ಗಾಜಿಯಾಬಾದ್:ಯೋಗಿ ಆದಿತ್ಯನಾಥ್ ನೇತೃತ್ವದ ಸರ್ಕಾರವು ಉತ್ತರಪ್ರದೇಶದಲ್ಲಿ ಇದೀಗ ಮತ್ತೊಂದು ಮಹತ್ವದ ನಿರ್ಧಾರ ಕೈಗೊಂಡಿದ್ದು ಸರ್ಕಾರಿ ಬಸ್ಗಳಲ್ಲಿ ಚಾಲಕಿಯರನ್ನು ನೇಮಕ ಮಾಡಿಕೊಳ್ಳಲು ನಿರ್ಧರಿಸಲಾಗಿದೆ.
ಯೋಗಿ ಸರ್ಕಾರದ ಮಹತ್ವದ ನಿರ್ಧಾರ: ಸರ್ಕಾರಿ ಬಸ್ಗಳಿಗೆ ಮಹಿಳಾ ಡ್ರೈವರ್ಗಳ ನೇಮಕ!
ಉತ್ತರಪ್ರದೇಶದಲ್ಲಿ ಸಂಚರಿಸುವ ಬಸ್ಗಳಲ್ಲಿ ಇನ್ಮುಂದೆ ಮಹಿಳಾ ಡ್ರೈವರ್ಗಳು ಸೇವೆ ಸಲ್ಲಿಸಲಿದ್ದು, ಅದಕ್ಕಾಗಿ ನಾಳೆ ಡ್ರೈವಿಂಗ್ ಟೆಸ್ಟ್ ನಡೆಸಲು ನಿರ್ಧರಿಸಲಾಗಿದೆ
women as bus drivers
ರಾಜ್ಯದಲ್ಲಿ ಸಂಚರಿಸುವ ಬಸ್ಗಳಿಗಾಗಿ ಚಾಲಕಿಯರನ್ನು ನೇಮಕ ಮಾಡಿಕೊಳ್ಳಲು ಕೌಶಂಬಿಯಲ್ಲಿ ನಾಳೆ ಡ್ರೈವಿಂಗ್ ಟೆಸ್ಟ್ ನಡೆಯಲಿದೆ. ಇಲ್ಲಿ ಆಯ್ಕೆಯಾಗುವ ಮಹಿಳೆಯರು ಮೊದಲು ಗಾಜಿಯಾಬಾದ್ನ ವಿವಿಧ ಜಿಲ್ಲೆಗಳಲ್ಲಿ ಸಂಚರಿಸುವ ಬಸ್ಗಳಲ್ಲಿ ಡ್ರೈವರ್ ಆಗಿ ಸೇವೆ ಸಲ್ಲಿಸಲಿದ್ದಾರೆ.
ಇದೇ ವಿಷಯವಾಗಿ ಈಟಿವಿ ಭಾರತ ಜತೆ ಮಾತನಾಡಿರುವ ಗಾಜಿಯಾಬಾದ್ ಬಸ್ ಡಿಪೋ ಮ್ಯಾನೇಜರ್, ಇದೇ ಮೊದಲ ಬಾರಿಗೆ ಇಂತಹ ಯೋಜನೆ ಜಾರಿಗೊಳಿಸಲು ನಾವು ಮುಂದಾಗಿದ್ದೇವೆ ಎಂದಿದ್ದಾರೆ. ನಿರ್ಭಯಾ ಫಂಡ್ನಲ್ಲಿ ಖರೀದಿ ಮಾಡಲಾಗಿರುವ ಬಸ್ಗಳ ಡ್ರೈವರ್ಗಳಾಗಿ ಮಹಿಳೆಯರು ನೇಮಕಗೊಳ್ಳಲಿದ್ದು, ಬಸ್ ಡ್ರೈವಿಂಗ್ ವೇಳೆ ಎಲ್ಲ ರೀತಿಯ ಸುರಕ್ಷತಾ ಕ್ರಮ ಕೈಗೊಳ್ಳಲು ಈಗಾಗಲೇ ನಿರ್ಧರಿಸಲಾಗಿದೆ ಎಂದು ತಿಳಿಸಿದ್ದಾರೆ.