ಬರ್ಮಿಂಗ್ಹ್ಯಾಮ್: ಶುಕ್ರವಾರ ನಡೆದ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಮಹಿಳಾ ಹಾಕಿ ತಂಡ ಘಾನ ವಿರುದ್ದ 5-0 ಅಂತರದಲ್ಲಿ ಭರ್ಜರಿ ಜಯ ಸಾಧಿಸುವ ಮೂಲಕ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ತಂಡ ಶುಭರಾಂಭ ಮಾಡಿದೆ.
ಡ್ರ್ಯಾಗ್ ಫ್ಲಿಕ್ಕರ್ ಗುರ್ಜಿತ್ ಕೌರ್ ಅವರ 2 ಗೋಲ್ಗಳು ಭಾರತವನ್ನು ಗೆಲುವಿನ ದಡ ಸೇರಿಸಲು ಸಹಾಯ ಮಾಡಿತು. ಈ ತಿಂಗಳ ಆರಂಭದಲ್ಲಿ ನೆದರ್ಲ್ಯಾಂಡ್ಸ್ ಮತ್ತು ಸ್ಪೇನ್ನಲ್ಲಿ ನಡೆದ ಎಫ್ಐಹೆಚ್ ಮಹಿಳಾ ವಿಶ್ವಕಪ್ನಲ್ಲಿ ಕಳಪೆ ಪ್ರದರ್ಶನ ತೋರಿದ್ದ ತಂಡ ಇದೀಗ ಕಾಮನ್ವೆಲ್ತ್ ಗೇಮ್ನಲ್ಲಿ ಉತ್ತಮ ಆರಂಭ ಮಾಡಿದೆ.
ಭಾರತ ತಂಡ ಮೊದಲ ಎರಡು ಕ್ವಾರ್ಟರ್ನಲ್ಲಿ ತಲಾ ಒಂದು ಗೋಲ್ಗಳಿಸಿದರೆ, ಮೂರನೇ ಕ್ವಾರ್ಟರ್ನಲ್ಲಿ ಎರಡು ಗೋಲುಗಳಿಸಿತು. ನಾಲ್ಕನೇ ಕ್ವಾರ್ಟರ್ನಲ್ಲಿ ಮತ್ತೊಂದು ಗೋಲುಗಳಿಸುವ ಮೂಲಕ ಗೆಲುವ ಖಚಿತ ಪಡಿಸಿತು.
ಪಂದ್ಯ ಆರಂಭಿಕ ಮೂರನೇ ನಿಮಿಷದಲ್ಲಿ ಭಾರತದ ಪರ ಗುರ್ಜಿತ್ ಕೌರ್ ಅವರು ಪೆನಾಲ್ಟಿ ಕಾರ್ನರ್ ಅನ್ನು ಸದುಪಯೋಗ ಪಡೆಸಿಕೊಂಡು ಗೋಲ್ ಭಾರಿಸುವ ಮೂಲಕ ತಂಡಕ್ಕೆ 1-0 ಮನ್ನಡೆ ತಂದುಕೊಟ್ಟರು. ಇನ್ನು ಫಾರ್ವರ್ಡ್ ಆಟಗಾರ್ತಿ ನೇಹಾ 28ನೇ ನಿಮಿಷದಲ್ಲಿ ಫೀಲ್ಡ್ ಗೋಲು ಭಾರಿಸುವ ಮೂಲಕ ತಂಡ 2-0 ಅಂತರದ ಮುನ್ನಡೆ ಸಾಧಿಸಿತು.
ಸಂಗೀತ ಕುಮಾರಿ 36ನೇ ನಿಮಿಷಕ್ಕೆ ಮೂರನೇ ಗೋಲು ಬಾರಿಸಿದರು. ಪೆನಾಲ್ಟಿ ಸ್ಟ್ರೋಕ್ ಮೂಲಕ ಗುರ್ಜಿತ್ ಕೌರ್ ಬಾಲನ್ನು ಗೋಲಿಗೆ ಅಟ್ಟುವ ಮೂಲಕ ಭಾರತ 4-0 ಅಂತರದ ಮುನ್ನಡೆ ಸಾಧಿಸಿತು. ಇನ್ನು ಯುವ ಆಟಗಾರ್ತಿ ಸಲೀಮಾ ಟೆಟೆ ಪಂದ್ಯ ಮುಗಿಯಲು ನಾಲ್ಕು ನಿಮಿಷ ಭಾಕಿ ಇರುವಾಗ ಗೋಲು ಭಾರಿಸುವ ಮೂಲಕ ಸುಲಭವಾಗಿ ಭಾರತ ತಂಡ ಜಯ ಸಾಧಿಸಿತು.
ಇದನ್ನೂ ಓದಿ:ರೋಹಿತ್, ಕಾರ್ತಿಕ್ ಸ್ಫೋಟಕ ಆಟ.. ವೆಸ್ಟ್ ಇಂಡೀಸ್ ಗೆಲುವಿಗೆ 191ರನ್ಗಳ ಟಾರ್ಗೆಟ್
