ಡ್ರಗ್ಸ್​​ ಕೇಸ್​​: ಬಿಜೆಪಿ ಮುಖಂಡ ರಾಕೇಶ್​​ ಸಿಂಗ್​​ ನ್ಯಾಯಾಲಯಕ್ಕೆ ಹಾಜರು

ಡ್ರಗ್ಸ್​​​ ಪ್ರಕರಣದಲ್ಲಿ ಆರೋಪಿಯಾಗಿ ಬಂಧಿತನಾಗಿರುವ ಬಿಜೆಪಿ ಮುಖಂಡ ರಾಕೇಶ್​​ ಸಿಂಗ್​​ನನ್ನು ಇಂದು ಪಶ್ಚಿಮ ಬಂಗಾಳ ಪೊಲಿಸರು ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ್ದಾರೆ.

ಕೋಲ್ಕತ್ತಾ: ಅಕ್ರಮವಾಗಿ ಮಾದಕ ವಸ್ತು ಶೇಖರಿಸಿಟ್ಟಿದ್ದ ಆರೋಪದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಶ್ಚಿಮ ಬಂಗಾಳ ಪೊಲೀಸರು ಬಿಜೆಪಿ ಮುಖಂಡ ರಾಕೇಶ್​​ ಸಿಂಗ್​ ಎಂಬಾತನನ್ನು ಬಂಧಿಸಿದ್ದು, ಇದೀಗ ಕೋಲ್ಕತ್ತಾದ ಅಲಿಪೋರ್ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.

ಮಾದಕವಸ್ತು ಬಳಕೆ ಹಾಗೂ ಶೇಖರಣೆ ಆರೋಪದಡಿ ಬಂಧನಕ್ಕೆ ಒಳಗಾಗಿರುವ ಪಶ್ಚಿಮ ಬಂಗಾಳ ಬಿಜೆಪಿ ಯುವ ಘಟಕದ ಪದಾಧಿಕಾರಿ ಪಮೇಲಾ ಗೋಸ್ವಾಮಿ, ಪೊಲೀಸರ ವಿಚಾರಣೆ ವೇಳೆ ರಾಕೇಶ್‌ ಸಿಂಗ್‌ ಹೆಸರು ಬಾಯಿ ಬಿಟ್ಟಿದ್ದು, ಈ ಹೇಳಿಕೆ ಆಧಾರದ ಮೇಲೆ ರಾಕೇಶ್​​ನನ್ನು ಪೊಲೀಸರು ಬಂಧಿಸಿದ್ದರು.