ಮನೀಶ್ ಪಾಂಡೆ ಮದುವೆ: ನವಜೋಡಿಗೆ ವಿರಾಟ್‌ ಕೊಹ್ಲಿ ಶುಭಾಶಯ

ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ಟೀಂ ಇಂಡಿಯಾ ಕ್ರಿಕೆಟರ್​ ಮನೀಷ್ ಪಾಂಡೆಗೆ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ವಿಶ್​ ಮಾಡಿದ್ದಾರೆ.

ಮುಂಬೈ:ಟೀಂ ಇಂಡಿಯಾ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​​ಮನ್​ ಮನೀಷ್​ ಪಾಂಡೆ ನಿನ್ನೆ ದಕ್ಷಿಣ ಭಾರತದ ಖ್ಯಾತ ನಟಿ ಆಶ್ರಿತಾ ಶೆಟ್ಟಿ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಮನೀಷ್​ ಪಾಂಡೆ ಮದುವೆ

ಭಾನುವಾರ ನಡೆದ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯ ಫೈನಲ್ ಪಂದ್ಯದಲ್ಲಿ ಮನೀಶ್ ಪಾಂಡೆ ನೇತೃತ್ವದ ಕರ್ನಾಟಕ ರೋಚಕ ಗೆಲುವು ದಾಖಲಿಸುವ ಮೂಲಕ ಚಾಂಪಿಯನ್​ ಆಗಿ ಹೊರಹೊಮ್ಮಿತ್ತು. ಇದಾದ ಮರುದಿನವೇ ಅಂದರೆ ಸೋಮವಾರ ಮುಂಬೈನಲ್ಲಿ ವಿವಾಹೋತ್ಸವ ನೆರವೇರಿದೆ.

ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ ಟ್ವೀಟ್‌ ಮಾಡಿ, ಅಭಿನಂದನೆಗಳು ಪಾಂಡೆ ಜೀ. ಜೀವಮಾನವಿಡೀ ಸುಂದರ ಹಾಗೂ ಸಂತೋಷದ ಕ್ಷಣಗಳು ನಿಮ್ಮದಾಗಲಿ ಎಂದು ಶುಭ ಕೋರಿದ್ದಾರೆ.

ಟೀಂ ಇಂಡಿಯಾ ಆರಂಭಿಕ ರೋಹಿತ್​ ಶರ್ಮಾ, ವೇಗಿ ಉಮೇಶ್​ ಯಾದವ್​​, ಆಲ್​ರೌಂಡರ್​ ಹರ್ಭಜನ್​ ಸಿಂಗ್​ ಸೇರಿದಂತೆ ಅನೇಕರು ನೂತನ ದಂಪತಿಗೆ ವಿಶ್​ ಮಾಡಿದ್ದಾರೆ.