ಹಥ್ರಾಸ್​ ಅತ್ಯಾಚಾರ ಕೇಸ್​: ಎಸ್​​ಪಿ, ಡಿಎಸ್​ಪಿ,ಇನ್ಸ್​ಪೆಕ್ಟರ್​ ಸೇರಿ ಹಲವು ಅಧಿಕಾರಿಗಳು ಸಸ್ಪೆಂಡ್​​

ಹಥ್ರಾಸ್​ ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಯೋಗಿ ಆದಿತ್ಯನಾಥ್​ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದ್ದು, ಕೆಲ ಅಧಿಕಾರಿಗಳನ್ನ ಅಮಾನತು ಮಾಡಿ ಆದೇಶ ಹೊರಹಾಕಿದೆ.

ಲಖನೌ( ಉತ್ತರಪ್ರದೇಶ): ಉತ್ತರ ಪ್ರದೇಶದ ಹಥ್ರಾಸ್​ನಲ್ಲಿ ನಡೆದಿರುವ ಅತ್ಯಾಚಾರ ಪ್ರಕರಣಕ್ಕೆ ದೇಶಾದ್ಯಂತ ವ್ಯಾಪಕ ಆಕ್ರೋಶ ವ್ಯಕ್ತವಾಗುತ್ತಿದ್ದಂತೆ ಯೋಗಿ ಆದಿತ್ಯನಾಥ್​ ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಸ್​ಪಿ, ಡಿಎಸ್​ಪಿ, ಇನ್ಸ್​ಪೆಕ್ಟರ್​ ಹಾಗೂ ಕೆಲ ಅಧಿಕಾರಿಗಳನ್ನ ಅಮಾನತು ಮಾಡಿ ಆದೇಶ ಹೊರಹಾಕಿದೆ. ಪ್ರಕರಣದಲ್ಲಿ ಕೆಲವು ಅಧಿಕಾರಿಗಳು ವಿಳಂಬ ಹಾಗೂ ನಿರ್ಲಕ್ಷ್ಯ ತೋರಿದ್ದಾರೆ ಎಂದು ಕಂಡು ಬಂದಿರುವ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಿಳಿದು ಬಂದಿದೆ.

ಪೊಲೀಸ್ ಅಧಿಕ್ಷಕ ವಿಕ್ರಾಂತ್​ ವೀರ್​, ಜಿಲ್ಲಾ ಮ್ಯಾಜಿಸ್ಟ್ರೇಟ್​​ ರಾಮ್​​ ಶಾಬ್ದಾ, ಇನ್ಸ್​ಪೆಕ್ಟರ್​​ ದಿನೇಶ್​ ಕುಮಾರ್​ ವರ್ಮಾ, ಹಿರಿಯ ಸಬ್​ ಇನ್ಸ್​ಪೆಕ್ಟರ್​ ಜಗ್ವೀರ್​ ಸಿಂಗ್​ ಮತ್ತು ಹೆಡ್​ ಕಾನ್ಸ್​ಟೆಬಲ್​​ ಮೊಹರಿರ್​ ಮಹೇಶ್​ ಪಾಲ್​ ಅಮಾನತುಗೊಂಡಿದ್ದಾರೆ.

ಇದರ ಜತೆಗೆ ಪೊಲೀಸ್ ಠಾಣೆಯ ಎಲ್ಲ ಸಿಬ್ಬಂದಿಗಳಿಗೂ ನಾರ್ಕೋ ಪಾಲಿಗ್ರಫಿ​ ಟೆಸ್ಟ್​ ಮಾಡಿಸಲು ಯೋಗಿ ಸರ್ಕಾರ ನಿರ್ಧರಿಸಿದೆ. ಈ ಮೂಲಕ ದೇಶಾದ್ಯಂತ ಹೊತ್ತಿರುವ ಪ್ರತಿಭಟನೆಯ ಕಾವನ್ನ ತಣ್ಣಗೆ ಮಾಡಲು ಯೋಗಿ ಸರ್ಕಾರ ಮುಂದಾಗಿದೆ.