ಹಸಿದ ಭಾರತೀಯರ ಸಹಾಯಕ್ಕೆ ನಿಂತಿದೆ ಅಮೆರಿಕದ ಸಂಸ್ಥೆ

ಉತ್ತರ ಪ್ರದೇಶದಲ್ಲಿ ಹಸಿದ ಜನರಿಗೆ ಆಹಾರ ಒದಗಿಸುತ್ತಿರುವ ಆಶ್ರಮವೊಂದಕ್ಕೆ ಅಮೆರಿಕ ಮೂಲಕದ ಸಂಸ್ಥೆ ಆರ್ಥಿಕ ಸಹಾಯ ನೀಡುತ್ತಿದೆ.

ಲಖನೌ (ಉತ್ತರ ಪ್ರದೇಶ): ಕೊರೊನಾ ವೈರಸ್​ನಿಂದ ಲಾಕ್​ಡೌನ್​ ಘೋಷಣೆ ಮಾಡಲಾಗಿದ್ದು ಅನೆಕ ದಿನಗೂಲಿ ನೌಕರರು, ವಲಸೆ ಕಾರ್ಮಿಕರು ಕೆಲಸ ಇಲ್ಲದೆ ತಮ್ಮ ಹಳ್ಳಿಗಳಿಗೆ ತೆರಳಳುತ್ತಿದ್ದಾರೆ. ಇಂಥ ಸಮಯದಲ್ಲಿ ಅಮೆರಿಕ ಮೂಲದ ಜಾಗತಿಕ ಖಾಸಗಿ ಹಣಕಾಸು ಸಂಸ್ಥೆ 'ಯುಎಸ್ ಕ್ಯಾಪಿಟಲ್ ಗ್ಲೋಬಲ್' ಗ್ರಾಮೀಣ ಭಾರತದ ಜನರಿಗೆ ಆಹಾರ ಒದಗಿಸುವ ತಳಮಟ್ಟದ ಸಂಸ್ಥೆಗಳಿಗೆ ಆರ್ಥಿಕವಾಗಿ ಸಹಾಯ ಮಾಡುತ್ತಿದೆ.

ಕ್ಯಾಲಿಫೋರ್ನಿಯಾ ಮೂಲದ ಬ್ರಜ್ ಭೂಮಿ ಗ್ರೂಪ್​ ಫೌಂಡೇಶನ್ ಮೂಲಕ ಯುಎಸ್ ಕ್ಯಾಪಿಟಲ್ ಗ್ಲೋಬಲ್, ಉತ್ತರ ಪ್ರದೇಶದ ರಾಧೆ ಕುಂಜ್ ಎಂಬ ಆಶ್ರಮಕ್ಕೆ ಸಹಾಯ ಮಾಡುತ್ತಿದೆ. ಈ ಆಶ್ರಮ ಯಾವುದೇ ಲಾಭದ ಉದ್ದೇಶವಿಲ್ಲದೆ ಕಷ್ಟದಲ್ಲಿ ಸಿಲುಕಿರುವ ಜನರ ಬೆಂಬಲಕ್ಕೆ ನಿಂತಿದೆ.

ರಾಧೆ ಕುಂಜ್ ಪ್ರತಿದಿನ ಅಗತ್ಯವಿರುವ ಜನರಿಗೆ ಉಚಿತವಾಗಿ ಆಹಾರವನ್ನು ವಿತರಿಸುತ್ತಿದೆ. ಲಾಕ್‌ಡೌನ್‌ನ ಪರಿಣಾಮವಾಗಿ ಯಾರೂ ಕೂಡ ಹಸಿವಿನಿಂದ ಇರಬಾರದೆಂದು ಇಂಥ ಕಾರ್ಯಕ್ಕೆ ಮುಂದಾಗಿದೆ.

ಕೊರೊನಾ ಸೊಂಕಿನ ಪರಿಣಾಮದಿಂದ ವಿಶ್ವದಾದ್ಯಂತ ಬಡ ಸಮುದಾಯ ಸಂಕಷ್ಟಕ್ಕೆ ಸಿಲುಕಿದೆ. ಪ್ರಸ್ತುತ ಸನ್ನಿವೇಶಗಳು ನಮ್ಮನ್ನು ಮಾನವರಾಗಿ ರೂಪುಗೊಳ್ಳಲು ಸಹಾಯಕವಾಗಿದ್ದು, ಈ ಸಮಯದಲ್ಲಿ ಅಪರಿಚಿತರಿಗೆ ಸಹಾಯ ಮಾಡಲು ಅನೇಕರಿಗೆ ಪ್ರೇರಣೆ ನೀಡಿದೆ ಎಂದು ಯುಎಸ್ ಕ್ಯಾಪಿಟಲ್ ಗ್ಲೋಬಲ್​ ಸಿಇಒ ಜೆಫ್ರಿ ಸ್ವೀನಿ ಹೇಳಿದ್ದಾರೆ.