ಪ್ರೇಯಸಿಯ ಕತ್ತು ಕೊಯ್ದ ಪ್ರೇಮಿ; ಕೊನೆಗೆ ತಾನೂ ನೇಣು ಬಿಗಿದುಕೊಂಡ

ನಿನ್ನೆ ಮಧ್ಯಾಹ್ನ ಹೋಟೆಲ್​ವೊಂದರ ಕೊಠಡಿ ಬಾಡಿಗೆ ಪಡೆದ ಪ್ರೇಮಿಗಳಿಬ್ಬರು ಇಂದು ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಯುವತಿಯು ರಕ್ತದ ಮಡುವಿನಲ್ಲಿ ಪ್ರಾಣ ಕಳೆದುಕೊಂಡಿದ್ದರೆ ಯುವಕನ ಮೃತದೇಹ ನೇಣು ಬಿಗಿದುಕೊಂಡ ಸ್ಥಿತಿಯಲ್ಲಿ ಕಂಡುಬಂದಿದೆ.

ಹೈದರಾಬಾದ್​:ನಗರದ ಲಾಡ್ಜ್​ವೊಂದರಲ್ಲಿ ಪ್ರೇಮಿಗಳ ಮೃತದೇಹಗಳು ಪತ್ತೆಯಾಗಿವೆ. ಯುವಕನ ಮೃತದೇಹ ನೇಣು ಬಿಗಿದುಕೊಂಡ ರೀತಿಯಲ್ಲಿ ಪತ್ತೆಯಾದರೆ ಯುವತಿಯ ಮೃತದೇಹ ರಕ್ತದ ಮಡುವಿನಲ್ಲಿ ಬಿದ್ದಿದೆ. ಘಟನೆ ಹಲವು ಅನುಮಾನಗಳಿಗೆ ಎಡೆ ಮಾಡಿಕೊಟ್ಟಿದೆ.

ಮಾದಾಪೂರ್​ನ ಲೇಮನ್​ ಟ್ರೀ ಎಂಬ ಹೋಟೆಲ್​ನಲ್ಲಿ ಈ ಘಟನೆ ನಡೆದಿದೆ. ಸುದ್ದಿ ತಿಳಿದು ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಮೆಹಬೂಬ್ ನಗರದ ಸಂತೋಶಿ ಹಾಗೂ ರಾಮುಲು ಮೃತ ಯುವಕ ಮತ್ತು ಯುವತಿ ಎಂದು ಗುರುತಿಸಲಾಗಿದೆ.

ರಾಮುಲು ಮೊದಲು ಪ್ರೇಯಸಿ ಸಂತೋಶಿಯ ಕತ್ತನ್ನು ಬ್ಲೇಡ್‌ನಿಂದ ಕೊಯ್ದು ಕೊಲೆ ಮಾಡಿ ಬಳಿಕ ತಾನೂ ಸಹ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆ ನಿಖರವಾದ ಕಾರಣ ತಿಳಿದು ಬಂದಿಲ್ಲ. ನಿನ್ನೆ ಮಧ್ಯಾಹ್ನ ಈ ಜೋಡಿ ಹೋಟೆಲ್​ನ ಕೊಠಡಿಯೊಂದನ್ನು ಬುಕ್​ ಮಾಡಿಕೊಂಡಿತ್ತು.