'' ಅದು ಅಧಿಕೃತ ಲೆಟರ್‌ಹೆಡ್‌ ಅಲ್ಲ'': ಉದ್ಯಮಿ ಅಫಿಡವಿಟ್​ಗೆ ಮಹುವಾ ಮೊಯಿತ್ರಾ ಪ್ರತಿಕ್ರಿಯೆ

ಮಹುವಾ ಮೊಯಿತ್ರಾ ಅವರು ದರ್ಶನ್ ಹಿರಾನಂದನಿ ಅವರ ಅಫಿಡವಿಟ್‌ನ ಸತ್ಯಾಸತ್ಯತೆ ಪ್ರಶ್ನಿಸಿದ್ದಾರೆ. ಅದು "ಅಧಿಕೃತ ಲೆಟರ್‌ಹೆಡ್‌ ಅಲ್ಲ ಅಥವಾ ನೋಟರೈಸ್ ಮಾಡಿಲ್ಲ" ಎಂದು ಪ್ರತಿಪಾದಿಸಿದರು.

ನವದೆಹಲಿ: ತೃಣಮೂಲ ಕಾಂಗ್ರೆಸ್ ಸಂಸದ ಮಹುವಾ ಮೊಯಿತ್ರಾ ಅವರು ಎರಡು ಪುಟಗಳ ಪತ್ರಿಕಾ ಪ್ರಕಟಣೆಯಲ್ಲಿ ಉದ್ಯಮಿ ದರ್ಶನ್ ಹಿರಾನಂದನಿ ಅವರ ಅಫಿಡವಿಟ್‌ಗೆ ಉತ್ತರಿಸಿದ್ದಾರೆ. ಉದ್ಯಮಿ ಹಿರಾನಂದನಿಗೆ ಪಿಎಂಒ ಶ್ವೇತಪತ್ರಕ್ಕೆ ಸಹಿ ಹಾಕುವಂತೆ ಒತ್ತಾಯಿಸಿದೆ ಎಂದು ಆರೋಪಿಸಿದ್ದಾರೆ. ಹೀರಾನಂದನಿ ಅವರು ಸಂಸತ್ತಿನ ನೈತಿಕ ಸಮಿತಿಗೆ ಸಲ್ಲಿಸಿದ್ದಾರೆ ಎನ್ನಲಾದ ಅಫಿಡವಿಟ್‌ನ ವಿಶ್ವಾಸಾರ್ಹತೆಯ ಬಗ್ಗೆಯೂ ಟಿಎಂಸಿ ಸಂಸದರು ಪ್ರಶ್ನೆಗಳನ್ನು ಎತ್ತಿದ್ದಾರೆ. ಇದು ಅಧಿಕೃತ ಲೆಟರ್‌ಹೆಡ್‌ ಇಲ್ಲ ಅಥವಾ ನೋಟರೈಸ್ ಕೂಡ ಮಾಡಿಲ್ಲ ಎಂದು ಹೇಳುತ್ತದೆ. ಪತ್ರದ ವಿಷಯವು ತಮಾಷೆಯಾಗಿದೆ ಎಂದು ಕಿಡಿಕಾರಿದರು.

''ಅಫಿಡವಿಟ್​ ಬಿಳಿ ಕಾಗದದಲ್ಲಿದೆ ಮತ್ತು ಅಧಿಕೃತ ಲೆಟರ್‌ಹೆಡ್ ಅಥವಾ ನೋಟರೈಸ್ ಮಾಡಿಲ್ಲ. ಭಾರತದ ಅತ್ಯಂತ ಗೌರವಾನ್ವಿತ, ವಿದ್ಯಾವಂತ ಉದ್ಯಮಿಯು ಶ್ವೇತಪತ್ರಕ್ಕೆ ಏಕೆ ಸಹಿ ಹಾಕುತ್ತಾರೆ? ಅವರ ತಲೆಗೆ ಯಾರಾದ್ರೂ ಬಂದೂಕು ಹಿಡಿದಿದ್ದಾರೆಯೇ? ಎಂದು ಮಹುವಾ ಶುಕ್ರವಾರ ಸಾಮಾಜಿಕ ಜಾಲತಾಣವಾದ 'ಎಕ್ಸ್' ನಲ್ಲಿ ಪೋಸ್ಟ್ ಮಾಡಿದ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ದರ್ಶನ್ ಹಿರಾನಂದನಿಗೆ ಇನ್ನೂ ಸಿಬಿಐ ಅಥವಾ ನೈತಿಕ ಸಮಿತಿ ಅಥವಾ ಯಾವುದೇ ತನಿಖಾ ಸಂಸ್ಥೆ ಸಮನ್ಸ್ ನೀಡಿಲ್ಲ. ಹಾಗಾದರೆ ಈ ಅಫಿಡವಿಟ್ ಅನ್ನು ಯಾರಿಗೆ ನೀಡಿದ್ದಾರೆ? ಎಂದು ಪ್ರಶ್ನೆ ಮಾಡಿದ್ದಾರೆ.

