ಕೊರೊನಾ ವೈರಸ್​​ ಅಲ್ಲ,''ದೇವಿ'': ಮಹಾಮಾರಿ ಓಡಿಸಲು ವಿಶೇಷ ಪೂಜೆ

ಕೊರೊನಾ ವೈರಸ್​​ ಓಡಿಸಲು ಒಂದೆಡೆ ಜಗತ್ತಿನ ಎಲ್ಲಾ ದೇಶಗಳು ಲಸಿಕೆ ಕಂಡುಹಿಡಿಯುವಲ್ಲಿ ನಿರತವಾಗಿವೆ. ಈ ಮಧ್ಯೆ ಛತ್ತೀಸ್​​ಗಢದಲ್ಲಿ ಮಹಿಳಯರು ಕೊರೊನಾ ವೈರಸ್​ ಅಲ್ಲ ಅದು ದೇವಿ, ಅದನ್ನು ಪೂಜೆ ಮಾಡಿ ಓಡಿಸಬಹುದು ಅಂತ ಪೂಜೆ ಮಾಡ್ತಿದ್ದಾರೆ.

ಛತ್ತೀಸ್​​ಗಢ/ಭಿಲೈ: ಕೊರೊನಾ ವೈರಸ್​​ ನಿಯಂತ್ರಿಸಲು ಜನ ಮೂಢನಂಬಿಕೆಯ ಮೊರೆ ಹೋಗಿದ್ದಾರೆ. ಛತ್ತೀಸ್​​ಗಢದ ಭಿಲೈನಲ್ಲಿ ಕೊರೊನಾ ಎಂಬುದು '' ದೇವಿ''ಅವಳನ್ನು ನಾವು ಓಡಿಸುತ್ತೇವೆ ಎಂದು ಮಹಿಳೆಯರು ಪೂಜೆ ಮಾಡುತ್ತಿದ್ದಾರೆ.

ಕೊರೊನಾ ಎಂಬುದು ವೈರಸ್​ ಅಲ್ಲ, ಅದೊಂದು ದೇವಿ ಎಂದು ಮಹಿಳೆಯರು ದರ್ಗಾಕ್ಕೆ ತೆರಳಿ ಕೊರೊನಾ ದೇವಿ ಹೋಗಮ್ಮ ಅಂತ ಪೂಜೆ ಮಾಡ್ತಿದ್ದಾರೆ. ಇಲ್ಲಿ ವಾಸವಾಗಿರುವ ಬಿಹಾರ ಉತ್ತರ ಪ್ರದೇಶದ ಮಹಿಳೆಯರು ಕೊರೊನಾ ವೈರಸ್​ ಅಲ್ಲ ದೇವಿ. ದೇವಿಗೆ ಕೋಪ ಬಂದಿದೆ ಅದಕ್ಕೆ ಹೀಗೆ ಆಗ್ತಿದೆ. ನಾವು ಸರಿಯಾಗಿ ಪೂಜೆ ಮಾಡಿದರೆ ಈ ದೇವಿ ನಮ್ಮ ದೇಶ ತೊರೆದು ಹೋಗುತ್ತಾಳೆ ಅಂತ ಪೂಜೆ-ಪುನಸ್ಕಾರಗಳ ಮೊರೆ ಹೋಗಿದ್ದಾರೆ.

ಕೊರೊನಾ ದೇವಿ ಪೂಜೆ ಹೇಗೆ ಗೊತ್ತಾ?

9 ಶುಭಸಂಖ್ಯೆ, ಹೀಗಾಗಿ ಆ ಸಂಖ್ಯೆಯನ್ನು ಶುಭವೆಂದು ಪರಿಗಣಿಸಿ, 9 ಸಿಹಿತಿಂಡಿಗಳು, 9 ಹೂವುಗಳು, 9 ಧಾನ್ಯಗಳು, 9 ಲವಂಗ, ಬೆಲ್ಲ ಮತ್ತು ನೀರನ್ನು ಇಟ್ಟು ಕೊರೊನಾ ದೇವಿಯನ್ನು ಪೂಜಿಸಬೇಕು. ಪೂಜೆಯ ನಂತರ ಈ ಎಲ್ಲಾ ವಸ್ತುಗಳನ್ನು ನೆಲವನ್ನು ಅಗೆದು ಅವುಗಳನ್ನು ಹೂಳಲಾಗುತ್ತದೆ ಅಂತ ಈ ಮಹಿಳೆಯರು ತಿಳಿಸಿದ್ದಾರೆ.