Punjab Politics: ಸಿಎಂ ಜತೆ ಇಬ್ಬರು ಡಿಸಿಎಂಗಳ ಹೆಸರನ್ನೂ ಘೋಷಿಸಿದ ಹೈಕಮಾಂಡ್

ಪಂಜಾಬ್​ಗೆ ನೂತನ ಸಿಎಂ ಘೋಷಣೆ ಬೆನ್ನಲ್ಲೇ ಕಾಂಗ್ರೆಸ್​​ ಹೈಕಮಾಂಡ್​ ರಾಜ್ಯಕ್ಕೆ ಇಬ್ಬರು ಡಿಸಿಎಂಗಳ ಹೆಸರನ್ನು ಘೋಷಿಸಿದೆ.

ಚಂಡೀಗಢ: ಪಂಜಾಬ್​ನ ಅಚ್ಚರಿಯ ರಾಜಕೀಯ ಬೆಳವಣಿಗೆಯಲ್ಲಿ ಎಸ್ ಚರಣಜಿತ್ ಸಿಂಗ್ ಚನ್ನಿ ಅವರನ್ನು ಕಾಂಗ್ರೆಸ್ ಹೈಕಮಾಂಡ್ ಮುಖ್ಯಮಂತ್ರಿಯಾಗಿ ಘೋಷಿಸಿದೆ. ಈ ಬೆನ್ನಲ್ಲೇ ಪಂಜಾಬ್ ಕಾಂಗ್ರೆಸ್ ಉಸ್ತುವಾರಿ ಹರೀಶ್ ರಾವತ್ ಇಂದು ಇಬ್ಬರು ಉಪ ಮುಖ್ಯಮಂತ್ರಿಗಳ ಹೆಸರನ್ನು ಘೋಷಿಸಿದ್ದಾರೆ.

ಎಐಸಿಸಿ ಖಜಾಂಚಿಯಾಗಿರುವ ಪವನ್ ಬನ್ಸಾಲ್ ಅವರು, ಬ್ರಹ್ಮ ಮೊಹಿಂದ್ರಾ ಮತ್ತು ಸುಖಜಿಂದರ್ ರಾಂಧವ ಉಪ ಮುಖ್ಯಮಂತ್ರಿಗಳಾಗಲಿದ್ದಾರೆ ಎಂದು ಟ್ವೀಟ್​ ಮೂಲಕ ಶುಭ ಕೋರಿದ್ದಾರೆ.

ಸಿಎಂ ಎಸ್ ಚರಣಜಿತ್ ಸಿಂಗ್ ಚನ್ನಿ ಅವರ ಖಾರಾರ್ ನಿವಾಸದಿಂದ ಹೊರಟು, ಗುರುದ್ವಾರ ಶ್ರೀ ಕಟಲಘರ್ ಸಾಹಿಬ್, ಚಮ್ಕೌರ್ ಸಾಹಿಬ್ ನಲ್ಲಿ ತಮ್ಮ ಕುಟುಂಬ ಸದಸ್ಯರೊಂದಿಗೆ ಪೂಜೆ ಸಲ್ಲಿಸಿದರು. ಈ ವೇಳೆ ಮಾರ್ಗ ಮಧ್ಯೆ ಜನರು ಅವರಿಗೆ ಸ್ವಾಗತ ಕೋರಿದರು.