ದರ್ಶನ್ ಮತ್ತು ಅವರ ತಂದೆ ಭಾರತದ ಅತಿದೊಡ್ಡ ಬಿಸಿನೆಸ್​ ಅನ್ನು ಮಾಡುತ್ತಿದ್ದಾರೆ. ಯುಪಿ ಮತ್ತು ಗುಜರಾತ್‌ನಲ್ಲಿ ಅವರ ಇತ್ತೀಚಿನ ಯೋಜನೆಗಳನ್ನು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಮತ್ತು ಪ್ರಧಾನಿ ಉದ್ಘಾಟಿಸಿದ್ದಾರೆ. ಇತ್ತೀಚೆಗಷ್ಟೇ ದರ್ಶನ್ ತಮ್ಮ ವ್ಯಾಪಾರ ನಿಯೋಗದ ಭಾಗವಾಗಿ ವಿದೇಶದಲ್ಲಿ ಪ್ರಧಾನಿಯವರ ಜೊತೆಗೆ ಕಾಣಿಸಿಕೊಂಡಿದ್ದರು.

''ಪ್ರತಿಯೊಬ್ಬ ಸಚಿವರು ಮತ್ತು ಪಿಎಂಒಗೆ ನೇರ ಸಂಪರ್ಕ ಹೊಂದಿರುವ ಶ್ರೀಮಂತ ಉದ್ಯಮಿಯೊಬ್ಬರಿಗೆ ಮೊದಲ ಬಾರಿಗೆ ವಿರೋಧ ಪಕ್ಷದ ಸಂಸದರು ಉಡುಗೊರೆಗಳನ್ನು ನೀಡಲು ಮತ್ತು ಅವರ ಬೇಡಿಕೆಗಳಿಗೆ ಸಮ್ಮತಿಸುವಂತೆ ಏಕೆ ಒತ್ತಾಯಿಸುತ್ತಾರೆ? ಇದು ಸಂಪೂರ್ಣವಾಗಿ ತರ್ಕಬದ್ಧವಾಗಿಲ್ಲ. ಈ ಪತ್ರವನ್ನು ಪಿಎಂಒ ರಚಿಸಿದೆ. ಇದನ್ನು ದರ್ಶನ್ ಸೃಷ್ಟಿ ಮಾಡಿಲ್ಲ. ಉದ್ಯಮಿ ಹಿರಾನಂದನಿಗೆ ಅವರು ಹಕ್ಕುಗಳನ್ನು ಅಂಗೀಕರಿಸಿದ್ದರೆ ಪತ್ರವನ್ನು ಏಕೆ ಅಧಿಕೃತವಾಗಿ ಬಿಡುಗಡೆ ಮಾಡಲಿಲ್ಲ'' ಎಂದು ಮಹುವಾ ಪ್ರಶ್ನಿಸಿದರು.

ಆಗ ಅವರು ನನ್ನೊಂದಿಗೆ ಏಕೆ ಇದ್ದರು:''ಅವರು ನಿಜವಾಗಿಯೂ ನನ್ನ ಭ್ರಷ್ಟಾಚಾರಕ್ಕೆ ಸಾಕ್ಷಿಯಾಗಬೇಕಾದರೆ, ಆ ಸಮಯದಲ್ಲಿ ಅವರು ನನ್ನೊಂದಿಗೆ ಏಕೆ ಇದ್ದರು. ಮತ್ತು ಅದನ್ನು ಸಾರ್ವಜನಿಕಗೊಳಿಸಲು ಏಕೆ ಕಾಯುತ್ತಿದ್ದರು? ಅಲ್ಲದೆ ಅವರು ಸಿಬಿಐ ಮತ್ತು ಲೋಕಸಭಾ ಸ್ಪೀಕರ್‌ಗೆ ಪತ್ರ ಬರೆದರೆ, ಸಂಸತ್ತಿನಲ್ಲಿ ಮತ್ತು ಹೊರಗೆ ನಾನು ಪದೇ ಪದೇ ಬಹಿರಂಗಪಡಿಸಿದ ಮತ್ತು ನಾನು ಬಾಕಿ ಉಳಿದಿರುವ ವಿಶೇಷಾಧಿಕಾರದ ಪ್ರಸ್ತಾವನೆಯನ್ನು ಸಲ್ಲಿಸಿರುವ 543 ಸಂಸದರಲ್ಲಿ ನಿಶಿಕಾಂತ್ ದುಬೆಗೆ ಪತ್ರವನ್ನು ಏಕೆ ಕಳುಹಿಸುತ್ತಾರೆ?'' ಎಂದು ಹೇಳಿದ್ದಾರೆ.

