ಚುಶುಲ್:ಇಂಡೋ-ಟಿಬೆಟಿಯನ್ ಬಾರ್ಡರ್ ಪೊಲೀಸ್ (ಐಟಿಬಿಪಿ) ಹಂಚಿಕೊಂಡಿರುವ ವಿಡಿಯೋವೊಂದರಲ್ಲಿ ಬಾಲಕನೊಬ್ಬ ಸೈನಿಕರಿಗೆ ಸೆಲ್ಯೂಟ್ ಹೊಡೆಯುವ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಯೋಧರಿಗೆ ಸೆಲ್ಯೂಟ್ ಹೊಡೆದ ಪೋರ... ನೆಟ್ಟಿಗರ ಮನ ಗೆದ್ದ ಚೋರ!
ಬೆಳೆಯುವ ಸಿರಿ ಮೊಳಕೆಯಲ್ಲಿ ಎಂಬುದಕ್ಕೆ ಈ ಬಾಲಕ ಸಾಕ್ಷಿಯಾಗಿದ್ದಾನೆ. ಎಳೆ ವಯಸ್ಸಿನಲ್ಲಿಯೇ ದೇಶ ಕಾಯುವ ಯೋಧರಿಗೆ ಸೆಲ್ಯೂಟ್ ಮಾಡಿರುವ ಈ ಪುಟಾಣಿ ಬಾಲಕನ ವಿಡಿಯೋ ಸದ್ಯ ವೈರಲ್ ಆಗಿದೆ.
ಸೈನ್ಯಕ್ಕೆ ಸೆಲ್ಯೂಟ್ ಹೊಡೆದ ಪೋರ
ಐಟಿಬಿಪಿಯ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಭದ್ರತಾ ಸಿಬ್ಬಂದಿ ಹಾದು ಹೋಗುವಾಗ ನಮಗ್ಯಾಲ್ ಎಂಬ ಹುಡುಗ ಲಡಾಖ್‌ನ ಲೇಹ್ ಜಿಲ್ಲೆಯ ಚುಶುಲ್‌ನಲ್ಲಿ ರಸ್ತೆ ಬದಿಯಲ್ಲಿ ನಿಂತು ದೇಶ ಕಾಯುವ ಯೋಧರಿಗೆ ಸೆಲ್ಯೂಟ್ ಹೊಡೆದಿದ್ದಾನೆ. ಈ ಪುಟ್ಟ ಪೋರನ ವಿಡಿಯೋ ನೋಡುಗರ ಗಮನ ಸೆಳೆಯುತ್ತಿದೆ.
ಭಾನುವಾರ ಪೋಸ್ಟ್ ಮಾಡಲಾದ ಈ ವಿಡಿಯೋ ಈಗಾಗಲೇ 13,000 ವೀಕ್ಷಣೆ ಗಳಿಸಿದೆ. ಮಾತ್ರವಲ್ಲದೆ ಅನೇಕ ಜನರ ಮನ ಗೆಲ್ಲುತ್ತಿದೆ.