ಬಿಲಾಸ್ಪುರ (ಛತ್ತೀಸ್ಗಡ):ಇಲ್ಲಿನ ರತನ್ಪುರ ಪ್ರದೇಶ ಖುತಘಾಟ್ ಅಣೆಕಟ್ಟಿನ ಭಾರಿ ಹರಿವಿನಲ್ಲಿ ಗಂಟೆಗಳ ಕಾಲ ಸಿಲುಕಿಕೊಂಡಿದ್ದ ವ್ಯಕ್ತಿಯನ್ನು ಭಾರತೀಯ ವಾಯುಪಡೆ (ಐಎಎಫ್) ಹೆಲಿಕಾಪ್ಟರ್ ಮೂಲಕ ಸೋಮವಾರ ಯಶಸ್ವಿಯಾಗಿ ರಕ್ಷಿಸಿದೆ.
ಆಗಸ್ಟ್ 16ರಂದು ಅಣೆಕಟ್ಟಿಯ ಹರಿವಿಗೆ ಧುಮುಕಿದ್ದ ವ್ಯಕ್ತಿ, ಹರಿವಿನ ಪ್ರಮಾಣ ಹೆಚ್ಚಾಗುತ್ತಿದ್ದಂತೆ ಅಲ್ಲಿಂದ ಹೊರ ಬರಲು ಸಾಧ್ಯವಾಗಿರಲಿಲ್ಲ. ರಕ್ಷಣೆಗಾಗಿ ಹರಸಾಹಸ ಪಟ್ಟಿದ್ದರು. ಕೊನೆಗೆ ಅಲ್ಲಿಯೇ ಮರವನ್ನು ಹಿಡಿದು ಅಣೆಕಟ್ಟಿನ ಬಳಿಯ ಕಲ್ಲಿನ ಮೇಲೆ ಕುಳಿತಕೊಂಡು ಜೀವ ಉಳಿಸಿಕೊಂಡಿದ್ದರು. ವಿಷಯ ತಿಳಿದು ಐಎಎಫ್ ತಂಡ ನೀರಿನಲ್ಲಿ ಸಿಲುಕಿದ್ದ ವ್ಯಕ್ತಿಯನ್ನು ಹೆಲಿಕಾಪ್ಟರ್ ಮಿ-17ನಿಂದ ಹಗ್ಗಗಳನ್ನು ಬಳಸಿ ಕಾಪಾಡಿದೆ.