪಾದಿಸುವ ಅಗತ್ಯತೆಯ ಬಗ್ಗೆ ಪ್ರಧಾನಿ ಗಮನ ಹರಿಸಬೇಕಾಗಿತ್ತು..

ನವದೆಹಲಿ :ಹಿರಿಯ ಬಿಜೆಪಿ ಮುಖಂಡ ಸುಬ್ರಮಣಿಯನ್ ಸ್ವಾಮಿ ಅವರು ಈಟಿವಿ ಭಾರತ ಜೊತೆ ನಡೆಸಿದ ವಿಶೇಷ ಸಂವಾದದಲ್ಲಿ ಭಾರತದ ತುರ್ತು ಪರಿಸ್ಥಿತಿ ಕುರಿತು ಮಾತನಾಡಿದ್ದಾರೆ. ರಾಷ್ಟ್ರದ ಪ್ರಸ್ತುತ ಪರಿಸ್ಥಿತಿಯನ್ನು ಆ ಅವಧಿಯೊಂದಿಗೆ ಹೋಲಿಸಿದರೆ ಪ್ರಸ್ತುತ ಪರಿಸ್ಥಿತಿಯನ್ನು ತುರ್ತು ಪರಿಸ್ಥಿತಿ ಎಂದು ಹೇಳುವುದು ತಪ್ಪಾಗುತ್ತದೆ. ತುರ್ತು ಸಮಯದಲ್ಲಿ ನಾಗರಿಕ ಹಕ್ಕುಗಳನ್ನು ಅಮಾನತುಗೊಳಿಸಲಾಗಿದೆ. ಆದರೆ, ಇಂದು ನಮಗೆ ಸ್ವಾತಂತ್ರ್ಯವಿದೆ ಮತ್ತು ಮುಕ್ತವಾಗಿ ಬದುಕುತ್ತಿದ್ದೇವೆ ಎಂದು ಹೇಳಿದರು.

ಪಕ್ಷದ ಕಾರ್ಯಕರ್ತರು ಒಪ್ಪದಿದ್ದರೂ ಸಹ ಬಿಜೆಪಿಗೆ ಅನೇಕ ನೀತಿಗಳನ್ನು ಬದಲಾಯಿಸಲು ಸಾಧ್ಯವಿಲ್ಲ ಎಂಬುದು ನಮ್ಮ ದೌರ್ಬಲ್ಯವಾಗಿರುವುದರಿಂದ ಸರ್ಕಾರವು ತುರ್ತು ಪರಿಸ್ಥಿತಿಗೆ ಕಾರಣವಾಗುತ್ತಿದೆ ಎಂದು ಅವರು ಒಪ್ಪಿಕೊಂಡಿದ್ದಾರೆ. ಜಮ್ಮು ಮತ್ತು ಕಾಶ್ಮೀರ ನಾಯಕರ ಗೃಹಬಂಧನವನ್ನು ತುರ್ತು ಪರಿಸ್ಥಿತಿಗೆ ಹೋಲಿಸಿದ ಪ್ರತಿಪಕ್ಷಗಳಿಗೆ ತಿರುಗೇಟು ನೀಡಿದ ಸ್ವಾಮಿ, ನಾಯಕರು ನ್ಯಾಯಾಲಯಕ್ಕೆ ತೆರಳುವ ಹಕ್ಕಿದೆ. ಭಾರತದ ಅವಿಭಾಜ್ಯ ಅಂಗವಾಗಿರುವ ಈ ಪ್ರದೇಶದಲ್ಲಿ ಶಾಂತಿ ಕಾಪಾಡಲು ಸರ್ಕಾರ ಕ್ರಮ ಕೈಗೊಂಡಿದೆ ಎಂದು ಹೇಳಿದರು. ಎಲ್ಲಾ ಹಿಂದೂ ತೀರ್ಥಯಾತ್ರೆಗಳು ಜಮ್ಮು ಮತ್ತು ಕಾಶ್ಮೀರದಲ್ಲಿವೆ ಎಂದು ಅವರು ಹೇಳಿದರು.

