ಜಲ ಜೀವನ್ ಮಿಷನ್: ಒಡಿಶಾಗೆ 4 ಪಟ್ಟು ಹೆಚ್ಚು ಅನುದಾನ ಘೋಷಿಸಿದ ಕೇಂದ್ರ

ಜಲ ಜೀವನ್ ಮಿಷನ್ ಮಿಷನ್ ಅಡಿಯಲ್ಲಿ, ವಿಶೇಷವಾಗಿ ಮಹಿಳೆಯರು ಮತ್ತು ಮಕ್ಕಳ ಜೀವನವನ್ನು ಸುಧಾರಿಸಲು ಪ್ರತಿ ಮನೆಗೆ ಶುದ್ಧವಾದ ಟ್ಯಾಪ್ ವಾಟರ್ ಒದಗಿಸುವ ಉದ್ದೇಶವನ್ನು ಕೇಂದ್ರ ಹೊಂದಿದೆ. ಈ ಹಿನ್ನೆಲೆಯಲ್ಲಿ 2021-22ರಲ್ಲಿ ಜಲ ಜೀವನ್ ಮಿಷನ್ ಅಡಿಯಲ್ಲಿ ಒಡಿಶಾಗೆ ನಾಲ್ಕು ಪಟ್ಟು ಹೆಚ್ಚು ಅನುದಾನ ಘೋಷಿಸಿದೆ.

ನವದೆಹಲಿ: 2021-22ರಲ್ಲಿ ಜಲ ಜೀವನ್ ಮಿಷನ್ ಅಡಿಯಲ್ಲಿ ಒಡಿಶಾಗೆ ಕೇಂದ್ರ ಸರ್ಕಾರ 3,323.42 ಕೋಟಿ ರೂ. ಅನುದಾನ ನೀಡಿದೆ. 2020-21ರಲ್ಲಿ 812.15 ಕೋಟಿ ರೂ. ನೀಡಿತ್ತು.

ಜಲಶಕ್ತಿ ಸಚಿವಾಲಯದ ಅಧಿಕೃತ ಪ್ರಕಟಣೆಯ ಪ್ರಕಾರ, ಕೇಂದ್ರ ಜಲ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್ ಈ ಹಂಚಿಕೆಯ ನಾಲ್ಕು ಪಟ್ಟು ಹೆಚ್ಚಳಕ್ಕೆ ಅನುಮೋದನೆ ನೀಡಿದ್ದಾರೆ. ಮಾರ್ಚ್ 2024 ರೊಳಗೆ ಪ್ರತಿ ಗ್ರಾಮೀಣ ಮನೆಯಲ್ಲೂ ಕೊಳವೆ ನೀರು ಸರಬರಾಜು ಮಾಡಲು ರಾಜ್ಯಕ್ಕೆ ಸಂಪೂರ್ಣ ನೆರವು ನೀಡುವ ಭರವಸೆ ನೀಡಿದೆ.

2019 ರಲ್ಲಿ ಮಿಷನ್ ಪ್ರಾರಂಭವಾದಾಗ, ದೇಶದ ಒಟ್ಟು 18.93 ಕೋಟಿ ಗ್ರಾಮೀಣ ಕುಟುಂಬಗಳಲ್ಲಿ, ಕೇವಲ 3.23 ಕೋಟಿ (ಶೇಕಡಾ 17) ಮಾತ್ರ ಕೊಳವೆ ನೀರಿನ ಸಂಪರ್ಕವನ್ನು ಹೊಂದಿದ್ದವು. ಕಳೆದ 22 ತಿಂಗಳುಗಳಲ್ಲಿ, ಕೋವಿಡ್-19 ಸಾಂಕ್ರಾಮಿಕ ರೋಗದ ಅಡೆತಡೆಗಳ ಹೊರತಾಗಿಯೂ, ಜಲ ಜೀವನ್ ಮಿಷನ್ ಅನ್ನು ವೇಗದಿಂದ ಜಾರಿಗೆ ತರಲಾಗಿದೆ. 4.5 ಕೋಟಿ ಮನೆಗಳಿಗೆ ಟ್ಯಾಪ್ ವಾಟರ್ ಸಂಪರ್ಕವನ್ನು ಒದಗಿಸಲಾಗಿದೆ. ವ್ಯಾಪ್ತಿಯಲ್ಲಿ 23.5 ರಷ್ಟು ಹೆಚ್ಚಳವಾಗುವುದರೊಂದಿಗೆ, ಪ್ರಸ್ತುತ ದೇಶಾದ್ಯಂತ 7.69 ಕೋಟಿ (40.6 ಪ್ರತಿಶತ) ಗ್ರಾಮೀಣ ಕುಟುಂಬಗಳು ಟ್ಯಾಪ್ ನೀರು ಸರಬರಾಜನ್ನು ಹೊಂದಿವೆ.

