ಕೋವಿಡ್-19 ಬಿಕ್ಕಟ್ಟು: 'Book My Show'ನಿಂದ 200 ಉದ್ಯೋಗಿಗಳು ವಜಾ

ಕಳೆದ ವರ್ಷವೂ ಕೂಡ ಮೇ ತಿಂಗಳಲ್ಲಿ ಬುಕ್ ಮೈ ಶೋ ಭಾರತ ಮತ್ತು ಜಾಗತಿಕವಾಗಿ ತನ್ನ ಕಚೇರಿಗಳಲ್ಲಿನ 270 ಉದ್ಯೋಗಿಗಳನ್ನು ವಜಾಗೊಳಿಸಿತ್ತು. ಈಗ ಮತ್ತೆ 200 ಮಂದಿಯನ್ನು ವಜಾಗೊಳಿಸಲು ನಿರ್ಧರಿಸಿದೆ.

ನವದೆಹಲಿ:ಕೋವಿಡ್-19 2ನೇ ಅಲೆಯ ಬಿಕ್ಕಟ್ಟಿನಿಂದಾಗಿ ಜನಪ್ರಿಯ ಮೂವಿ ಆನ್‌ಲೈನ್ ಟಿಕೆಟಿಂಗ್ ಸೈಟ್ 'ಬುಕ್ ಮೈ ಶೋ'ದಿಂದ 200 ಉದ್ಯೋಗಿಗಳನ್ನು ವಜಾಗೊಳಿಸಲಾಗಿದೆ.

ಈ ಬಗ್ಗೆ ಮುಂಬೈ ಮೂಲದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ಸಹ-ಸಂಸ್ಥಾಪಕ ಆಶಿಶ್ ಹೇಮ್ರಾಜನಿ ಗುರುವಾರ ಟ್ವೀಟ್​ ಮಾಡಿದ್ದಾರೆ. ಕೊರೊನಾ ಅನೇಕ ಪಾಠಗಳನ್ನು ಕಲಿಸಿದೆ. ನಮ್ಮ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದ 200 ಉದ್ಯೋಗಿಗಳನ್ನು ವಜಾಗೊಳಿಸಲಾಗುತ್ತಿದೆ. ಕಳೆದ 15 ತಿಂಗಳಿಂದ ಸಂಸ್ಥೆಗಾಗಿ ದುಡಿದ ಎಲ್ಲರಿಗೂ ಧನ್ಯವಾದ ಎಂದು ಹೇಳಿದ್ದಾರೆ.

ಅಲ್ಲದೆ ತಮ್ಮದೇ ಆಗಿರುವ ಬುಕ್ ಸ್ಮೈಲ್ ಇಂಡಿಯಾ ಚಾರಿಟಿ ಮುಖಾಂತರ 10 ಲಕ್ಷ ಜನರಿಗೆ ನೆರವು ನೀಡಲಾಗುವುದು ಎಂದು ಹೇಮ್ರಾಜನಿ ಟ್ವೀಟ್ ಮೂಲಕ ತಿಳಿಸಿದ್ದಾರೆ.

ಕಳೆದ ವರ್ಷವೂ ಕೂಡ ಮೇ ತಿಂಗಳಲ್ಲಿ ಕಂಪನಿಯು ಭಾರತ ಮತ್ತು ಜಾಗತಿಕವಾಗಿ ತನ್ನ ಕಚೇರಿಗಳಲ್ಲಿನ 270 ಉದ್ಯೋಗಿಗಳನ್ನು ವಜಾಗೊಳಿಸಿತ್ತು. ಈಗ ಮತ್ತೆ 200 ಮಂದಿಯನ್ನು ವಜಾಗೊಳಿಸಲು ನಿರ್ಧರಿಸಿದೆ.

ಇದನ್ನೂ ಓದಿ:ಕೋವಿಡ್ 3ನೇ ಸಂಭಾವ್ಯ ಅಲೆ : ಆರೈಕೆ ಕೇಂದ್ರ ಮುಚ್ಚಬೇಡಿ ಎಂದ ಹೈಕೋರ್ಟ್