'ವಿಶ್ವ ಕೃತಜ್ಞತಾ ದಿನ': ಈ ಬಾರಿ ಕೊರೊನಾ ವಾರಿಯರ್ಸ್​ಗೆ ಕೃತಜ್ಞತೆ ಮೀಸಲು

ಸೆಪ್ಟೆಂಬರ್ 21 ವಿಶ್ವ ಕೃತಜ್ಞತಾ ದಿನ ಆಚರಣೆ ಮಾಡಲಾಗುತ್ತಿದ್ದು, ಈ ಹಿನ್ನೆಲೆಯಲ್ಲಿ ಕೊರೊನಾ ಸಾಂಕ್ರಾಮಿಕ ಸಮಯದಲ್ಲಿ ಧೈರ್ಯಶಾಲಿಗಳಾಗಿ ಸೇವೆ ಸಲ್ಲಿಸಿದ ವಾರಿಯರ್ಸ್​ಗೆ ಈ ಬಾರಿ ಕೃತಜ್ಞತೆ ಸಲ್ಲಿಸಲಾಗುತ್ತಿದೆ.

ಸೆಪ್ಟೆಂಬರ್ 21 ವಿಶ್ವ ಕೃತಜ್ಞತಾ ದಿನ. ಜಗತ್ತು ಒಗ್ಗೂಡಿ ಕೃತಜ್ಞತೆಯನ್ನು ಆಚರಿಸಬೇಕಾದ ದಿನ. ಈ ದಿನ ನಮ್ಮನ್ನು ವಿನಮ್ರರನ್ನಾಗಿ ಮಾಡುವುದು ಮಾತ್ರವಲ್ಲದೆ, ಸಂತೋಷ ಮತ್ತು ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಕೃತಜ್ಞತೆ ಎಂಬುದು, ಶಕ್ತಿಯುತವಾದ ಭಾವನೆಯಾಗಿ, ಅಸಂಖ್ಯಾತ ಪ್ರಯೋಜನಗಳನ್ನು ನೀಡುತ್ತದೆ.

ವಿಶ್ವ ಕೃತಜ್ಞತಾ ದಿನದ ಹಿನ್ನೆಲೆ:ವಿಶ್ವ ಕೃತಜ್ಞತಾ ದಿನವು ವಿಶ್ವಸಂಸ್ಥೆಯ ರಜಾದಿನ. 1965ರಲ್ಲಿ ಹವಾಯಿಯ ವಿಶ್ವಸಂಸ್ಥೆಯ ಕಟ್ಟಡದ ಧ್ಯಾನ ಕೇಂದ್ರದಲ್ಲಿ ಥ್ಯಾಂಕ್ಸ್​ ಗಿವಿಂಗ್​ ಭೋಜನ ಕಾರ್ಯಕ್ರಮ ನಡೆಯಿತು. ಅಲ್ಲಿ, ಮೆಡಿಟೇಶನ್​ ಶಿಕ್ಷಕ ಮತ್ತು ಯುಎನ್ ಮೆಡಿಟೇಶನ್ ಗುಂಪಿನ ನಿರ್ದೇಶಕರಾದ ಶ್ರೀಚಿಮನಯ್ ಅವರು ವಿಶ್ವದಾದ್ಯಂತ ಜನರನ್ನು ಕೃತಜ್ಞತೆಯಿಂದ ಏಕೀಕರಿಸಲು ವಿಶೇಷ ರಜಾದಿನವನ್ನು ರಚಿಸುವಂತೆ ಸೂಚಿಸಿದರು. ಅಲ್ಲಿ ಹಾಜರಿದ್ದ ಜನರು ಪ್ರತಿ ಸೆಪ್ಟೆಂಬರ್ 21ರಂದು ತಮ್ಮ ದೇಶದಲ್ಲಿ ಕೃತಜ್ಞತಾ ಸಭೆ ನಡೆಸುವ ಭರವಸೆ ನೀಡಿದರು. 1977ರಲ್ಲಿ ಶ್ರೀಚಿಮನಯ್ ಅವರ ಕೆಲಸವನ್ನು ಗುರುತಿಸಿ, ವಿಶ್ವ ಕೃತಜ್ಞತಾ ದಿನವನ್ನು ಅಧಿಕೃತಗೊಳಿಸುವ ನಿರ್ಣಯವನ್ನು ಯುಎನ್ ಮೆಡಿಟೇಶನ್ ಗುಂಪು ಕೋರಿತು. ಅಂದಿನಿಂದ, ವಿಶ್ವ ಕೃತಜ್ಞತಾ ದಿನವು ವಾರ್ಷಿಕ ಅಂತಾರಾಷ್ಟ್ರೀಯ ದಿನವಾಗಿದೆ.

ಈ ವರ್ಷದಲ್ಲಿ ನಮ್ಮ ಕೃತಜ್ಞತೆಯನ್ನು ಯಾರಿಗೆ ಮೀಸಲಿಡಬೇಕು: ಭಾರತದಲ್ಲಿ ಕೊರೊನಾ ವಿರುದ್ಧ ಸುಮಾರು 1.2 ಕೋಟಿಗಿಂತ ಹೆಚ್ಚು ವಾರಿಯರ್ಸ್​ ದುಡಿದಿದ್ದಾರೆ. ಅದರಲ್ಲಿ 196ಕ್ಕೂ ಹೆಚ್ಚು ವೈದ್ಯರು ರೋಗಿಗಳಿಗೆ ಸೇವೆ ಸಲ್ಲಿಸುತ್ತಾ ಪ್ರಾಣ ಕಳೆದುಕೊಂಡಿದ್ದಾರೆ. ಅವರು ಮುಂಚೂಣಿಯಲ್ಲಿ ದಣಿವರಿಯಿಲ್ಲದೆ ಕೆಲಸ ಮಾಡಿದವರು. ನಮ್ಮೆಲ್ಲರಿಗೂ ಸ್ಫೂರ್ತಿಯಾಗಿದ್ದಾರೆ. ಇದಲ್ಲದೆ ಅನೇಕ ಸಾಮಾನ್ಯ ಜನರು ನಮ್ಮ ಸಮಾಜಕ್ಕೆ ಇನ್ನೂ ಅನೇಕ ರೀತಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಆದ್ದರಿಂದ ನಾವು ಅವರಿಗೆ ಕೃತಜ್ಞತೆಯನ್ನು ತೋರಿಸುವ ದಿನ ಇದು.

ಶಿಕ್ಷಕರು:ಜಗತ್ತಿನಲ್ಲಿ ಕೊರೊನಾ ಹಿನ್ನೆಲೆಯಲ್ಲಿ ಎಲ್ಲವನ್ನೂ ಬಂದ್​ ಆದಾಗ, ಶಿಕ್ಷಕರು ಮಾತ್ರ ಮಕ್ಕಳ ಭವಿಷ್ಯ ರೂಪಿಸುವಲ್ಲಿ ನಿರತರಾಗಿದ್ದರು. ಈ ಹಿನ್ನೆಲೆಯಲ್ಲಿ ಅವರಿಗೂ ಕೃತಜ್ಞತೆಯನ್ನು ತೋರಬೇಕು.

ಕೊರೊನಾ ಸಾಂಕ್ರಾಮಿಕ ಸಮಯದಲ್ಲಿ ಧೈರ್ಯಶಾಲಿಗಳಾಗಿ ಸೇವೆ ಸಲ್ಲಿಸಿದ ವಾರಿಯರ್ಸ್​ಗೆ 'ಈಟಿವಿ ಭಾರತ' ಕಡೆಯಿಂದ ಧನ್ಯವಾದಗಳು..