ನವದೆಹಲಿ:ಭಾರತೀಯ ಬ್ಯಾಂಕ್ಗಳಿಗೆ ಬಹುಕೋಟಿ ರೂಪಾಯಿ ವಂಚಿಸಿರುವ ಆರೋಪ ಹೊತ್ತಿರುವ ವಿಜಯ್ ಮಲ್ಯ ಇದೀಗ ಟ್ವಿಟ್ಟಿಗರ ವಿರುದ್ಧ ಹರಿಹಾಯ್ದಿದ್ದಾರೆ.
ಖ್ಯಾತ ವೆಸ್ಟ್ ಇಂಡೀಸ್ ಕ್ರಿಕೆಟಿಗ ಗ್ರಿಸ್ ಗೇಲ್ ಜೊತೆಗಿನ ಫೋಟೋವನ್ನು ಪೋಸ್ಟ್ ಮಾಡಿದ್ದ ಮಲ್ಯ, ನನ್ನ ನೆಚ್ಚಿನ ಗೆಳೆಯ, ಯೂನಿವರ್ಸಲ್ ಬಾಸ್ ಎಂದೆಲ್ಲಾ ಕೊಂಡಾಡಿದ್ದರು.
ಇದಕ್ಕೆ ಟ್ವಿಟ್ಟಿಗರು ಮಲ್ಯರನ್ನು ಚೋರ್ ಎಂದು ರೀಟ್ವೀಟ್ ಮಾಡಿದ್ದರು. ಇಂತಹ ಟ್ವೀಟ್ಗಳಿಂದ ಕೋಪಗೊಂಡು ಮತ್ತೆ ಟ್ವೀಟ್ ಮಾಡಿರುವ ಮಲ್ಯ, ನನ್ನನ್ನು ಚೋರ್ ಎಂದು ಕರೆಯುವ ಮಂದಿ, ಕಳೆದ ಒಂದು ವರ್ಷದಿಂದ ಪೂರ್ತಿ ಹಣ ಕೊಡುತ್ತೇನೆಂದರೂ ಪಡೆಯದ ನಿಮ್ಮ ಬ್ಯಾಂಕ್ಗಳನ್ನೇ ಮೊದಲು ಪ್ರಶ್ನಿಸಿ. ಆಮೇಲೆ ಚೋರ್ ಯಾರೆಂದು ನಿರ್ಧರಿಸಿ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ನನ್ನನ್ನು ಚೋರ್ ಎಂದು ಕರೆಯುವುದನ್ನು ನಿಲ್ಲಿಸಿ. ಸತ್ಯಾಸತ್ಯತೆಯನ್ನು ಮೊದಲು ಅರಿಯಿರಿ. ನಾನು ಹೇಳುತ್ತಿದ್ದರೂ ನಿಮ್ಮ ಬ್ಯಾಂಕ್ಗಳೇಕೆ ಪೂರ್ತಿ ಸಾಲದ ಹಣ ಪಡೆಯುತ್ತಿಲ್ಲವೆಂದು ಕೇಳಿ ನೋಡಿ ಎಂದು ಬರೆದುಕೊಂಡಿದ್ದಾರೆ.
