ಆರು ಅಡಿ ಉದ್ದದ ಹಾವು ಕತ್ತರಿಸಿ, ಬೇಯಿಸಿ ಪಲ್ಯ ಮಾಡಿ ತಿಂದ್ರು... ವಿಡಿಯೋ ವೈರಲ್​​

ನಾಲ್ವರು ಯುವಕರು ಮೀನಿನ ರೀತಿಯಲ್ಲಿ ಆರು ಅಡಿ ಉದ್ದದ ಹಾವು ಕತ್ತರಿಸಿ, ಅದನ್ನ ಬೇಯಿಸಿ ಪಲ್ಯ ಮಾಡಿ ತಿಂದಿದ್ದಾರೆ.

ಸೇಲಂ(ತಮಿಳುನಾಡು):ಆರು ಅಡಿ ಉದ್ದದ ಹಾವು ಕತ್ತರಿಸಿ, ಬೇಯಿಸಿ ಪಲ್ಯ ಮಾಡಿ ತಿಂದಿರುವ ಘಟನೆ ತಮಿಳುನಾಡಿನ ಸೇಲಂನಲ್ಲಿ ನಡೆದಿದೆ. ಇದೀಗ ಅದರ ವಿಡಿಯೋ ಎಲ್ಲೆಡೆ ವೈರಲ್​ ಆಗುತ್ತಿದೆ.

ಸೇಲಂ ಜಿಲ್ಲೆಯ ಮೆಟ್ಟೂರು ಬಳಿಯ ತಂಗಪುರಿ ಪಟ್ಟಣದ ವನಪಾತ್ರ ಕಲಿಯಮ್ಮನ್​ ದೇವಸ್ಥಾನದಲ್ಲಿ ನಾಲ್ವರು ಯುವಕರು ಮೀನಿನ ರೀತಿಯಲ್ಲಿ ಆರು ಅಡಿ ಉದ್ದದ ಹಾವು ಕತ್ತರಿಸಿ, ಅದನ್ನ ಬೇಯಿಸಿ ಪಲ್ಯ ಮಾಡಿ ತಿಂದಿದ್ದಾರೆ. ಇದರ ವಿಡಿಯೋವನ್ನ ಸೆರೆ ಹಿಡಿದಿರುವ ಯುವಕನೋರ್ವ ಸ್ನೇಹಿತರಿಗೆ ಕಳುಹಿಸಿದ್ದಾನೆ. ಸದ್ಯ ಅದರ ವಿಡಿಯೋ ಎಲ್ಲೆಡೆ ವೈರಲ್​ ಆಗಿದೆ.

ಮಾಹಿತಿ ಗೊತ್ತಾಗುತ್ತಿದ್ದಂತೆ ಎಚ್ಚೆತ್ತುಕೊಂಡಿರುವ ಅರಣ್ಯ ಇಲಾಖೆ ಹಾವು ಬೇಯಿಸಿ ತಿಂದಿರುವ ಯುವಕರಿಗಾಗಿ ಶೋಧಕಾರ್ಯ ನಡೆಸುತ್ತಿದೆ. ಇದರ ಬಂದ ಓರ್ವ ವ್ಯಕ್ತಿಯನ್ನ ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.