ಹರಿಯಾಣ: ಗುರುಗ್ರಾಮ್‌ ಜಿಲ್ಲೆಯಲ್ಲಿರುವ ರಾಷ್ಟ್ರೀಯ ಭದ್ರತಾ ದಳ ಕ್ಯಾಂಪಸ್‌ನಲ್ಲಿ ಕಟ್ಟಡ ನಿರ್ಮಾಣದ ಕಾಮಗಾರಿ ಕೊಡಿಸುವುದಾಗಿ ಐವರು ಬಿಲ್ಡರ್‌ಗಳಿಗೆ 125 ಕೋಟಿ ರೂಪಾಯಿಗಳ ವಂಚನೆ ಪ್ರಕರಣದಲ್ಲಿ ಬಿಎಸ್ಎಫ್ ಅಧಿಕಾರಿ ಸೇರಿ ನಾಲ್ವರನ್ನು ಹರಿಯಾಣ ಪೊಲೀಸರು ಬಂಧಿಸಿದ್ದಾರೆ.
ಬಿಎಸ್ಎಫ್ ಉಪ ಕಮಾಂಡೆಂಟ್‌ ಪ್ರವೀಣ್‌ ಯಾದವ್‌ ಹಾಗೂ ಬ್ಯಾಂಕ್‌ ಮ್ಯಾನೇಜರ್‌ ಆಗಿರುವ ಅವರ ಸಹೋದರಿ ನ್ಯಾಷನಲ್‌ ಸೆಕ್ಯೂರಿಟಿ ಗ್ವಾರ್ಡ್‌ ಕ್ಯಾಂಪಸ್‌ನಲ್ಲಿ ಕಾಮಗಾರಿ ನೀಡುವುದಾಗಿ ಐವರು ಬಿಲ್ಡರ್‌ಗಳಿಗೆ ಸುಮಾರು 125 ಕೋಟಿ ರೂಪಾಯಿ ವಂಚಿಸಿರುವ ಬಗ್ಗೆ ದೂರು ಬಂದಿತ್ತು ಎಂದು ಗುರುಗ್ರಾಮ್‌ ಪೊಲೀಸ್‌ ಆಯುಕ್ತ ಕೆಕೆ ರಾವ್‌ ಮಾಹಿತಿ ನೀಡಿದ್ದಾರೆ.
ಬಿಲ್ಡರ್‌ಗಳಿಗೆ ಸುಮಾರು 125 ಕೋಟಿ ರೂ.ವಂಚನೆ ಆರೋಪ; BSF ಉಪ ಕಮಾಂಡೆಂಟ್‌ ಸೇರಿ ನಾಲ್ವರ ಬಂಧನ, 13 ಕೋಟಿ ರೂ.ವಶ
ಬಿಎಸ್ಎಫ್ ಉಪ ಕಮಾಂಡೆಂಟ್‌ ಪ್ರವೀಣ್‌ ಯಾದವ್‌, ಅವರ ಪತ್ನಿ ಮಮತಾ ಯಾದವ್‌, ಪ್ರವೀಣ್‌ ಸಹೋದರಿ ರಿತುರಾಜ್‌ ಯಾದವ್‌ ಹಾಗೂ ಸಹವರ್ತಿ ದಿನೇಶ್‌ ಕುಮಾರ್‌ ಅವರನ್ನು ಬಂಧಿಸಲಾಗಿದ್ದು, ಬಂಧಿತರಿಂದ 13 ಕೋಟಿ ರೂಪಾಯಿ ನಗದು, ಆರು ಐಷಾರಾಮಿ ಕಾರುಗಳನ್ನು ವಶಕ್ಕೆ ಪಡೆಯಲಾಗಿದೆ.