ಜಮ್ಮು ಮತ್ತು ಕಾಶ್ಮೀರದಲ್ಲಿ 370ನೇ ವಿಧಿಯನ್ನು ರದ್ಧತಿ ಬಗ್ಗೆ ಮಾತನಾಡಿದ ಅವರು, ಸಂವಿಧಾನದ ಪ್ರಕಾರ ಈ ವಿಧಿ ತಾತ್ಕಾಲಿಕವಾಗಿದೆ. ಆದ್ದರಿಂದ 70 ವರ್ಷಗಳ ನಂತರ ಅದನ್ನು ರದ್ಧು ಮಾಡಲು ಸರ್ಕಾರ ನಿರ್ಧರಿಸಿದೆ. ಜೆಕೆ ರಾಜ್ಯತ್ವವನ್ನು ಹಿಂದಿರುಗಿಸಬೇಕೆಂದು ಒತ್ತಾಯಿಸಿದ ಕಾಂಗ್ರೆಸ್ ಬಗ್ಗೆ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ ಅವರು, ಅಂತಹ ಬೇಡಿಕೆಗಳನ್ನು ಎತ್ತುವ ಮೂಲಕ ಕಾಂಗ್ರೆಸ್ ಆತ್ಮಹತ್ಯೆ ಮಾಡಿಕೊಳ್ಳಲು ಬಯಸುತ್ತಿದೆ ಎಂದು ತೋರಿಸುತ್ತದೆ ಎಂದು ಹೇಳಿದರು. ಬಿಜೆಪಿಯನ್ನು ಹೇಗೆ ಟೀಕಿಸುವುದು ಎಂಬುದು ಕಾಂಗ್ರೆಸ್‌ಗೆ ಮಾತ್ರ ತಿಳಿದಿದೆ ಎಂದು ಅವರು ಹೇಳಿದ್ದಾರೆ.

ಭಾರತವನ್ನು ಆಕ್ರಮಿಸುವ ಚೀನಾ ಪ್ರಯತ್ನದ ಬಗ್ಗೆ ಅವರ ಪ್ರತಿಕ್ರಿಯೆ ಬಗ್ಗೆ ಕೇಳಿದಾಗ, "ಚೀನಾ ಆಕ್ರಮಣದ ಪ್ರಯತ್ನವನ್ನು ಕಾಂಗ್ರೆಸ್ ಎಂದಿಗೂ ಗಮನ ಸೆಳೆದಿಲ್ಲ. ಚೀನಾ ಯಾವಾಗಲೂ ನಮ್ಮನ್ನು ಮೀರಿಸಲು ಪ್ರಯತ್ನಿಸಿತು. ಚೀನಾ ವಿರುದ್ಧದ ಕೇಂದ್ರದ ಕ್ರಮದಿಂದ ನಾನು ಸಹ ಸಂತೋಷವಾಗಿಲ್ಲ. ನಮ್ಮ ಪಡೆಗಳನ್ನು ನಂಬಿದ್ದೇವೆ ಮತ್ತು ನಮ್ಮ ಭೂಮಿಯನ್ನು ಆಕ್ರಮಿಸಿಕೊಳ್ಳಲು ಪ್ರಯತ್ನಿಸಿದ್ದಕ್ಕಾಗಿ ಚೀನಾದೊಂದಿಗೆ ಹೋರಾಡಿದ್ದೇವೆ "ಎಂದು ಹೇಳಿದರು. ಭಾರತದಲ್ಲಿ ಇಬ್ಬರು ಮಕ್ಕಳ ನೀತಿಯನ್ನು ಪರಿಚಯಿಸುವ ಕುರಿತು ಮಾತನಾಡಿದ ಅವರು, ಜನನದ ಬಗ್ಗೆ ನಿಗಾ ಇಡುವುದು ಸುಲಭವಲ್ಲವಾದ್ದರಿಂದ ಕಾನೂನನ್ನು ಜಾರಿಗೆ ತರಲು ಸಾಧ್ಯವಿಲ್ಲ. ಬದಲಾಗಿ, ಜನಸಂಖ್ಯೆಯನ್ನು ನಿಯಂತ್ರಿಸಲು ಜನರನ್ನು ಪ್ರೋತ್ಸಾಹಿಸಬೇಕು ಎಂದರು.

ಉತ್ತಮ ಜೀವನ ಮಟ್ಟಕ್ಕಾಗಿ ಜನರನ್ನು ಪ್ರೇರೇಪಿಸುವ ಮಾರ್ಗಗಳನ್ನು ಸೂಚಿಸಿದ ಸ್ವಾಮಿ, ಉತ್ತಮ ಸೌಲಭ್ಯಗಳನ್ನು ಹೊಂದಿರುವ ಶಾಲೆಗಳನ್ನು ಜನರಿಗೆ ಲಭ್ಯವಾಗುವಂತೆ ಮಾಡಬೇಕು. ಗುಣಮಟ್ಟದ ಶಿಕ್ಷಣಕ್ಕಾಗಿ ಶಾಲಾ ಶುಲ್ಕವನ್ನು ಮನ್ನಾ ಮಾಡಬೇಕು ಎಂದು ಹೇಳಿದರು. ರಾಷ್ಟ್ರದ ಜಿಡಿಪಿಯ ಶೇಕಡಾ 1.5 ರಷ್ಟು ಮಾತ್ರ ಶಾಲಾ ಮೂಲಸೌಕರ್ಯಗಳ ಮೇಲೆ ಬಳಸಲಾಗುತ್ತಿದೆ ಎಂಬುದನ್ನು ಎತ್ತಿ ತೋರಿಸಿದ ಅವರು, ಇತರ ರಾಷ್ಟ್ರಗಳಂತೆ ಉತ್ತಮ ಶಿಕ್ಷಣ ಮೂಲಸೌಕರ್ಯಗಳ ಬಗ್ಗೆ ಸರ್ಕಾರ ಗಮನ ಹರಿಸಬೇಕು ಎಂದು ಹೇಳಿದರು.

