ಕೋಟಾ(ರಾಜಸ್ಥಾನ): ಎರಡು ವರ್ಷದ ಪುಟ್ಟ ಬಾಲಕಿ ತಲೆ ಮೇಲೆ ಕಾರು ಹರಿದು ಹೋಗಿರುವ ಪರಿಣಾಮ ಮಗು ಸ್ಥಳದಲ್ಲೇ ಕೊನೆಯುಸಿರೆಳೆದ ದಾರುಣ ಘಟನೆ ರಾಜಸ್ಥಾನದ ಜವಾಹರ್ನಗರ ಪೊಲೀಸ್ ಠಾಣಾ ಪ್ರದೇಶದಲ್ಲಿ ನಡೆದಿದೆ. ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಡ್ರೈವರ್ ನಿರ್ಲಕ್ಷ್ಯಕ್ಕೆ ಹಾರಿಹೋಯ್ತು ಮಗುವಿನ ಪ್ರಾಣ
ಜವಾಹರ್ನಗರದ ಸಂಸ್ಕಾರ ರೆಸಿಡೆನ್ಸಿ ಹಾಸ್ಟೆಲ್ನಲ್ಲಿ ಅಮೃತಲಾಲ್ ಮೀನಾ ಎಂಬ ಮಹಿಳೆ ಕೆಲಸ ಮಾಡುತ್ತಿದ್ದು, ಆಕೆಯ ಜತೆ 2 ವರ್ಷದ ಮಗು ಆರೋಹಿ ಇದ್ದಳು. ಇಂದು ಬೆಳಗ್ಗೆ 10 ಗಂಟೆಗೆ ಹಾಸ್ಟೆಲ್ ಹೊರಗಡೆ ಮಗು ಆಟವಾಡುತ್ತಿತ್ತು. ಈ ಸಂದರ್ಭದಲ್ಲಿ ಬಂದಿರುವ ಕಾರು ಮಗುವಿನ ಮೈಮೇಲೆ ಹರಿದಿದೆ. ಪುಟ್ಟ ಮಗುವಿನ ತಲೆ ಮೇಲೆ ಕಾರಿನ ಚಕ್ರ ಹರಿದು ಹೋಗಿದ್ದು ಪುಟಾಣಿ ಸ್ಥಳದಲ್ಲೇ ಸಾವನ್ನಪ್ಪಿದೆ. ಕಾರು ಚಾಲಕನ ನಿರ್ಲಕ್ಷ್ಯದಿಂದಲೇ ಈ ದುರ್ಘಟನೆ ನಡೆದಿದೆ.