ಉತ್ತರಾಖಂಡ್​ನಲ್ಲಿ ಅಪರೂಪದ ಪ್ರಕರಣ: ನಾಲ್ಕು ಮಕ್ಕಳಿಗೆ ಜನ್ಮ ನೀಡಿದ ಮಹಿಳೆ

ಉತ್ತರಾಖಂಡದ ರಿಷಿಕೇಶ್​ನ​ಲ್ಲಿನ ಏಮ್ಸ್​ ಆಸ್ಪತ್ರೆಯಲ್ಲಿ 24 ವರ್ಷದ ಮಹಿಳೆಯೋರ್ವಳು ನಾಲ್ಕು ಮಕ್ಕಳಿಗೆ ಜನ್ಮ ನೀಡಿದ್ದು, ಪ್ರತಿ ಏಳು ಲಕ್ಷ ಮಗುವಿನ ಜನನಕ್ಕೆ ಒಂದು ಪ್ರಕರಣದಲ್ಲಿ ಮಾತ್ರ ನಾಲ್ಕು ಮಕ್ಕಳು ಜನಿಸುವುದರಿಂದ ಇದೊಂದು ಅಪರೂಪದ ಪ್ರಕರಣ ಎಂದು ವೈದ್ಯರು ತಿಳಿಸಿದ್ದಾರೆ.

ಉತ್ತರಾಖಂಡ್​​:ಅಪರೂಪದ ಪ್ರಕರಣ ಎಂಬಂತೆ ಉತ್ತರಾಖಂಡದ ರಿಷಿಕೇಶ್​ನ​ಲ್ಲಿನ ಏಮ್ಸ್​ ಆಸ್ಪತ್ರೆಯಲ್ಲಿ 24 ವರ್ಷದ ಮಹಿಳೆಯೋರ್ವಳು ನಾಲ್ಕು ಮಕ್ಕಳಿಗೆ ಜನ್ಮ ನೀಡಿದ್ದಾಳೆ.

ಪ್ರತಿ ಏಳು ಲಕ್ಷ ಮಗುವಿನ ಜನನಕ್ಕೆ ಒಂದು ಪ್ರಕರಣದಲ್ಲಿ ಮಾತ್ರ ನಾಲ್ಕು ಮಕ್ಕಳು ಜನಿಸುವುದರಿಂದ ಇದೊಂದು ಅಪರೂಪದ ಪ್ರಕರಣ ಎಂದು ರಿಷಿಕೇಶ್​ ಏಮ್ಸ್​ನ ವೈದ್ಯರು ಹೇಳಿದ್ದಾರೆ.

ಮಹಿಳೆಯು ಉತ್ತರಕಾಶಿಯ ಬಾರ್ಕೋಟ್ ನಿವಾಸಿಯಾಗಿದ್ದು, 34 ವಾರಗಳ ಗರ್ಭಿಣಿಯಾಗಿದ್ದರು. ಮಹಿಳೆಯನ್ನು ಡೆಹರಾಡೂನ್​ನ ದೂನ್ ಆಸ್ಪತ್ರೆಯಿಂದ ಇಲ್ಲಿಗೆ ತ್ರಿವಳಿ ಮಕ್ಕಳಿಗೆ ಜನ್ಮ ನೀಡುವುದಾಗಿ ಹೇಳಿ ಕಳುಹಿಸಲಾಗಿತ್ತು. ಆದರೆ ಅಲ್ಟ್ರಾಸೌಂಡ್​ ಸ್ಕಾನಿಂಗ್​ನಲ್ಲಿ ಮಹಿಳೆಯ ಗರ್ಭದಲ್ಲಿ ನಾಲ್ಕು ಮಕ್ಕಳಿರುವುದು ತಿಳಿದು ಬಂದಿದ್ದು, ಹೆರಿಗೆ ಯಶಸ್ವಿಯಾಗಿದೆ. ಜನಿಸಿರುವ ಎರಡು ಹೆಣ್ಣು ಹಾಗೂ ಎರಡು ಗಂಡು ಮಕ್ಕಳು ಆರೋಗ್ಯಕರವಾಗಿದೆ ಎಂದು ಡಾ.ಅನುಪಮಾ ಬಹದ್ದೂರ್​ ತಿಳಿಸಿದ್ದಾರೆ.