ಬಿಕ್ಕಿ ಬಿಕ್ಕಿ ಅಳುತ್ತಲೇ ಮತಯಾಚಿಸಿದ ಬಿಜೆಪಿ ಅಭ್ಯರ್ಥಿ! ವಿಡಿಯೋ

ತೆಲಂಗಾಣದ ನಾಗರ್ಜುನಸಾಗರ್​ದಲ್ಲಿ ನಡೆಯುತ್ತಿರುವ ಉಪಚುನಾವಣೆ ಕಾವು ಜೋರಾಗಿಯೇ ಇದೆ. ಮತದಾರರನ್ನು ಸೆಳೆಯಲು ಅಭ್ಯರ್ಥಿಗಳು ಪೈಪೋಟಿಗೆ ಇಳಿದಿದ್ದಾರೆ. ಇಲ್ಲೊಬ್ಬ ಬಿಜೆಪಿ ಅಭರ್ಥಿ ಕಣ್ಣೀರು ಹಾಕುತ್ತಲೇ ಮತಯಾಚನೆ ಮಾಡಿದ್ದಾರೆ.

ನಲ್ಗೊಂಡ:ಜಿಲ್ಲೆಯ ನಾಗಾರ್ಜುನಸಾಗರ್ ಉಪಚುನಾವಣೆ ಕಾವು ಬಲು ಜೋರಾಗಿ ನಡೆಯುತ್ತಿದೆ. ಅಭ್ಯರ್ಥಿಗಳು ಮತದಾರರನ್ನು ಸೆಳೆಯಲು ಹೊಸ - ಹೊಸ ಪ್ರಯತ್ನಗಳೇ ನಡೆಸುತ್ತಲೆ ಇದ್ದಾರೆ. ಇಲ್ಲೊಬ್ಬ ಅಭ್ಯರ್ಥಿ ಮತಕ್ಕಾಗಿ ಕಣ್ಣೀರನ್ನೇ ಸುರಿಸಿದ್ದಾರೆ.

ಬಿಜೆಪಿ ಅಭ್ಯರ್ಥಿ ರವಿ ಕುಮಾರ್ ತಮ್ಮ ತವರು ಗ್ರಾಮವಾದ ತ್ರಿಪುರಾರಂ ತಾಲೂಕಿನ ಪಾಲ್ಗುತಾಂಡಾದಲ್ಲಿ ಪ್ರಚಾರ ಕೈಗೊಂಡಿದ್ದರು. ಈ ವೇಳೆ, ಗ್ರಾಮದ ಜನರ ಎದರು ಮತ ಕೇಳುವಾಗ ಅವರು ಭಾವುಕರಾಗಿದ್ದರು. ಪ್ರಚಾರದ ಭಾಷಣದಲ್ಲಿ ಮಾತನಾಡುವಾಗ ಕಣ್ಣೀರು ಹಾಕುತ್ತಲೇ ಮತಯಾಚಿಸಿದರು.

ಬಿಜೆಪಿ ನನಗೆ ಅವಕಾಶ ನೀಡಿದೆ. ನಿವೆಲ್ಲರೂ ನಿಮ್ಮ ಅಮೂಲ್ಯವಾದ ಮತ ಹಾಕಿ ಅವರನ್ನು ಗೆಲ್ಲಿಸಬೇಕೆಂದು ಮನವಿ ಮಾಡಿದರು. ಇನ್ನು ಈ ಮನವಿಗೆ ಕೆಲ ಮತದಾರರು ಕಣ್ಣೀರು ಸುರಿಸುವುದನ್ನು ನಾವು ವಿಡಿಯೋದಲ್ಲಿ ಕಾಣಬಹುದಾಗಿದೆ.

ಒಟ್ಟಿನಲ್ಲಿ ತೆಲಂಗಾಣದ ನಾಗರ್ಜುನಸಾಗರ್​ ಉಪಚುನಾವಣೆ ಕದನದ ಮತಬೇಟೆ ಮಾತ್ರ ಭರ್ಜರಿಯಾಗಿಯೇ ನಡೆದಿದೆ.