ಗೋವಾ, ತೆಲಂಗಾಣ, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪ ಮತ್ತು ಪುದುಚೇರಿ ಟ್ಯಾಪ್ ನೀರು ಸರಬರಾಜಿನೊಂದಿಗೆ ಶೇಕಡಾ 100 ರಷ್ಟು ಮನೆಗಳ ಗುರಿಯನ್ನು ಸಾಧಿಸಿವೆ. 'ಹರ್ ಘರ್ ಜಲ್' ಆಗಿ ಮಾರ್ಪಟ್ಟಿವೆ. ಪ್ರಸ್ತುತ, 69 ಜಿಲ್ಲೆಗಳಲ್ಲಿ ಮತ್ತು 99 ಸಾವಿರಕ್ಕೂ ಹೆಚ್ಚು ಹಳ್ಳಿಗಳಲ್ಲಿ, ಪ್ರತಿ ಮನೆಯಲ್ಲೂ ಕೊಳವೆ ನೀರು ಸರಬರಾಜು ಇದೆ ಎಂದು ಸರ್ಕಾರ ತಿಳಿಸಿದೆ.

ಆಗಸ್ಟ್ 15, 2019 ರಂದು, ಜಲ ಜೀವನ್ ಮಿಷನ್ ಪ್ರಾರಂಭವಾಗುವ ಸಮಯದಲ್ಲಿ ಕೇವಲ 3.10 ಲಕ್ಷ (3.63 ಪ್ರತಿಶತ) ಕುಟುಂಬಗಳು ಮಾತ್ರ ಟ್ಯಾಪ್ ವಾಟರ್ ಸಂಪರ್ಕವನ್ನು ಹೊಂದಿದ್ದರು. ಅಂದಿನಿಂದ, ಒಡಿಶಾದ 22.84 ಲಕ್ಷ ಮನೆಗಳಿಗೆ ಕೊಳವೆ ನೀರಿನ ಸಂಪರ್ಕವನ್ನು ಒದಗಿಸಲಾಗಿದೆ. ಹೀಗಾಗಿ, ಒಡಿಶಾದಲ್ಲಿ, ಒಟ್ಟು 85.66 ಲಕ್ಷ ಮನೆಗಳಲ್ಲಿ, ಈಗ 25.95 ಲಕ್ಷ ಕುಟುಂಬಗಳು (30.3 ಪ್ರತಿಶತ) ಕೊಳವೆ ನೀರು ಸರಬರಾಜು ಹೊಂದಿವೆ.

2021-22ರಲ್ಲಿ, 21.31 ಲಕ್ಷ ಮನೆಗಳಿಗೆ ಟ್ಯಾಪ್ ವಾಟರ್ ಸಂಪರ್ಕ, 2022-23ರಲ್ಲಿ 22.53 ಲಕ್ಷ ಟ್ಯಾಪ್ ವಾಟರ್ ಸಂಪರ್ಕ ಮತ್ತು 2023-24ರಲ್ಲಿ 18.87 ಲಕ್ಷ ಟ್ಯಾಪ್ ವಾಟರ್ ಸಂಪರ್ಕವನ್ನು ಪ್ರತಿ ಗ್ರಾಮೀಣ ಕುಟುಂಬಗಳಿಗೆ ಟ್ಯಾಪ್ ನೀರು ಸರಬರಾಜು ಮಾಡಲು ಯೋಜಿಸಲಾಗಿದೆ.

ಒಡಿಶಾದ ಮುಖ್ಯಮಂತ್ರಿಗೆ ಬರೆದಿರುವ ಪತ್ರದಲ್ಲಿ ಶೇಖಾವತ್ ಅವರು ಎಲ್ಲಾ ಗ್ರಾಮಗಳಲ್ಲಿ ಟ್ಯಾಪ್ ಸಂಪರ್ಕವನ್ನು ಒದಗಿಸುವ ಕಾರ್ಯಗಳು ಪ್ರಾರಂಭವಾಗಬೇಕು. ಇದರಿಂದಾಗಿ ರಾಜ್ಯವು 2024 ರ ಮಾರ್ಚ್ ವೇಳೆಗೆ ಪ್ರತಿ ಮನೆಗೂ ನಳದ ನೀರು ಸರಬರಾಜು ಮಾಡಬಹುದು.

ಪಂಚಾಯತಿ ರಾಜ್ ಸಂಸ್ಥೆಗಳಿಗೆ ನೀರು ಸರಬರಾಜು ನಿರ್ವಹಿಸಲು ಮತ್ತು ಹಳ್ಳಿಗಳಲ್ಲಿ ಸುಧಾರಿತ ನೈರ್ಮಲ್ಯವನ್ನು ಖಚಿತಪಡಿಸಿಕೊಳ್ಳಲು, 2021-22ರಲ್ಲಿ ಒಡಿಶಾಗೆ 1,002 ಕೋಟಿ ರೂ.ಗಳನ್ನು ಹಂಚಿಕೆ ಮಾಡಲಾಗಿದ್ದು, 15 ನೇ ಹಣಕಾಸು ಆಯೋಗವು ನೀರು ಮತ್ತು ನೈರ್ಮಲ್ಯವನ್ನು ಗ್ರಾಮೀಣ ಸ್ಥಳೀಯ ಸಂಸ್ಥೆಗಳು / ಪಿಆರ್‌ಐಗಳಿಗೆ ನೀಡಿದೆ.

ಇದನ್ನೂ ಓದಿ:Howrah-Yeshvantpur Express: ಚಲಿಸುತ್ತಿದ್ದ ರೈಲಿನಲ್ಲೇ ಗಂಡು ಮಗುವಿಗೆ ಜನ್ಮ ನೀಡಿದ ಮಹಿಳೆ