ಸೀರೆಯುಟ್ಟು ಕ್ರಿಕೆಟ್​ ಗ್ರೌಂಡ್​ನಲ್ಲಿ ಓಡಿ ಕ್ರಿಕೆಟರ್​ಗೆ​ ಮುತ್ತಿಕ್ಕಿದಳು! ವೀಡಿಯೋ ವೈರಲ್

ಈ ದೃಶ್ಯವನ್ನ ಒಮ್ಮೆ ನೋಡಿಬಿಡಿ. ಕಪ್ಪು ಬಣ್ಣದ ಸೀರೆಯುಟ್ಟ ಮಹಿಳೆಯೊಬ್ಬಳು ಏಕಾಏಕಿ ಕ್ರಿಕೆಟ್​ ಪಂದ್ಯ ನಡೆಯುತ್ತಿದ್ದ ಗ್ರೌಂಡ್​ನೊಳಗೆ ಓಡೋಡಿ ಬರುತ್ತಾಳೆ. ನೇರವಾಗಿ ಪಿಚ್​ನೊಳಗೆ ಬಂದ ಆ ಮಹಿಳೆ, ಅಲ್ಲಿದ್ದ ಕ್ರಿಕೆಟರ್​ಗೆ ಮುತ್ತುಕೊಟ್ಟು ಮತ್ತೆ ಅದೇ ರೀತಿ ಓಡಿ ಹೋಗುತ್ತಾಳೆ.

ಹೈದರಾಬಾದ್​: 1975 ರಲ್ಲಿ ಕ್ರಿಕೆಟ್​ ಗ್ರೌಂಡ್​ನಲ್ಲಿ ನಡೆದ ಘಟನೆಯೊಂದು ಟ್ವಿಟರ್​ನಲ್ಲಿ ಈಗ ಭಾರೀ ಸದ್ದು ಮಾಡುತ್ತಿದೆ. ಈ ದೃಶ್ಯವೀಗ ಎಲ್ಲೆಡೆ ವೈರಲ್​ ಆಗಿದೆ.

ಈ ದೃಶ್ಯವನ್ನೊಮ್ಮೆ ನೋಡಿಬಿಡಿ. ಕಪ್ಪು ಬಣ್ಣದ ಸೀರೆಯುಟ್ಟ ನೀರೆಯೊಬ್ಬಳು ಏಕಾಏಕಿ ಕ್ರಿಕೆಟ್​ ಪಂದ್ಯ ನಡೆಯುತ್ತಿದ್ದ ಗ್ರೌಂಡ್​ನೊಳಗೆ ಓಡೋಡಿ ಬರುತ್ತಾಳೆ. ನೇರವಾಗಿ ಪಿಚ್​ನೊಳಗೆ ಬಂದ ಆಕೆ, ಅಲ್ಲಿದ್ದ ಕ್ರಿಕೆಟರ್​ಗೆ ಮುತ್ತುಕೊಟ್ಟು ಮತ್ತೆ ಅದೇ ರೀತಿ ಹಿಂದಕ್ಕೆ ಓಡಿ ಹೋಗ್ತಾಳೆ. ಸೀರೆಯುಟ್ಟರೂ, ಕ್ಯಾಶುವಲ್​ ಬಟ್ಟೆಯಲ್ಲೇ ಓಡಿದಂತೆ ತುಂಬಾನೆ ಕಂಫರ್ಟ್​ ಆಗಿ ಓಡುತ್ತಾಳೆ ಆಕೆ. ಅಲ್ಲಿದ್ದ ಸಿಬ್ಬಂದಿ, ಮಹಿಳೆಯನ್ನು ತಡೆಯುವ ಪ್ರಯತ್ನ ಮಾಡ್ತಾರೆ. ಆದ್ರೆ ಅವರು ಸಫಲವಾಗುವುದಿಲ್ಲ. ಈ ವೇಳೆ ಸ್ಟೇಡಿಯಂನಲ್ಲಿ ಕೂತಿದ್ದ ಪ್ರೇಕ್ಷಕರು ಕೂಡಾ ನಿಬ್ಬೆರಗಾಗಿ ಮಹಿಳೆಯನ್ನೇ ನೋಡುತ್ತಾರೆ.

ಈ ದೃಶ್ಯ ಇಂದು-ನಿನ್ನೆಯದೇನಲ್ಲ. ಇದು 1975ರದ್ದು. ಅದು ಕೂಡಾ ಭಾರತ ಮತ್ತು ವೆಸ್ಟ್​ ಇಂಡೀಸ್​ ನಡುವಣ ಟೆಸ್ಟ್​ ಪಂದ್ಯದಲ್ಲಿ. ಟ್ವಿಟ್ಟರ್​ನಲ್ಲಿ "Sorry this #SareeTwitter cannot be beaten," ಅನ್ನೋ ಅಡಿಬರಹದಲ್ಲಿ ಈ ವಿಡಿಯೋ ಪೋಸ್ಟ್​ ಮಾಡಲಾಗಿದೆ. ಕಪ್ಪು ಸೀರೆಯುಟ್ಟ ಮಹಿಳೆ, ಪಿಚ್​ನಲ್ಲಿ ಆಡುತ್ತಿದ್ದ 23 ರ ಹರೆಯದ ಬ್ರಿಜೇಶ್‌​ ಪಟೇಲ್​ಗೆ ಕಿಸ್​ ಮಾಡಿ ಓಡುತ್ತಾಳೆ. ಇದೇ ವೇಳೆ ಕಮೆಂಟೇಟರ್​, "ವ್ಹಾ, ಚಾಹ್ನೇ ವಾಲೋಂಕಾ ಬಧಾಯಿ ದೇನೇ ಕಾ ಕೈಸಾ ಅನೋಖಾ ಅಂದಾಝ್​" ಎಂದು ಉದ್ಘಾರವೆಳೆಯುತ್ತಾರೆ.

ಸದ್ಯ ಈ ದೃಶ್ಯವನ್ನ ಬಾಲಿವುಡ್​ ನಟಿ ಸ್ವರ ಭಾಸ್ಕರ್​ ಟ್ವಿಟ್ಟರ್​ನಲ್ಲಿ ಶೇರ್​ ಮಾಡಿದ್ದು, ಈ ಮಹಿಳೆ ಯಾರೇ ಆಗಿರಲಿ, ಆಕೆ ನಿಜವಾದ 'ರಾಕ್​ ಸ್ಟಾರ್'​ ಎಂದು ಕ್ಯಾಪ್ಷನ್​ ಬರೆದುಕೊಂಡಿದ್ದಾರೆ.