‘ನನ್ನ ಗಂಡನಿಗೆ ವಿಷ ಕೊಟ್ಟು ಸಾಯಿಸೋಣ’... ಲವರ್​ ಜೊತೆಗೂಡಿ ಹೆಂಡ್ತಿ ಮಾಸ್ಟರ್​ ಪ್ಲಾನ್​!

ನನ್ನ ಗಂಡನಿಗೆ ವಿಷ ಕೊಟ್ಟು ಸಾಯಿಸೋಣ ಎಂದು ಲವರ್​ ಜೊತೆ ಸೇರಿ ಹೆಂಡ್ತಿ ಮಾಸ್ಟರ್​ ಪ್ಲಾನ್​ ಹಾಕಿರುವ ಸಂಗತಿ ಪತಿಗೆ ತಿಳಿದಿದೆ. ಹೆಂಡ್ತಿ ಕೊಲೆ ಪ್ಲಾನ್​ ತಿಳಿದ ಗಂಡ ಮಾಡಿದ್ದೇನು ಗೊತ್ತಾ?. ಈ ಸ್ಟೋರಿ ಓದಿ...

ಗುಂಟೂರು:ಸತ್ತೇನಪಲ್ಲಿ ತಾಲೂಕಿನ ಯುವಕ ಬಸ್​ ಡ್ರೈವರ್ ಆಗಿ ಕೆಲಸ ಮಾಡುತ್ತಿದ್ದಾನೆ. ಈತನಿಗೆ ಏಳು ವರ್ಷಗಳ ಹಿಂದೆ ತಮ್ಮದೇ ಗ್ರಾಮದ ಯುವತಿಯೊಂದಿಗೆ ಮದುವೆಯಾಗಿತ್ತು. ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಚೆನ್ನಾಗಿ ನಡೆಯುತ್ತಿದ್ದ ಸಂಸಾರದಲ್ಲಿ ಮನೆ ಪಕ್ಕದಲ್ಲಿರುವ ವ್ಯಕ್ತಿ ಎಂಟ್ರಿ ಕೊಟ್ಟಿದ್ದಾನೆ.

ಮದುವೆಯಾಗಿ ಮಕ್ಕಳಾದ್ರೂ ಆ ಗೃಹಿಣಿ ಮನೆ ಪಕ್ಕದ ವ್ಯಕ್ತಿಯ ಮಾಯದ ಬಲೆಗೆ ಬಿದ್ದು ಲವ್​ ಮಾಡುತ್ತಿದ್ದಳು. ಗಪ್​ಚುಪ್​ ಆಗಿಯೇ ಲಾಡ್ಜ್​, ಪಾರ್ಕ್​ ಸುತ್ತಿದ್ದಳು. ಹೆಂಡ್ತಿಯ ನಡುವಳಿಕೆ ಮೇಲೆ ಅನುಮಾನಗೊಂಡ ಗಂಡ ಆಕೆಯನ್ನು ಹಿಂಬಾಲಿಸಲು ಶುರು ಮಾಡಿದ್ದಾನೆ.

ಅವರಿಬ್ಬರು ಏಕಾಂತದಲ್ಲಿದ್ದ ವಿಡಿಯೋ, ಫೋಟೋಗಳು ಮತ್ತು ಅವರಿಬ್ಬರ ಸಂಭಾಷಣೆಗಳನ್ನು ಶೇಖರಿಸಿದ್ದಾನೆ. ಅವರ ಸಂಭಾಷಣೆಯಲ್ಲಿ ‘ನನ್ನ ಗಂಡನಿಗೆ ವಿಷ ಕೊಟ್ಟು ಸಾಯಿಸೋಣ’ ಎಂಬ ವಿಷಯ ಗಂಡನಿಗೆ ತಿಳಿದಿದೆ. ಇದನ್ನರಿತ ಆತ ನೇರ ಪೋಲಿಸ್​ ಠಾಣೆಗೆ ತೆರಳಿ ದೂರು ನೀಡಿದ್ದಾನೆ.

ನನಗೆ ಪ್ರಾಣ ಭಯವಿದೆ. ನನ್ನ ಹೆಂಡ್ತಿಯಿಂದ ನನ್ನನ್ನು ಕಾಪಾಡಿ. ನನಗೆ ನ್ಯಾಯ ಒದಗಿಸುವಂತೆ ಪೊಲೀಸರಿಗೆ ಸಾಕ್ಷಿಗಳನ್ನು ನೀಡಿದ್ದಾನೆ. ಈ ಘಟನೆ ಕುರಿತು ಗುಂಟೂರು ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.