ಸಂಸತ್ತಿನ ಬಜೆಟ್​ ಅಧಿವೇಶನ: ಆರೋಗ್ಯಕರ ಚರ್ಚೆ ಬಗ್ಗೆ ಸ್ಪೀಕರ್​ ಓಂಬಿರ್ಲಾ ವಿಶ್ವಾಸ

ದೇಶದಲ್ಲಿ ಕೋವಿಡ್​ ಪ್ರಕರಣಗಳ ಸಂಖ್ಯೆ ಕಡಿಮೆಯಾದ ಕಾರಣ ರಾಜ್ಯಸಭೆ ಮತ್ತು ಲೋಕಸಭೆಯ ಬಜೆಟ್ ಅಧಿವೇಶನದ ಎರಡನೇ ಭಾಗ ಇದಾಗಿದೆ. ಕೋವಿಡ್​ ನಿಯಮಗಳು ಮತ್ತು ನಿರ್ಬಂಧಗಳ ಪಾಲನೆ ಮೂಲಕ ಅಧಿವೇಶನ ನಡೆಸಲಾಗುತ್ತಿದೆ.

ನವದೆಹಲಿ: ಸಂಸತ್ತಿನ ಬಜೆಟ್​ ಅಧಿವೇಶನದ ದ್ವಿತೀಯಾರ್ಧ ಅಧಿವೇಶನವು ಇಂದಿನಿಂದ ಆರಂಭವಾಗಲಿದ್ದು, ಆರೋಗ್ಯಕರ ಮತ್ತು ಫಲಿತಾಂಶ ಆಧಾರಿತ ಚರ್ಚೆ ಬಗ್ಗೆ ಲೋಕಸಭೆಯ ಸ್ಪೀಕರ್​ ಓಂಬಿರ್ಲಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಬಜೆಟ್​ ಅಧಿವೇಶನದ ಸಂಬಂಧ ಟ್ವೀಟ್ ಮಾಡಿರುವ ಅವರು, ಸಂಸತ್ತಿನ ಬಜೆಟ್ ಅಧಿವೇಶನದ ದ್ವಿತೀಯಾರ್ಧವು ಇಂದಿನಿಂದ ಪ್ರಾರಂಭವಾಗುತ್ತಿದೆ. ಆರೋಗ್ಯಕರ ಮತ್ತು ಫಲಿತಾಂಶ-ಆಧಾರಿತ ಚರ್ಚೆಯೊಂದಿಗೆ ಸದನದ ಸದಸ್ಯರು ಸಕ್ರಿಯ ಪಾಲುದಾರಿಕೆ ಮತ್ತು ಸಕಾರಾತ್ಮಕ ಬೆಂಬಲ ನೀಡುತ್ತಾರೆ ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.

ದೇಶದಲ್ಲಿ ಕೋವಿಡ್​ ಪ್ರಕರಣಗಳ ಸಂಖ್ಯೆ ಕಡಿಮೆಯಾದ ಕಾರಣ ರಾಜ್ಯಸಭೆ ಮತ್ತು ಲೋಕಸಭೆಯ ಬಜೆಟ್ ಅಧಿವೇಶನದ ಎರಡನೇ ಭಾಗ ಇದಾಗಿದೆ. ಆದಾಗ್ಯೂ, ಕೋವಿಡ್​ ನಿಯಮಗಳು ಮತ್ತು ನಿರ್ಬಂಧಗಳ ಪಾಲನೆ ಮೂಲಕ ಅಧಿವೇಶನ ನಡೆಸಲಾಗುತ್ತಿದೆ. ಬಜೆಟ್ ಅಧಿವೇಶನದ ಮೊದಲಾರ್ಧವು ಜ.31ರಂದು ಪ್ರಾರಂಭವಾಗಿ ಫೆಬ್ರವರಿ 11 ರಂದು ಮುಕ್ತಾಯವಾಗಿತ್ತು. ಈಗ ದ್ವಿತೀಯಾರ್ಧ ಅಧಿವೇಶನವು ಇಂದಿನಿಂದ ಅರಂಭವಾಗಿ ಏ.8 ರಂದು ಮುಕ್ತಾಯಗೊಳ್ಳಲಿದೆ.

ಇದನ್ನೂ ಓದಿ:ಮದ್ಯ ನಿಷೇಧಕ್ಕೆ ಒತ್ತಾಯ: ಮದ್ಯದಂಗಡಿ ಧ್ವಂಸಗೊಳಿಸಿದ ಉಮಾಭಾರತಿ!