ಹೈದರಾಬಾದ್ :ಸಿನ್ಸಿನ್ನಾಟಿ ವಿಶ್ವವಿದ್ಯಾಲಯದ ಜೊತೆಗೆ ಮೂರು ಇಟಾಲಿಯನ್ ಸಂಸ್ಥೆಗಳು ಸೇರಿ ಕೊರೊನಾ ರೋಗಿಗಳ ನ್ಯೂರೋಇಮೇಜಿಂಗ್ ಮತ್ತು ನರವೈಜ್ಞಾನಿಕ ಲಕ್ಷಣಗಳ ಬಗ್ಗೆ ಸಂಶೋಧನೆ ನಡೆಸಿದ್ದಾರೆ. ಇದು ಕೇಂದ್ರ ನರಮಂಡಲದ ಮೇಲೆ ವೈರಸ್ ಪ್ರಭಾವದ ಬಗ್ಗೆ ಬೆಳಕು ಚೆಲ್ಲುತ್ತದೆ.
ಕೋವಿಡ್-19 ರೋಗಿಗಳಲ್ಲಿ ಬದಲಾದ ಮಾನಸಿಕ ಸ್ಥಿತಿ ಮತ್ತು ಪಾರ್ಶ್ವವಾಯು ಸಾಮಾನ್ಯ ನರವೈಜ್ಞಾನಿಕ ಲಕ್ಷಣಗಳಾಗಿವೆ ಎಂದು ರೇಡಿಯಾಲಜಿ ಜರ್ನಲ್ ಬಹಿರಂಗಪಡಿಸಿದೆ.
"ಅಧ್ಯಯನಗಳು ಕೋವಿಡ್-19 ಎದೆಯ ಚಿತ್ರಣ ವೈಶಿಷ್ಟ್ಯಗಳ ವರ್ಣಪಟಲವನ್ನು ವಿವರಿಸಿದೆ. ಆದರೆ, ಕೆಲವೇ ಪ್ರಕರಣಗಳ ವರದಿ ಮಾತ್ರ ಕೊರೊನಾ ಸಂಬಂಧಿತ ನ್ಯೂರೋ ಇಮೇಜಿಂಗ್ ಸಂಶೋಧನೆಗಳನ್ನು ವಿವರಿಸಿದೆ" ಎಂದು ವಿಕಿರಣಶಾಸ್ತ್ರ ಸಹಾಯಕ ಪ್ರಾಧ್ಯಾಪಕ ಅಬ್ದೆಲ್ಕಾಡರ್ ಮಹಮ್ಮಡಿ ಹೇಳುತ್ತಾರೆ.
ಕೋವಿಡ್-19 ರೋಗಿಗಳಲ್ಲಿನ ನರವೈಜ್ಞಾನಿಕ ಲಕ್ಷಣಗಳು ಮತ್ತು ನ್ಯೂರೋಇಮೇಜಿಂಗ್ ವೈಶಿಷ್ಟ್ಯಗಳನ್ನು ನಿರೂಪಿಸುವ ಅತಿದೊಡ್ಡ ಮತ್ತು ಮೊದಲ ಅಧ್ಯಯನವಾಗಿದೆ. ಹೊಸದಾಗಿ ಕಂಡುಹಿಡಿದ ಈ ಮಾದರಿಗಳು ವೈದ್ಯರಿಗೆ ಉತ್ತಮ ಮತ್ತು ಶೀಘ್ರದಲ್ಲೇ ಕೋವಿಡ್-19ನೊಂದಿಗಿನ ಸಂಬಂಧಗಳನ್ನು ಗುರುತಿಸಲು ಸಹಾಯ ಮಾಡುತ್ತದೆ ಹಾಗೂ ಹಿಂದಿನ ಮಧ್ಯಸ್ಥಿಕೆಯನ್ನು ಒದಗಿಸುತ್ತದೆ ”ಎಂದು ಪ್ರಾಧ್ಯಾಪಕ ಮಹಮ್ಮಡಿ ಹೇಳಿದರು.
ಬ್ರೆಸಿಯಾ ವಿಶ್ವವಿದ್ಯಾಲಯ, ಈಸ್ಟರ್ನ್ ಪೀಡ್‌ಮಾಂಟ್ ವಿಶ್ವವಿದ್ಯಾಲಯ ಮತ್ತು ಇಟಲಿಯ ಸಸ್ಸಾರಿ ವಿವಿಯ ಸಂಶೋಧಕರು ಒಂದು ಅಧ್ಯಯನವನ್ನು ನಡೆಸಿದರು. ಇದರಲ್ಲಿ ಅವರು ರೋಗಿಗಳಲ್ಲಿ ನರವೈಜ್ಞಾನಿಕ ಲಕ್ಷಣಗಳು ಮತ್ತು ಇಮೇಜಿಂಗ್ ಸಂಶೋಧನೆಗಳನ್ನು ತನಿಖೆ ಮಾಡಿದರು. ಕೋವಿಡ್-19 ಹರಡುವಿಕೆಯ 2ನೇ ಕೇಂದ್ರಬಿಂದು ಇಟಲಿಯಾಗಿದೆ. ಇದರ ಪರಿಣಾಮವಾಗಿ 30,000ಕ್ಕೂ ಹೆಚ್ಚು ಸಾವು ಸಂಭವಿಸಿದವು.
