ಕಾನ್ಪುರ (ಉತ್ತರ ಪ್ರದೇಶ):ರೌಡಿಗಳು 8 ಪೊಲೀಸರನ್ನು ಹತ್ಯೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ಸಬ್ಇನ್ಸ್ಪೆಕ್ಟರ್ ಹಾಗೂ ಮೂವರು ಕಾನ್ಸ್ಟೇಬಲ್ಗಳನ್ನ ಕರ್ತವ್ಯದಿಂದ ಅಮಾನತುಗೊಂಡಿದ್ದಾರೆ.
ಮೂಲಗಳ ಮಾಹಿತಿಯಂತೆ ಈ ಪೊಲೀಸ್ ಸಿಬ್ಬಂದಿ ಕುಖ್ಯಾತ ರೌಡಿ ಹಾಗೂ ಎನ್ಕೌಂಟರ್ಗೆ ಕಾರಣಕರ್ತನಾದ ವಿಕಾಸ್ ದುಬೆಯೊಂದಿಗೆ ಫೋನ್ ಮೂಲಕ ಸಂಪರ್ಕದಲ್ಲಿದ್ದರೆಂದು ಹೇಳಲಾಗಿದೆ.
ಸಬ್ ಇನ್ಸ್ಪೆಕ್ಟರ್ಗಳಾದ ಕುನ್ವಾರ್ ಪಾಲ್, ಕೃಷ್ಣಕುಮಾರ್ ಹಾಗೂ ಕಾನ್ಸ್ಟೇಬಲ್ ರಾಜೀವ್ ಅಮಾನತುಗೊಂಡವರಾಗಿದ್ದಾರೆ.
ಜುಲೈ 2ರ ರಾತ್ರಿ ಚೌಬೇಪುರ ಪೊಲೀಸ್ ಠಾಣಾ ಪ್ರದೇಶದಲ್ಲಿ ಸುಮಾರು 60 ಕ್ರಿಮಿನಲ್ ಕೇಸ್ಗಳನ್ನು ಹೊಂದಿರುವ ವಿಕಾಸ್ ದುಬೆಯನ್ನು ಬಂಧಿಸಲು ತೆರಳಿದ್ದ ವೇಳೆ ಎನ್ಕೌಂಟರ್ ನಡೆದಿತ್ತು. ಈ ವೇಳೆ, ಡೆಪ್ಯುಟಿ ಎಸ್ಪಿ ದೇವೇಂದ್ರ ಮಿಶ್ರಾ, ಮೂವರು ಸಬ್ ಇನ್ಸ್ಪೆಕ್ಟರ್ಗಳು ಹಾಗೂ ನಾಲ್ವರು ಕಾನ್ಸ್ಟೇಬಲ್ಗಳು ಸೇರಿ 8 ಮಂದಿ ಪೊಲೀಸರು ಹುತಾತ್ಮರಾಗಿದ್ದರು.
ಇದನ್ನು ಡಿಐಜಿ ಹಂತದಲ್ಲಿ ತನಿಖೆ ನಡೆಸಿ ರೌಡಿ ವಿಕಾಸ್ ದುಬೆಯನ್ನು ಸೆರೆ ಹಿಡಿಯಲು ಸಾಕಷ್ಟು ಯೋಜನೆಗಳನ್ನು ಪೊಲೀಸರು ರೂಪಿಸಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ಆತನ ಭಾವಚಿತ್ರವನ್ನು ಅಂಟಿಸಿ ಸಾರ್ವಜನಿಕರ ಸಹಾಯ ಕೋರಲಾಗಿದೆ.
