ಪಠಾಣ್‌ಕೋಟ್‌(ಪಂಜಾಬ್): ಗುರುದಾಸ್‌ಪುರ ವಲಯದ ದೀನಾನಗರದ ಗಡಿ ಗ್ರಾಮವಾದ ದಿಂಡಾದಲ್ಲಿ ಶನಿವಾರ ಮಧ್ಯರಾತ್ರಿ ಡ್ರೋನ್ ಪತ್ತೆಯಾಗಿದೆ. ಡ್ರೋನ್ ಶಬ್ದ ಕೇಳಿದ ಕೂಡಲೇ ಬಿಎಸ್ಎಫ್ ಸಿಬ್ಬಂದಿ ಗುಂಡು ಹಾರಿಸಿದ್ದಾರೆ.
ಡ್ರೋನ್ ಅನ್ನು ಗುರುತಿಸಲು ಮೂರು ಬೆಳಕಿನ ಬಾಂಬ್‌ಗಳನ್ನು ಎಸೆದು ನಂತರ 46 ಸುತ್ತು ಗುಂಡು ಹಾರಿಸಲಾಯಿತು. ಅಂತಿಮವಾಗಿ, ಡ್ರೋನ್ ಪಾಕಿಸ್ತಾನದ ಗಡಿ ಭಾಗಕ್ಕೆ ಹಿಂತಿರುಗಿದೆ. ಬಿಎಸ್ಎಫ್ ಸಿಬ್ಬಂದಿ ಮತ್ತು ಪೊಲೀಸರು ಭಾನುವಾರ ಬೆಳಗ್ಗೆ ದಿಂಡಾ ಮತ್ತು ಸುತ್ತಮುತ್ತಲಿನ ಗಡಿ ಪ್ರದೇಶಗಳಲ್ಲಿ ಶೋಧ ಕಾರ್ಯ ಪ್ರಾರಂಭಿಸಿದರಾದರೂ ಅನುಮಾನಾಸ್ಪದ ವಸ್ತು ಏನೂ ಕಂಡುಬಂದಿಲ್ಲ.