ಕೋಲ್ಕತ್ತಾ: ವಿಶ್ವ ಪ್ರಸಿದ್ದ ಹೌರಾ ಸೇತುವೆ ಮೇಲೆ ಏರಿ ಕುಳಿತ ಮಹಿಳೆಯೋರ್ವಳು ತನಗೆ ನೀಡಿದ್ದ ನೊಬೆಲ್ ಪ್ರಶಸ್ತಿ ವಾಪಸ್ ನೀಡುವಂತೆ ಆಗ್ರಹಿಸಿರುವ ಘಟನೆ ನಡೆದಿದ್ದು, ಆಕೆಯನ್ನ ಕೆಳಗಿಳಿಸಲು ಪೊಲೀಸರು ಹರಸಾಹಸ ಪಟ್ಟಿದ್ದಾರೆ.
ನೊಬೆಲ್ ಪ್ರಶಸ್ತಿಗೋಸ್ಕರ ಹೌರಾ ಸೇತುವೆ ಏರಿ ಕುಳಿತ ಮಹಿಳೆ
ನೊಬೆಲ್ ಪ್ರಶಸ್ತಿಗೋಸ್ಕರ ಹೌರಾ ಸೇತುವೆ ಏರಿ ಕುಳಿತ ಮಹಿಳೆ... ವಿಡಿಯೋ!
ತನಗೆ ನೀಡಿರುವ ನೊಬೆಲ್ ಪ್ರಶಸ್ತಿ ಚಿಕ್ಕವಳಾಗಿದ್ದಾಗ ಕಳ್ಳತನವಾಗಿದ್ದು, ಅದನ್ನು ಹುಡುಕಿಕೊಡುವಂತೆ ಮಹಿಳೆಯೋರ್ವಳು ಹೌರಾ ಸೇತುವೆ ಏರಿ ಪ್ರತಿಭಟನೆ ನಡೆಸಿರುವ ವಿಚಿತ್ರ ಘಟನೆ ನಡೆದಿದೆ.
Woman climbs up Howrah bridge,
ಬಾಲ್ಯದಲ್ಲಿ ತಾನು ಪಡೆದುಕೊಂಡಿದ್ದ ನೊಬೆಲ್ ಪ್ರಶಸ್ತಿ ಕಳವು ಮಾಡಲಾಗಿದ್ದು, ಇದೀಗ ಅದು ಅಮರ್ತ್ಯ ಸೇನ್ ಅವರ ಕೈಯಲ್ಲಿದೆ. ಈಗಾಗಲೇ ಅದನ್ನ ಹುಡುಕಿಕೊಡುವಂತೆ ರಾಜ್ಯ ಸರ್ಕಾರಕ್ಕೆ ಅನೇಕ ಸಲ ಪತ್ರ ಬರೆದಿದ್ದೇನೆ ಎಂದಿರುವ ಮಹಿಳೆ ತಕ್ಷಣವೇ ಹಿಂದಿರುಗಿಸುವಂತೆ ಒತ್ತಾಯಿಸಿ ಹೌರಾ ಸೇತುವೆ ಏರಿದ್ದಾಳೆ. ಈ ವೇಳೆ ಆಕೆಯೊಂದಿಗೆ ಅನೇಕ ನಿಮಿಷಗಳ ಕಾಲ ಮಾತುಕತೆ ನಡೆಸಿದ ಪೊಲೀಸರು ಮನವೊಲಿಕೆ ಮಾಡಿ ಕೆಳಗಿಳಿಸಿದ್ದಾರೆ.
ಮಹಿಳೆ ಮಾನಸಿಕ ಅಸ್ವಸ್ಥ್ಯೆ ಎಂದು ಹೇಳಲಾಗುತ್ತಿದ್ದು, ಹೌರಾದ ನಾಲ್ಕನೇ ಸೇತುವೆ ಏರಿ ಕುಳಿತುಕೊಂಡಿದ್ದಳು. ಈ ವೇಳೆ ಪೊಲೀಸರು ಮತ್ತು ಆಗ್ನಿಶಾಮಕ ದಳ ಸಿಬ್ಬಂದಿ ಹರಸಾಹಸ ಪಟ್ಟು ಕೆಳಗೆ ಇಳಿಸಿದ್ದಾರೆ. ಇದಾದ ಬಳಿಕ ಮಹಿಳೆಯನ್ನ ಆಕೆಯ ಕುಟುಂಬಸ್ಥರಿಗೆ ಹಸ್ತಾಂತರ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.