''ಉದ್ಯಮಿ ಹೀರಾನಂದನಿಂದ ಬಲವಂತವಾಗಿ ಪತ್ರಕ್ಕೆ ಸಹಿ ಹಾಕಲಾಗಿದೆ'' ಎಂದು ಆರೋಪಿಸಿರುವ ಮಹುವಾ ಮೊಯಿತ್ರಾ, 'ದರ್ಶನ್ ಮತ್ತು ಅವರ ತಂದೆಯ ತಲೆಗೆ ಪಿಎಂಒ ಗನ್ ಇಟ್ಟು ಅವರಿಗೆ ಕಳುಹಿಸಿರುವ ಪತ್ರಕ್ಕೆ ಸಹಿ ಹಾಕಲು 20 ನಿಮಿಷಗಳ ಕಾಲಾವಕಾಶ ನೀಡಿದ್ದಾರೆ. ಅವರ ಎಲ್ಲ ವ್ಯವಹಾರಗಳನ್ನು ಸಂಪೂರ್ಣವಾಗಿ ಮುಚ್ಚುವುದಾಗಿ ಬೆದರಿಕೆ ಹಾಕಿರಬೇಕು. ಅವರನ್ನು ನಿರ್ಮೂಲನೆ ಮಾಡಲಾಗುವುದು, ಸಿಬಿಐ ದಾಳಿ ನಡೆಸಲಾಗುವುದು ಮತ್ತು ಎಲ್ಲ ಸರ್ಕಾರಿ ಕೆಲಸಗಳನ್ನು ಮುಚ್ಚಲಾಗುವುದು ಮತ್ತು ಬ್ಯಾಂಕ್‌ಗಳೊಂದಿಗಿನ ಅವರ ವಹಿವಾಟುಗಳನ್ನು ನಿಲ್ಲಿಸಲಾಗುವುದು ಎಂದು ಅವರು ಬೆದರಿಕೆ ಹಾಕಿರಬೇಕು'' ಎಂದು ಶಂಕೆ ವ್ಯಕ್ತಪಡಿಸಿದ್ದಾರೆ.

''ಈ ಪತ್ರದ ಕರಡನ್ನು ಪಿಎಂಒ ಕಳುಹಿಸಿದ್ದು, ಸಹಿ ಮಾಡುವಂತೆ ಒತ್ತಡ ಹೇರಲಾಗಿದೆ. ಮತ್ತು ಆ ಪತ್ರವು ತಕ್ಷಣವೇ ಪತ್ರಿಕೆಗಳಿಗೆ ಸೋರಿಕೆಯಾಯಿತು. ಇದು ಈ ಬಿಜೆಪಿ ಸರ್ಕಾರದ ಸಾಮಾನ್ಯ ಕಾರ್ಯಚಟುವಟಿಕೆಯಾಗಿದೆ ಅಥವಾ ಬಿಜೆಪಿ ನಡೆಸುತ್ತಿರುವ ಗೌತಮ್ ಅದಾನಿ ಸರ್ಕಾರವಾಗಿದೆ. ನನ್ನ ಮಾನಹಾನಿ ಮತ್ತು ನನ್ನ ಹತ್ತಿರ ಇರುವವರನ್ನು ಪ್ರತ್ಯೇಕ ಮಾಡುವ ನಿಟ್ಟಿನಲ್ಲಿ ಎಲ್ಲ ಪ್ರಯತ್ನಗಳು ನಡೆಯುತ್ತಿವೆ'' ಎಂದು ಗಂಭೀರ ಆರೋಪ ಮಾಡಿದ್ದಾರೆ. ಬಿಜೆಪಿ ಸಂಸದರಾದ ನಿಶಿಕಾಂತ್ ದುಬೆ ಮತ್ತು ಮಹುವಾ ಮೊಯಿತ್ರಾ ಅವರ 'ಕ್ಯಾಶ್ ಫಾರ್ ಕ್ವೆರಿ' ಆರೋಪದ ಕುರಿತು ಗುರುವಾರ ನಡೆದ ಮುಖಾಮುಖಿ ಹೊಸ ತಿರುವು ಪಡೆದುಕೊಂಡಿದೆ.

ಇದನ್ನೂ ಓದಿ:ನಮೋ ಭಾರತ್ ಕ್ಷಿಪ್ರ ರೈಲು ಸೇವೆಗೆ ಇಂದು ಪ್ರಧಾನಿ ಮೋದಿ ಚಾಲನೆ