ವಿಡಿಯೋ... ಬಲೆಗೆ ಬಿದ್ದ ಭೀಮ ಕಾಯದ ಸ್ಟಿಂಗ್ರೆ ಮೀನು: ಇದರ ತೂಕ ಕೇಳಿದ್ರೆ ತಲೆ ತಿರುಗುತ್ತೆ

ಆಂಧ್ರಪ್ರದೇಶದ ಮಚಲಿಪಟ್ಟಣದಲ್ಲಿ ಬುಧವಾರ ಬೀಸಿದ್ದ ಮೀನುಗಾರರ ಬಲೆಗೆ ಮೂರು ಟನ್​​ (3000 ಕೆ.ಜಿ) ಗಾತ್ರವುಳ್ಳ ದೈತ್ಯ ಮೀನೊಂದು ಬಿದ್ದಿದ್ದು, ನೋಡುಗರನ್ನು ಬೆರಗಾಗಿಸಿದೆ.

ಮಚಲಿಪಟ್ಟಣ (ಆಂಧ್ರಪ್ರದೇಶ):ಬುಧವಾರಮೂರು ಟನ್​​ (3000 ಕೆ.ಜಿ) ಗಾತ್ರವುಳ್ಳ ದೈತ್ಯ ಮೀನೊಂದು ಇಲ್ಲಿನ ಸ್ಥಳೀಯ ಮೀನುಗಾರರ ಬಲೆಗೆ ಬಿದ್ದಿದೆ.

ಹಿರಿಯ ಮೀನುಗಾರರು ಇದನ್ನು ಸ್ಟಿಂಗ್ರೆ ಮೀನು ಎಂದು ಗುರುತಿಸಿದರು. ಈ ಮೀನು ಸುಮಾರು ₹ 50 ಸಾವಿರ ಮೌಲ್ಯದ್ದಾಗಿದೆ ಎಂದು ಅಂದಾಜಿಸಲಾಗಿದೆ. ಅಪರೂಪಕ್ಕೊಮ್ಮೆ ಇಂತಹ ಬೃಹತ್​ ಮೀನುಗಳು ಬಲೆಗೆ ಬೀಳುತ್ತವೆ ಎಂದು ಮೀನುಗಾರರು ಹೇಳುತ್ತಾರೆ.

ದೈತ್ಯ ಮೀನನ್ನು ಬೋಟಿನಿಂದ ದಡಕ್ಕೆ ಎಳೆಯಲು ಹರಸಾಹಸ ಪಡಬೇಕಾಯಿತು. ಬಳಿಕ ಅದನ್ನು ಪ್ರದರ್ಶನಕ್ಕೆ ಇಡಲಾಯಿತು. ಸುತ್ತಲಿನ ಜನಸಮೂಹ ಈ ಅಪರೂಪದ ಮೀನನ್ನು ಕಂಡು ಬೆರಗಾದರು.