ಹೆಬ್ಬಾವು ಹಿಡಿದ ನೌಕಾಧಿಕಾರಿ ಪತ್ನಿ ಧೈರ್ಯಕ್ಕೆ ನೆಟ್ಟಿಗರು ಫಿದಾ! ವಿಡಿಯೋ..

ಹಾವು ಕಂಡ್ರೆ ಕೆಲವರು ಹೆದರಿ ದೂರ ಓಡುತ್ತಾರೆ. ಇನ್ನು ಕೆಲವರು ಅದನ್ನು ಹೊಡೆದು ಸಾಯಿಸಲು ಮುಂದಾಗ್ತಾರೆ. ಆದ್ರೆ ಇಲ್ಲೊಬ್ಬ ಮಹಿಳೆ ಸುಮಾರು 20 ಕೆಜಿ ತೂಕದ ಹೆಬ್ಬಾವನ್ನು ಸುರಕ್ಷಿತವಾಗಿ ಹಿಡಿದು ಚೀಲಕ್ಕೆ ತುಂಬಿಸಿದ್ರು!

ಎರ್ನಾಕುಲಂ: ಮಹಿಳೆಯೊಬ್ಬಳು 20 ಕೆಜಿ ತೂಕವುಳ್ಳ ಹೆಬ್ಬಾವನ್ನು ಜೀವಂತವಾಗಿ ಹಿಡಿದು ಚೀಲದಲ್ಲಿ ಬಂಧಿಸಿದ್ದಾರೆ. ಈ ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗ್ತಿದೆ.

ಬಿಹಾರ​ ನಿವಾಸಿ ವಿದ್ಯಾರಾಜು ಎಂಬ ಮಹಿಳೆ ಕೆರಳದ ಎರ್ನಾಕುಲಂ ಪನಂಪಲ್ಲಿ ನಗರದಲ್ಲಿ ವಾಸಿಸುತ್ತಿದ್ದಾರೆ. ತಮ್ಮ ಮನೆ ಹಿಂದಿರುವ ಖಾಲಿ ಸ್ಥಳದಲ್ಲಿರುವ ಮರದ ಕೆಳಗೆ 20 ಕೆಜಿ ತೂಕವುಳ್ಳ ಹೆಬ್ಬಾವು ಕಂಡಿದೆ. ಹಾವು ಹಿಡಿಯುವ ಅನುಭವವಿರುವ ವಿದ್ಯಾರಾಜು ಆ ಹೆಬ್ಬಾವಿನ ತಲೆ ಭಾಗವನ್ನು ಗಟ್ಟಿಯಾಗಿ ಹಿಡಿದರು. ಬಳಿಕ ನೌಕಾದಳ ಸಿಬ್ಬಂದಿ ಸೇರಿದಂತೆ ಇಬ್ಬರ ಸಹಾಯದಿಂದ ಹಾವನ್ನು ಚೀಲದಲ್ಲಿ ಹಾಕಿ ಸುರಕ್ಷಿತ ಸ್ಥಳದಲ್ಲಿ ಬಿಟ್ಟರು.

ವಿದ್ಯಾರಾಜು ಹಾವು ಹಿಡಿಯುತ್ತಿರುವ ದೃಶ್ಯವನ್ನು ಹಾರಿಂದರ್​ ಸಿಕ್ಕಾ ಎಂಬ ವ್ಯಕ್ತಿ ವಿಡಿಯೋ ತೆಗೆದು ಟ್ವಿಟ್ಟರ್​ನಲ್ಲಿ ಹರಿಬಿಟ್ಟಿದ್ದಾರೆ. ಆ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಮಹಿಳೆಯ ಶೌರ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ.