ಪ್ರಿಯಕರನಿಗಾಗಿ ಪೊಲೀಸ್​ ಠಾಣೆಯಲ್ಲಿ ಯುವತಿಯ ರಾದ್ಧಾಂತ

ಪ್ರಿಯಕರ ಬೇಕೆಂದು ಯುವತಿಯೊಬ್ಬಳು ಪೊಲೀಸ್​ ಠಾಣೆಗೆ ಬಂದು ರಾದ್ಧಾಂತ ಸೃಷ್ಟಿಸಿದ ಘಟನೆ ಬಾಚಪಲ್ಲಿ ಪೊಲೀಸ್​ ಠಾಣೆಯಲ್ಲಿ ನಡೆದಿದೆ.

ಹೈದರಾಬಾದ್​:ಯುವತಿಯೊಬ್ಬಳು ಪೊಲೀಸ್​ ಠಾಣೆಗೆ ಬಂದು ರಾದ್ಧಾಂತ ಸೃಷ್ಟಿಸಿದ ಘಟನೆ ಬಾಚಪಲ್ಲಿ ಪೊಲೀಸ್​ ಠಾಣೆಯಲ್ಲಿ ನಡೆದಿದೆ.

ನೆಲ್ಲೋರ್​ ಜಿಲ್ಲೆಯವಳಾದ ಯುವತಿ ತನ್ನ ಕುಟುಂಬಸ್ಥರೊಂದಿಗೆ ಹೈದರಾಬಾದ್​ನಲ್ಲಿ ಚಿತ್ರಾಪುರ ಕಾಲೋನಿಯಲ್ಲಿ ವಾಸವಾಗಿದ್ದಾಳೆ. ಬಾಚಪಲ್ಲಿಯಲ್ಲಿ ತನ್ನ ಪ್ರಿಯಕರ ಚಂದು ತನ್ನೊಂದಿಗೆ ಮಾತನಾಡುತ್ತಿಲ್ಲ, ಫೋನ್​ ಕರೆಯನ್ನೂ ಸ್ವೀಕರಿಸುತ್ತಿಲ್ಲ ಎಂದು ಆರೋಪಿಸಿ ಪೊಲೀಸ್​ ಠಾಣೆ ಮೆಟ್ಟಿಲೇರಿದ್ದಾಳೆ. ಠಾಣೆಯ ಬಾಗಿಲಿಗೆ ತನ್ನ ತಲೆಯನ್ನ ಚಚ್ಚಿಕೊಂಡು ಕೂಗಾಡಿದ್ದಾಳೆ.

ಇದಕ್ಕೂ ಮುನ್ನ ತನ್ನ ಪ್ರಿಯಕರ ಚಂದು ಮನೆಗೂ ತೆರಳಿದ್ದ ಯುವತಿ ನಿರಾಸೆಗೊಂಡು ಅಲ್ಲಿಂದು ಹಿಂದಿರುಗಿದ್ದಳಂತೆ. ಈ ಹಿಂದೆ ಪೊಲೀಸ್​ ಠಾಣೆಗೆ ಬಂದಿದ್ದ ಈಕೆ ಎಷ್ಟೇ ಸಮಾಧಾನಪಡಿಸಿದರೂ ಸುಮ್ಮನಾಗಿರಲಿಲ್ಲವಂತೆ. ಇಂದು ಮತ್ತೊಮ್ಮೆ ಪೊಲೀಸ್​ ಠಾಣೆಗೆ ಬಂದಿದ್ದ ಈಕೆ ಪ್ರಿಯಕರನೊಂದಿಗೆ 10 ನಿಮಿಷಗಳ ಕಾಲ ಮಾತನಾಡಲು ವ್ಯವಸ್ಥೆ ಮಾಡುವಂತೆ ಪೊಲೀಸರನ್ನು ಕೇಳಿಕೊಂಡಿದ್ದಾಳೆ. ಇಲ್ಲದಿದ್ದರೆ ಠಾಣೆಯಲ್ಲೆ ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಬೆದರಿಕೆ ಹಾಕಿದ್ದಾಳೆ.

ಎಷ್ಟೇ ಮನವೊಲಿಸಲು ಪ್ರಯತ್ನಿಸಿದರೂ ಯುವತಿ ಕೇಳಿಲ್ಲ. ಅಂತಿಮವಾಗಿ ಬಾಚಪಲ್ಲಿ ಇನ್ಸ್​​ಪೆಕ್ಟರ್​ ಜಗದೀಶ್ವರ್ ಅವರು ಮಹಿಳಾ ಪೊಲೀಸ್ ವಿಭಾಗವಾದ ಶಿ ತಂಡವನ್ನ (She Team) ಕರೆದು ಸಮಾಲೋಚನೆ ನಡೆಸಿದ್ದಾರೆ.

ನಂತರ ಯುವತಿಯನ್ನ ಆಕೆಯ ಸಹೊದರನೊಂದಿಗೆ ಕಳುಹಿಸಿ ಕೊಡಲಾಗಿದೆ. ಇನ್ನು ಯುವತಿ ತನ್ನ ಪ್ರಿಯಕರನನ್ನ ವಾಪಸ್​ ಕರೆಸುವಮತೆ ದೂರು ನೀಡಲು ನಿರಾಕರಿಸಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ. ಯುವತಿ ಈ ಹಿಂದೆ ರಾಯದುರ್ಗಂ ಠಾಣೆಯಲ್ಲೂ ಇದೇ ರೀತಿ ವರ್ತಿಸಿದ್ದಳು ಎಂದು ತಿಳಿದುಬಂದಿದೆ.