ಚಲಿಸುತ್ತಿದ್ದ ವಾಹನದ ಮೇಲೆ ಪುಷ್ಅಪ್.. ಎದ್ದು ನಿಂತು ದುಸ್ಸಾಹಸ, ಕೆಳಗೆ ಬಿದ್ದವನ ಸ್ಥಿತಿ ಹೀಗಾಯ್ತು ನೋಡಿ

ವೇಗವಾಗಿ ಸಾಗುತ್ತಿದ್ದ ಕಸದ ಗಾಡಿಯ ಮೇಲೆ ಪುಷ್-ಅಪ್ ಸ್ಟಂಟು- ಧೈರ್ಯದಿಂದ ಎದೆಯುಬ್ಬಿಸಿ ನಿಂತು ಶಕ್ತಿಪ್ರದರ್ಶನ- ಕೆಳಗೆ ಬಿದ್ದವನ ಸ್ಥಿತಿ ಗಂಭೀರ

ಚಂಡೀಗಢ: ಇಲ್ಲೋರ್ವ ಆಸಾಮಿ ವೇಗವಾಗಿ ಸಂಚರಿಸುತ್ತಿದ್ದ ಕಸದ ವಾಹನದ ಮೇಲೆಗೆ ಹುಚ್ಚಾಟದ ಭಾಗವಾಗಿ ದೇಹದಾರ್ಢ್ಯ ಪ್ರದರ್ಶನ ಮಾಡಿ ಕೊನೆಗೆ ಕೆಳಗೆ ಬಿದ್ದು ಅನಾಹುತ ಮಾಡಿಕೊಂಡಿದ್ದಾನೆ.

ಚಂಡೀಗಢ ಸೇರಿದಂತೆ ಹಲವಾರು ಭಾಗದಲ್ಲಿ ಈ ವಿಡಿಯೋ ವೈರಲ್ ಆಗುತ್ತಿದೆ. ಇದರಲ್ಲಿ ಕಸ ಸಂಗ್ರಹಿಸುವವ ವೇಗವಾಗಿ ಸಾಗುತ್ತಿರುವ ಕಸದ ಗಾಡಿಯ ಮೇಲೆ ನಿಂತು ಪುಷ್-ಅಪ್ ಮಾಡುತ್ತಿದ್ದಾನೆ. ಇದಾದ ನಂತರ ಆತ ಧೈರ್ಯದಿಂದ ಕಾರಿನ ಮೇಲೆ ನಿಂತಿದ್ದಾನೆ. ಇದಾದ ಮೇಲೆ ಸಮತೋಲನವನ್ನು ಕಳೆದುಕೊಂಡು ಕೆಳಗೆ ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದಾನೆ.

ರಾತ್ರಿ ವೇಳೆ ಈ ಘಟನೆ ಜರುಗಿದೆ. ಕಸ ಸಂಗ್ರಹಿಸುವ ವಾಹನದ ಹಿಂದೆ ಕಾರಿನಲ್ಲಿ ಬರುತ್ತಿದ್ದವರು ಈ ವಿಡಿಯೋವನ್ನು ಚಿತ್ರೀಕರಿಸಿದ್ದಾರೆ. ಈ ಕಸದ ವಾಹನ ಯಾವ ಮಹಾನಗರ ಪಾಲಿಕೆಗೆ ಸೇರಿದ್ದು, ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ವಿಡಿಯೋದಲ್ಲಿ ಶಕ್ತಿಮಾನ್ ಧಾರಾವಾಹಿಯ ಶೀರ್ಷಿಕೆ ಗೀತೆಯನ್ನು ಸೇರಿಸಲಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ.

ಇದನ್ನೂ ಓದಿ:ಕ್ರೈಂ ಧಾರಾವಾಹಿಯಿಂದ ಪ್ರೇರಣೆ: ಬಾಲಕನ ಕಿಡ್ನಾಪ್​ ಮಾಡಿ ಕೊಲೆಗೈದ 10ನೇ ಕ್ಲಾಸ್​ ವಿದ್ಯಾರ್ಥಿಗಳು!