ಗುಡಿಸಲು ಜಾಗ ಕಬಳಿಸುವ ಯತ್ನ ಆರೋಪ: ಬಿಜೆಪಿ ಯುವ ಮೋರ್ಚಾದ ಮುಖಂಡ ಅರೆಸ್ಟ್​

ಉತ್ತರ ಪ್ರದೇಶದ ಬರೇಲಿ ಜಿಲ್ಲೆಯಲ್ಲಿ ಗುಡಿಸಲಿನಲ್ಲಿದ್ದ ವಾಸವಿದ್ದ ತಳ್ಳು ಗಾಡಿ ಕಾರ್ಮಿಕನ ಹೊರಹಾಕಿ, ಆ ಗುಡಿಸಲು ಜಾಗ ಕಬಳಿಸುವ ಯತ್ನ ಆರೋಪದಲ್ಲಿ ಬಿಜೆಪಿ ಯುವ ಮೋರ್ಚಾದ ಮುಖಂಡ ಮತ್ತು ಆತನ ತಂದೆಯನ್ನು ಅರೆಸ್ಟ್​ ಮಾಡಲಾಗಿದೆ.

ಬರೇಲಿ (ಉತ್ತರ ಪ್ರದೇಶ): ಕಾರ್ಮಿಕರೊಬ್ಬರ ಗುಡಿಸಲು ಜಾಗವನ್ನು ಕಬಳಿಸುವ ಯತ್ನದ ಆರೋಪದ ಮೇಲೆ ಉತ್ತರ ಪ್ರದೇಶದ ಭಾರತೀಯ ಜನತಾ ಯುವ ಮೋರ್ಚಾ (ಬಿಜೆವೈಎಂ) ಮುಖಂಡ ಮತ್ತು ಆತನ ತಂದೆಯನ್ನು ಪೊಲೀಸರು ಬಂಧಿಸಿದ್ದಾರೆ. ಪ್ರದೀಪ್ ಯಾದವ್ ಮತ್ತು ಧ್ಯಾನ್​ಪಾಲ್ ಸಿಂಗ್ ಎಂಬುವವರೇ ಬಂಧಿತ ಮಗ ಮತ್ತು ತಂದೆಯಾಗಿದ್ದಾರೆ.

ಬರೇಲಿ ಜಿಲ್ಲೆಯ ಫರೀದ್‌ಪುರ ಪ್ರದೇಶದಲ್ಲಿ ತಳ್ಳು ಗಾಡಿ ಕಾರ್ಮಿಕ ಸೀತಾರಾಮ್ ಎಂಬುವವರು 2007ರಿಂದ ಗುಡಿಸಲಿನಲ್ಲಿ ಕುಟುಂಬದೊಂದಿಗೆ ವಾಸಿಸುತ್ತಿದ್ದರು. ಬಿಜೆಪಿ ಯುವ ಮೋರ್ಚಾದ ಮುಖಂಡರಾದ ಪ್ರದೀಪ್, ಕಾರ್ಮಿಕ ಸೀತಾರಾಮ್​ ಅವರ ಕುಟುಂಬವನ್ನು ಬಲವಂತವಾಗಿ ಗುಡಿಸಲಿನಿಂದ ಹೊರಹಾಕಲು ಮತ್ತು ಭೂಮಿ ಕಬಳಿಸಲು ಯತ್ನ ಸಂಬಂಧ ಕೇಸ್​ ದಾಖಲಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.

ಅಲ್ಲದೇ, ಈ ಬಗ್ಗೆ ಗಲಭೆ ಸೇರಿದಂತೆ ವಿವಿಧ ಕಾಯ್ದೆಗಳಡಿ ಎಫ್​ಆರ್​ಐ ದಾಖಲಿಸಿಕೊಳ್ಳಲಾಗಿತ್ತು. ಇದರ ಆಧಾರದ ಮೇಲೆ ಪ್ರದೀಪ್ ಮತ್ತು ಇತರ ಇಬ್ಬರನ್ನು ಬಂಧಿಸಿದ್ದೇವೆ ಎಂದು ಫರೀದ್‌ಪುರ ಪೊಲೀಸ್ ಠಾಣೆಯ ಅಧಿಕಾರಿ ದಯಾ ಶಂಕರ್ ತಿಳಿಸಿದ್ದಾರೆ.

ಇದನ್ನೂ ಓದಿ:ಸೇನಾ ಸಮವಸ್ತ್ರ ಧರಿಸಿ ವಂಚನೆ: ಆರೋಪಿ ಬಂಧಿಸಿದ ಎಸ್‌ಟಿಎಫ್