ಹನಿಟ್ರ್ಯಾಪ್​ ಪ್ರಕರಣ: ’ಮಹಾ’ ಮೂಲದ ಬಿಎಸ್​ಎಫ್​ ಯೋಧನ ಬಂಧಿಸಿದ ಪಂಜಾಬ್​ ಪೊಲೀಸ್​

ಪ್ರಕಾಶ್ ಕೇಲ್ ಎಂಬ ಬಿಎಸ್​ಎಫ್​ ಯೋಧನನ್ನು ಹನಿ ಟ್ರ್ಯಾಪ್ ಪ್ರಕರಣದಲ್ಲಿ ಪೊಲೀಸರು ಬಂಧಿಸಿದ್ದು, ಈತ ಮಹಾರಾಷ್ಟ್ರ ಮೂಲದವನಾಗಿದ್ದಾನೆ. ಪಾಕಿಸ್ತಾನದ ಮಹಿಳೆಯೊಂದಿಗೆ ಹನಿಟ್ಯ್ರಾಪ್​ಗೆ ಒಳಗಾಗಿದ್ದ ಎಂದು ಮೂಲಗಳು ತಿಳಿಸಿವೆ.

ಅಹ್ಮದ್​​ನಗರ(ಮಹಾರಾಷ್ಟ್ರ): ಜಿಲ್ಲೆಯ ಪ್ರಕಾಶ್ ಕೇಲ್ ಎಂಬ ಬಿಎಸ್​ಎಫ್​ ಯೋಧನನ್ನು ಹನಿ ಟ್ರ್ಯಾಪ್ ಪ್ರಕರಣದಲ್ಲಿ ಪಂಜಾಬ್​ ಪೊಲೀಸರು ಬಂಧಿಸಿದ್ದಾರೆ.

ಅವರು ಪಂಜಾಬ್‌ನ ಇಂಡೋ - ಪಾಕ್ ಗಡಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ರು. ಸಾಮಾಜಿಕ ಜಾಲತಾಣಗಳ ಮೂಲಕ ಕೆಲವು ಮುಸ್ಲಿಂ ಮಹಿಳೆಯರ ಸಂಪರ್ಕ ಹೊಂದಿದ್ದರು. ತದನಂತರ ಪ್ರಕಾಶ್​ ಆಕೆಯನ್ನು ತನ್ನ ವಾಟ್ಸ್​ಆ್ಯಪ್​​​​ ಗ್ರೂಪ್​ಗೆ ಆ್ಯಡ್​ ಮಾಡಿದ್ದರು.

ಈ ವಾಟ್ಸ್​ಆ್ಯಪ್​​ ಗುಂಪಿನಲ್ಲಿದ್ದ ಬೇರೆ ಯೋಧರು ಕರ್ತವ್ಯ ಸಂಬಂಧದ ಕೆಲವು ಮಾಹಿತಿಯನ್ನು ಗ್ರೂಪ್​ನಲ್ಲಿ ಶೇರ್​ ಮಾಡ್ತಿದ್ರು. ಇದನ್ನು ಕಂಡ ನಂತರ ಆ ಪಾಕಿಸ್ತಾನಿ ಮಹಿಳೆ ಪಾಕ್​ ಪರ ಏಜೆಂಟ್​ ಆಗಿ ಕಾರ್ಯನಿರ್ವಹಿಸಲು ಆರಂಭಿಸಿದಳು. ಈ ಹಿನ್ನೆಲೆ ಹನಿಟ್ರ್ಯಾಪ್​ಗೆ ಒಳಗಾದ ಸೈನಿಕ ಪ್ರಕಾಶ್​ನನ್ನು ಪೊಲೀಸರು ಬಂಧಿಸಿದ್ದಾರೆ. ಕೋರ್ಟ್​ ಈತನನ್ನು ನವೆಂಬರ್​ 30 ರವರೆಗೆ ಪೊಲೀಸ್​ ಕಸ್ಟಡಿಗೆ ನೀಡಿದೆ.