ಕೋವಿಡ್ ಸಾಂಕ್ರಾಮಿಕದ ಮಧ್ಯೆ ಪರಿಚಯಿಸಲಾದ ಹಣಕಾಸು ಸಚಿವಾಲಯದ ನೀತಿಗಳನ್ನು ಟೀಕಿಸಿದ ಅವರು, ಅನೇಕ ಜನರು ಬಳಲುತ್ತಿದ್ದಾರೆ. ಮಧ್ಯಮ ವರ್ಗದ ಜನರು ಬಡತನ ರೇಖೆಗಿಂತ ಕೆಳಗಿದ್ದಾರೆ ಎಂದು ಹೇಳಿದರು. "ನನಗೆ ತುಂಬಾ ಬೇಸರವಾಗಿದೆ. ನಾವು ಏನಾದರೂ ಮಾಡಬೇಕಾಗಿತ್ತು. ನಮ್ಮ ಹಣಕಾಸು ಸಚಿವಾಲಯಕ್ಕೆ ಅರ್ಥಶಾಸ್ತ್ರದ ಬಗ್ಗೆ ತಿಳಿದಿಲ್ಲ" ಎಂದು ಅವರು ಹೇಳಿದರು. ಕೇಂದ್ರದ ಕೋವಿಡ್ ನಿರ್ವಹಣೆಯ ಕುರಿತು ಮಾತನಾಡಿದ ಅವರು, ಲಸಿಕೆ ಹೆಚ್ಚು ಉತ್ಪಾದಿಸುವ ಅಗತ್ಯತೆಯ ಬಗ್ಗೆ ಪ್ರಧಾನಿ ಗಮನಹರಿಸಬೇಕಾಗಿತ್ತು ಎಂದರು.

"ಮೊದಲ ಅಲೆ ಮುಗಿದ ನಂತರ ನಾವು ಜಾಗತಿಕ ವೇದಿಕೆಗಳಲ್ಲಿ ಹೆಮ್ಮೆಪಡುತ್ತೇವೆ. ಆದರೆ, ಇನ್ನೊಂದಕ್ಕೆ ತಯಾರಿ ನಡೆಸಲಿಲ್ಲ. ಪಾಠಗಳನ್ನು ಕಲಿಯುವಲ್ಲಿ ನಾವು ವಿಫಲರಾಗಿದ್ದೇವೆ. ನಾವು ಜನರಿಗೆ ಎಚ್ಚರಿಕೆ ನೀಡಬೇಕು. ನಾವು ಅಹಂಕಾರದ ನಡವಳಿಕೆಯನ್ನು ಬದಲಾಯಿಸಬೇಕಾಗಿದೆ. ಸರ್ಕಾರಕ್ಕೆ ಲಸಿಕೆ ತಯಾರಕರು ಬೇಕು" ಎಂದು ಅವರು ಹೇಳಿದರು.

ಮುಂಬರುವ ಚುನಾವಣೆಯಲ್ಲಿ ಬಿಜೆಪಿಯ ಗೆಲುವಿನ ಬಗ್ಗೆ ವಿಶ್ವಾಸ ತೋರಿಸಿದ ಅವರು, ಮುಂದಿನ ಬಾರಿ ಪ್ರಧಾನಿ ಮೋದಿಯವರು ಸ್ಪರ್ಧಿಸುವ ಮೊದಲು, ಹಿರಿಯ ನಾಯಕರನ್ನು ಪ್ರಮುಖ ಖಾತೆಗಳಿಂದ ಹೊರಗಿಡುವ ನಿರ್ಧಾರವನ್ನು ಅವರು ಮರುಪರಿಶೀಲಿಸಬೇಕು ಎಂದು ಹೇಳಿದರು. ರಾಮ ಮಂದಿರದ ಭೂ ಹಗರಣದ ಬಗ್ಗೆ ಮಾತನಾಡಿದ ಅವರು, 'ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರದ ಪ್ರಧಾನ ಕಾರ್ಯದರ್ಶಿ ಚಂಪತ್ ರಾಯ್ ನಿರಪರಾಧಿ. ಆತನನ್ನು ದೂಷಿಸುವುದು ತಪ್ಪು ಎಂದರು.