ನವದೆಹಲಿ:ಕಿರಾಣಿ ವಿತರಣಾ ವೇದಿಕೆಯಲ್ಲಿ ಟಾಟಾ ಗ್ರೂಪ್ ಬಹುಪಾಲು ಪಾಲನ್ನು ಪಡೆದುಕೊಳ್ಳುತ್ತಿದೆ ಎಂಬ ವರದಿಗಳ ಬಗ್ಗೆ ಪ್ರತಿಕ್ರಿಯಿಸಲು ಬಿಗ್‌ಬಾಸ್ಕೆಟ್ ಬುಧವಾರ ನಿರಾಕರಿಸಿದೆ.
ಟಾಟಾ ಗ್ರೂಪ್ ಬಿಗ್‌ಬಾಸ್ಕೆಟ್‌ನಲ್ಲಿ ಶೇ. 60 ರಷ್ಟು ಪಾಲು ಖರೀದಿಸುತ್ತಿದೆ. ಕಿರಾಣ ಪ್ಲಾಟ್‌ಫಾರ್ಮ್ ಅನ್ನು 1.8 ಬಿಲಿಯನ್- 2 ಬಿಲಿಯನ್ ನಡುವೆ ಮೌಲ್ಯೀಕರಿಸುವ ಒಪ್ಪಂದ ಮಾಡಿದೆ, ಎಂದು ಟೆಕ್ಕ್ರಂಚ್ ಈ ಹಿಂದೆ ವರದಿ ಮಾಡಿತ್ತು.
ಟಾಟಾ ಜೊತೆಗಿನ ಒಪ್ಪಂದಕ್ಕೆ ಮುಂಚಿತವಾಗಿ ಬಿಗ್‌ಬಾಸ್ಕೆಟ್ 750 ಡಾಲರ್ ದಶಲಕ್ಷಕ್ಕಿಂತ ಹೆಚ್ಚಿನ ಹಣವನ್ನು ಸಂಗ್ರಹಿಸಿದೆ" ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಚೀನಾದ ಇಂಟರ್ನೆಟ್ ದೈತ್ಯ ಅಲಿಬಾಬಾ ಬಿಗ್‌ಬಾಸ್ಕೆಟ್‌ನಲ್ಲಿ ಶೇ.30 ರಷ್ಟು ಪಾಲನ್ನು ಹೊಂದಿದೆ ಎನ್ನುವುದು ಇನ್ನೊಂದು ವಿಚಾರ.
ದೇಶದಲ್ಲಿ ಪ್ರವರ್ಧಮಾನಕ್ಕೆ ಬರುತ್ತಿರುವ ಇ - ಕಿರಾಣಿ ಮಾರುಕಟ್ಟೆಯ ಮಧ್ಯೆ, ರಿಲಯನ್ಸ್ ಜಿಯೋಮಾರ್ಟ್‌ನೊಂದಿಗೆ ತನ್ನದೇ ಆದ ಯೋಜನೆಗಳನ್ನು ರೂಪಿಸಿಕೊಳ್ಳುವುದರಿಂದ ಟಾಟಾ ಗ್ರೂಪ್ ಗ್ರಾಹಕ ವ್ಯವಹಾರದಲ್ಲಿ ತನ್ನ ಕಾರ್ಯಾಚರಣೆ ವಿಸ್ತರಿಸುತ್ತಿದೆ ಎಂದು ವರದಿಗಳು ತಿಳಿಸಿವೆ.
ಆನ್‌ಲೈನ್ ಕಿರಾಣಿ ಬೆಳವಣಿಗೆಯು ಮುಂದಿನ ಯುದ್ಧಭೂಮಿಯಾಗಲಿದೆ. ಇದು 2024 ರ ವೇಳೆಗೆ 18 ಶತಕೋಟಿಗೆ ವಿಸ್ತರಿಸುತ್ತಿದೆ ಎಂದು ಬೆಂಗಳೂರು ಮೂಲದ ಮಾರುಕಟ್ಟೆ ಸಲಹಾ ಸಂಸ್ಥೆ ರೆಡ್‌ಸೀರ್ ಮತ್ತು ಬಿಗ್‌ಬಾಸ್ಕೆಟ್ (ಬ್ರಾಂಡ್ ಇಂಟೆಲಿಜೆನ್ಸ್) ಜಂಟಿ ವರದಿ ನೀಡಿದೆ.
ಉದ್ಯಮವು ಕಳೆದ ತ್ರೈಮಾಸಿಕ ವಿಭಾಗಗಳಲ್ಲಿ 70 ಪ್ರತಿಶತದಷ್ಟು ಎಆರ್ಆರ್ (ವಾರ್ಷಿಕ ಮರುಕಳಿಸುವ ಆದಾಯ) ಜಿಗಿತಗಳನ್ನು ಕಂಡಿದೆ. ಇದು ಹೆಚ್ಚಿನ ಸಂಖ್ಯೆಯ ಗ್ರಾಹಕರಿಗೆ ಸೇವೆ ಸಲ್ಲಿಸುವ ಅವಕಾಶವನ್ನು ತರುತ್ತದೆ ಹಾಗೂ ಅದರೊಂದಿಗೆ ಕೆಲವು ಸವಾಲುಗಳನ್ನು ಹೊಂದಿದೆ, ಎಂದು ಬಿಗ್ಬಾಸ್ಕೆಟ್‌ನ ಸಿಇಒ, ಸಹ ಸಂಸ್ಥಾಪಕ ಹರಿ ಮೆನನ್ ಹೇಳಿದ್ದಾರೆ.
ಭಾರತದಲ್ಲಿ ಇ-ಕಾಮರ್ಸ್ ಯುದ್ಧ ತೀವ್ರಗೊಳ್ಳುತ್ತಿದೆ. ದಿನಸಿ ಸಾಮಗ್ರಿಗಳನ್ನು ಆನ್‌ಲೈನ್‌ನಲ್ಲಿ ವಿತರಿಸುವುದು ಹೆಚ್ಚಾಗುತ್ತಿದೆ. ಹಾಗಾಗಿ ಮುಂದಿನ ಐದು ವರ್ಷಗಳಲ್ಲಿ ಮಾರುಕಟ್ಟೆಯ ಗಾತ್ರವು ಎಂಟು ಪಟ್ಟು ಹೆಚ್ಚಾಗುತ್ತದೆ ಎಂದು ಅಂದಾಜಿಸಲಾಗಿದೆ.
