Exclusive video- ಕಣ್ಣಿಗೆ ಕಣ್ಣು: ಕಾನ್ಪುರದಲ್ಲೇ ಕ್ರಿಮಿನಲ್​​​​ ಹೊಡೆದುರುಳಿಸಿದ ಪೊಲೀಸರು

8 ಪೊಲೀಸರನ್ನು ಸಾವಿಗೆ ಪ್ರಮುಖ ಕಾರಣವಾಗಿದ್ದ ಕ್ರಿಮಿನಲ್​ ವಿಕಾಸ್​ ದುಬೆಯನ್ನ ಪೊಲೀಸರು ಕಾನ್ಪುರದಲ್ಲೇ ಹೊಡೆದುರುಳಿಸಿದ್ದಾರೆ.

ಕಾನ್ಪುರ (ಉತ್ತರಪ್ರದೇಶ):ಮೋಸ್ಟ್​ ವಾಂಟೆಡ್​ ವಿಕಾಸ್​ ದುಬೆ ಮತ್ತು ಪೊಲೀಸರ ಮಧ್ಯೆ ಗುಂಡಿನ ಚಕಮಕಿ ನಡೆದಿದ್ದು, ಎನ್​ಕೌಂಟರ್​ನಲ್ಲಿ ವಿಕಾಸ್​ ದುಬೆಯನ್ನ ಹತ್ಯೆ ಮಾಡಲಾಗಿದೆ. ಈ ಮೂಲಕ ಉತ್ತರಪ್ರದೇಶ ಪೊಲೀಸರು ತಮ್ಮ 8 ಸಹೋದ್ಯೋಗಿಗಳ ಸಾವಿನ ಪ್ರತೀಕಾರ ತೀರಿಸಿಕೊಂಡಿದ್ದಾರೆ.

ಉಜ್ಜೈನಿಯಿಂದ ಇಂದು ಬೆಳಗ್ಗೆ 6 ಗಂಟೆಗೆ ಕಾನ್ಪುರ ದೆಹಾತ್​ಗೆ ಕರೆತರಲಾಗಿತ್ತು. ದೆಹಾತ್​ನಿಂದ ಕಾನ್ಪುರ್​ಗೆ ತೆರಳುವ ಸಂದರ್ಭದಲ್ಲಿ ದುಬೆ ಮತ್ತು ಪೊಲೀಸರಿರುವ ಕಾರು ಪಲ್ಟಿಯಾಗಿತ್ತು. ಈ ವೇಳೆ ಮೂವರು ಕಾನ್​ಸ್ಟೇಬಲ್​​​​​​​​​ ಸೇರಿದಂತೆ ವಿಕಾಸ್​ ದುಬೆಗೆ ಸ್ವಲ್ಪ ಗಾಯವಾಗಿತ್ತು ಎಂದು ವರದಿಯಾಗಿದೆ.

ಇನ್ನು ವಾಹನ ಪಲ್ಟಿಯಾದ ಸಮಯದಲ್ಲಿ ಪೊಲೀಸರಿಂದ ಗನ್​ ಕಿತ್ತುಕೊಂಡ ವಿಕಾಸ್​ ದುಬೆ ಪರಾರಿಯಾಗಲು ಯತ್ನಿಸಿದ್ದಾನೆ. ಈ ವೇಳೆ ಪೊಲೀಸರು ಮತ್ತು ವಿಕಾಸ್​ ದುಬೆ ನಡುವೆ ಗುಂಡಿನ ಚಕಮಕಿ ನಡೆದಿದೆ.

ಅರ್ಧ ಗಂಟೆಯವರೆಗೂ ನಡೆದ ಪೊಲೀಸರು ಮತ್ತು ವಿಕಾಸ್​ ದುಬೆ ನಡುವೆ ಗುಂಡಿನ ಚಕಮಕಿಯಲ್ಲಿ ಕೊನೆಗೂ ಮೋಸ್ಟ್​ ವಾಂಟೆಡ್​ ಕ್ರಿಮಿನಲ್​ ಹತನಾಗಿದ್ದಾನೆ. ಈ ಎನ್​ಕೌಂಟರ್​ನಲ್ಲಿ ಕೆಲ ಪೊಲೀಸರಿಗೂ ಗಾಯವಾಗಿರುವ ಸಾಧ್ಯತೆಗಳಿವೆ ಎನ್ನಲಾಗಿದೆ, ಇನ್ನಷ್ಟು ಮಾಹಿತಿ ಲಭ್ಯವಾಗಬೇಕಿದೆ.