ದೇಶದಲ್ಲಿ 29ಕ್ಕೇರಿದ ರೂಪಾಂತರಿ ಕೊರೊನಾ ವೈರಸ್‌ ಸೋಂಕಿತರ ಸಂಖ್ಯೆ

ಇಂದು ಭಾರತದಲ್ಲಿ ಮತ್ತೆ ನಾಲ್ವರಿಗೆ ಬ್ರಿಟನ್​ ಸೋಂಕು ಅಂಟಿರುವುದು ದೃಢವಾಗಿದ್ದು, ಈವರೆಗೆ ದೇಶದಲ್ಲಿ ಒಟ್ಟು 29 ರೂಪಾಂತರಿ ಕೊರೊನಾ ವೈರಸ್ ಕೇಸ್​ಗಳು ವರದಿಯಾಗಿವೆ.

ಹೈದರಾಬಾದ್​: 2019ರ ಡಿಸೆಂಬರ್​ನಲ್ಲಿ ಮೊಟ್ಟಮೊದಲ ಕೋವಿಡ್ ಪ್ರಕರಣ ಚೀನಾದಲ್ಲಿ ಪತ್ತೆಯಾಗಿದ್ದರೆ, ಒಂದು ವರ್ಷದ ಬಳಿಕ ಅದೇ ಕೊರೊನಾ ವೈರಸ್ ಇಂಗ್ಲೆಂಡ್​ನಲ್ಲಿ​ ಹೊಸ ರೂಪ ತಾಳಿದೆ. ಭಾರತ ಸೇರಿದಂತೆ ಇತರ ರಾಷ್ಟ್ರಗಳಿಗೆ ರೂಪಾಂತರಿ ಕೊರೊನಾ ದಾಪುಗಾಲಿಟ್ಟಿದೆ.

ಈಗಾಗಲೇ ವಿಶ್ವದಾದ್ಯಂತ ಬರೋಬ್ಬರಿ 8,39,03,23 ಜನರಿಗೆ ಕಿಲ್ಲರ್​ ಕೊರೊನಾ ವೈರಸ್​ ಅಂಟಿದ್ದು, 18,27,789 ಸೋಂಕಿತರು ಮೃತಪಟ್ಟಿದ್ದಾರೆ. ಸೋಂಕಿತರ ಪೈಕಿ 5,94,02,197 ಮಂದಿ ಗುಣಮುಖರಾಗಿದ್ದಾರೆ. ಕೊರೊನಾ ಪ್ರಕರಣಗಳು ಹಾಗೂ ಸಾವಿನ ಸಂಖ್ಯೆಯಲ್ಲಿ ವಿಶ್ವದಲ್ಲೇ ಮೊದಲ ಸ್ಥಾನದಲ್ಲಿರುವ ಅಮೆರಿಕದಲ್ಲಿ ಸೋಂಕಿತರ ಸಂಖ್ಯೆ 2,04,45,654 ಇದ್ದು, ಮೃತರ ಸಂಖ್ಯೆ 3,54,215ಕ್ಕೆ ಏರಿಕೆಯಾಗಿದೆ.

ಕೇಸ್​ಗಳ ಪೈಕಿ ಎರಡನೇ ಸ್ಥಾನದಲ್ಲಿರುವ ಭಾರತದಲ್ಲಿ ಈವರೆಗೆ 1,02,86,709 ಕೇಸ್​ಗಳು ಪತ್ತೆಯಾಗಿದ್ದು, 1,49,018 ಜನರು ವೈರಸ್​ಗೆ ಬಲಿಯಾಗಿದ್ದಾರೆ. ಇಂದು ಭಾರತದಲ್ಲಿ ಮತ್ತೆ ನಾಲ್ವರಿಗೆ ಬ್ರಿಟನ್​ ಸೋಂಕು ಅಂಟಿರುವುದು ದೃಢವಾಗಿದ್ದು, ಈವರೆಗೆ ದೇಶದಲ್ಲಿ ಒಟ್ಟು 29 ರೂಪಾಂತರಿ ಕೇಸ್​ಗಳು ವರದಿಯಾಗಿವೆ. ಬೆಂಗಳೂರಿನ ಪ್ರಯೋಗಾಲದಲ್ಲಿ ಮೂವರ ಹಾಗೂ ಹೈದರಾಬಾದ್​ ಲ್ಯಾಬ್​​ನಲ್ಲಿ ಒಬ್ಬರ ವರದಿ ಪಾಸಿಟಿವ್​ ಬಂದಿದೆ.

ಓದಿ:ಕೋವಾಕ್ಸಿನ್​ ಲಸಿಕೆ ತಯಾರಿ ಹಿಂದೆ ವಿಜ್ಞಾನಿಗಳ 9 ತಿಂಗಳ ಶ್ರಮವಿದೆ: ಸುಚಿತ್ರಾ ಎಲ್ಲ

ಮೂರನೇ ಸ್ಥಾನದಲ್ಲಿರುವ ಬ್ರೆಜಿಲ್​​ನಲ್ಲಿ 76,75,973 ಪ್ರಕರಣಗಳು ಹಾಗೂ 1,94,976 ಸಾವುಗಳು ವರದಿಯಾಗಿದೆ. 4ನೇ ಸ್ಥಾನದಲ್ಲಿರುವ ರಷ್ಯಾದಲ್ಲಿ 31,86,336 ಕೇಸ್​​ಗಳಿದ್ದು, 57,555 ಜನರು ಸಾವನ್ನಪ್ಪಿದ್ದಾರೆ.

ಗ್ಲೋಬಲ್​ ಕೋವಿಡ್​ 19 ಟ್ರ್ಯಾಕರ್​

ಒಟ್ಟು 218 ರಾಷ್ಟ್ರಗಳು ಕೋವಿಡ್​ ಹೊಡೆತಕ್ಕೆ ಸಿಲುಕಿದ್ದು, ಅಮೆರಿಕ, ಬ್ರೆಜಿಲ್​​, ಭಾರತದ ಬಳಿಕ ಸಾವಿನ ಸಂಖ್ಯೆಯಲ್ಲಿ ಮೆಕ್ಸಿಕೋ, ಇಂಗ್ಲೆಂಡ್​ ಹಾಗೂ ಇಟಲಿ ಕ್ರಮವಾಗಿ 4,5 ಹಾಗೂ 6ನೇ ಸ್ಥಾನದಲ್ಲಿವೆ.