ಇರಾನ್​ನಿಂದ ಚೀನಾಕ್ಕೆ ಹೊರಟಿದ್ದ ವಿಮಾನದಲ್ಲಿ ಬಾಂಬ್​ ಬೆದರಿಕೆ.. ಪ್ರಯಾಣಿಕರ ರಕ್ಷಣೆಗೆ ಭಾರತ ಯತ್ನ

ಇರಾನ್​ನಿಂದ ಚೀನಾಕ್ಕೆ ಹೊರಟಿದ್ದ ವಿಮಾನದಲ್ಲಿ ಬಾಂಬ್​ ಇಡಲಾಗಿದೆ ಎಂಬ ಮಾಹಿತಿ ಬಂದ ಹಿನ್ನೆಲೆಯಲ್ಲಿ ಭಾರತ ವಾಯುಸೀಮೆಯ ಮೇಲೆ ಹಾರಾಟ ನಡೆಸುತ್ತಿರುವ ವಿಮಾನವನ್ನು ತಡೆದು ಪ್ರಯಾಣಿಕರ ರಕ್ಷಣೆಗೆ ಸರ್ಕಾರ ಮುಂದಾಗಿದೆ.

ನವದೆಹಲಿ:ಇರಾನ್​ನಿಂದ ಚೀನಾಕ್ಕೆ ಹೊರಟಿದ್ದ ವಿಮಾನದಲ್ಲಿ ಬಾಂಬ್​ ಇರಿಸಲಾಗಿದೆ ಎಂದು ಚೀನಾದ ಭದ್ರತಾ ಸಂಸ್ಥೆಗಳು ಭಾರತ ಸರ್ಕಾರಕ್ಕೆ ಎಚ್ಚರಿಕೆಯ ಸಂದೇಶ ನೀಡಿದ್ದು, ಭಾರತದ ವಿಮಾನಗಳು ಪ್ರಯಾಣಿಕರ ರಕ್ಷಣಾ ಕಾರ್ಯದಲ್ಲಿ ತೊಡಗಿವೆ.

ಇರಾನ್​ನಿಂದ ಚೀನಾಕ್ಕೆ ಹಾರಿದ್ದ ವಿಮಾನ ಭಾರತದ ವಾಯುಪ್ರದೇಶಕ್ಕೆ ಬಂದ ಬಳಿಕ ವಿಮಾನದಲ್ಲಿ ಬಾಂಬ್​ ಇಡಲಾಗಿದೆ ಎಂದು ಚೀನಾದ ಭದ್ರತಾ ಸಂಸ್ಥೆಗಳು ಮಾಹಿತಿ ನೀಡಿವೆ. ಇದರಿಂದ ವಿಮಾನವನ್ನು ಇಲ್ಲಿಯೇ ತಡೆದು, ಪ್ರಯಾಣಿಕರ ರಕ್ಷಣೆಗೆ ಕೋರಲಾಗಿದೆ. ಭಾರತದ ಯುದ್ಧ ವಿಮಾನಗಳು ಪ್ರಯಾಣಿಕರ ರಕ್ಷಣೆಯಲ್ಲಿ ತೊಡಗಿವೆ ಎಂದು ತಿಳಿದುಬಂದಿದೆ.

ವಿಮಾನ ಇಳಿಸಲು ನಿರಾಕರಿಸಿದ ಪೈಲಟ್​​:ಬಾಂಬ್​ ಇರುವ ಬೆದರಿಕೆ ಬಂದ ಚೀನಾದ ಗುವಾಂಗ್‌ಝೌಗೆ ಹೋಗುತ್ತಿರುವ ಇರಾನ್‌ನ ವಿಮಾನವನ್ನು ದೆಹಲಿಯಲ್ಲಿ ಇಳಿಸಲು ಏರ್​ ಟ್ರಾಫಿಕ್ ಕಂಟ್ರೋಲ್​ಗೆ ಮಾಹಿತಿ ನೀಡಲಾಯಿತು. ಬಳಿಕ ವಿಮಾನವನ್ನು ದೆಹಲಿಯ ಬದಲಾಗಿ ಜೈಪುರದಲ್ಲಿ ತುರ್ತು ಲ್ಯಾಂಡ್​ಗೆ ಅನುಮತಿಸಲಾಗಿದೆ. ಆದರೆ, ವಿಮಾನದ ಪೈಲಟ್​ ಇದನ್ನು ನಿರಾಕರಿಸಿ ಚೀನಾದೆಡೆಗೆ ವಿಮಾನವನ್ನು ಕೊಂಡೊಯ್ದಿದ್ದಾರೆ ಎಂದು ತಿಳಿದುಬಂದಿದೆ. ವಿಮಾನ ಈಗ ಭಾರತದ ವಾಯುಸೀಮೆ ದಾಟಿ ಚೀನಾದೆಡೆಗೆ ಸಾಗಿದೆ.

ಓದಿ:ಧಾರ್ಮಿಕ ಬಾವುಟ ಹಾರಿಸುವ ವಿಚಾರಕ್ಕೆ ಕೋಮು ಗಲಭೆ: 36 ಜನರ ಬಂಧನ