ಕೋವಿಡ್-19 ಸೋಂಕು ದೃಢಪಟ್ಟ 725 ರೋಗಿಗಳ ಮೇಲೆ ಈ ಅಧ್ಯಯನ ನಡೆಸಲಾಯಿತು. ಇದರಲ್ಲಿ 108 (15%) ಗಂಭೀರ ನರವೈಜ್ಞಾನಿಕ ಲಕ್ಷಣಗಳನ್ನು ಹೊಂದಿದ್ದರು. ಮೆದುಳು ಹಾಗೂ ಬೆನ್ನುಮೂಳೆಯ ತೊಂದರೆ ಕೂಡ ಅನುಭವಿಸುತ್ತಿದ್ದರು. ಶೇ.99ರಷ್ಟು ರೋಗಿಗಳು ಮೆದುಳಿನ ಸಿಟಿ ಸ್ಕ್ಯಾನ್‌ಗಳನ್ನು ಹೊಂದಿದ್ದರೆ, ಶೇ.16 ರಷ್ಟು ಜನರು ತಲೆ ಮತ್ತು ಕುತ್ತಿಗೆ ಸಿಟಿ ಇಮೇಜಿಂಗ್ ಹೊಂದಿದ್ದರು. ಶೇ.18ರಷ್ಟು ಜನ ಮೆದುಳಿನ ಎಂಆರ್‌ಐ ಹೊಂದಿದ್ದಾರೆ. ಫೆಬ್ರವರಿ 29 ಮತ್ತು ಏಪ್ರಿಲ್ 4 ರ ನಡುವೆ ದಾಖಲಾದ ಕೊರೊನಾ ಸೋಂಕಿತ ರೋಗಿಗಳ ಮೇಲೆ ಈ ಅಧ್ಯಯನ ನಡೆಸಲಾಯಿತು.
ಶೇ. 59ರಷ್ಟು ರೋಗಿಗಳ ಮಾನಸಿಕ ಸ್ಥಿತಿ ಬದಲಾಗಿತ್ತು. ಶೇ.31% ರೋಗಿಗಳು ಪಾರ್ಶ್ವವಾಯು ಸಮಸ್ಯೆ ಹೊಂದಿದ್ದರು. ಶೇ.12%ರಷ್ಟು ಜನ ತಲೆನೋವು, ಸೆಳವು (9%) ಮತ್ತು ತಲೆತಿರುಗುವಿಕೆ (4%) ಇತರ ರೋಗಲಕ್ಷಣಗಳು ವರದಿಯಾಗಿವೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಹಿರಿಯ ನಾಗರಿಕರಲ್ಲಿ ಬದಲಾದ ಮಾನಸಿಕ ಸ್ಥಿತಿ ಹೆಚ್ಚು ಸಾಮಾನ್ಯವಾಗಿತ್ತು ಎಂದು ಹೇಳುತ್ತಾರೆ.
"ಪ್ರಸ್ತುತ ಕೋವಿಡ್-19 ರೋಗಿಗಳಲ್ಲಿನ ನರವೈಜ್ಞಾನಿಕ ರೋಗಲಕ್ಷಣಗಳ ಬಗ್ಗೆ ನಮಗೆ ಸರಿಯಾದ ತಿಳುವಳಿಕೆ ಇಲ್ಲ. ಇವುಗಳು ಗಂಭೀರ ಕಾಯಿಲೆಯಿಂದ ಉಂಟಾಗುತ್ತವೆಯೇ ಅಥವಾ SARS-CoV-2ನ ನೇರ ಕೇಂದ್ರ ನರಮಂಡಲದ ಆಕ್ರಮಣದಿಂದ ಉಂಟಾಗಿದೆಯಾ. ಈ ವಿಷಯದ ಕುರಿತು ಹೆಚ್ಚಿನ ವಿಷಯವನ್ನು ಅಧ್ಯಯನ ಬಹಿರಂಗಪಡಿಸಲಿದೆ ”ಎಂದು ಮಹಮ್ಮಡಿ ಹೇಳಿದರು.
