ಭಾರಿ ಮಳೆಗೆ ಕುಸಿದ ಮನೆ: ಅಪ್ಪನೊಂದಿಗೆ ಇಬ್ಬರು ಮಕ್ಕಳು ಬಲಿ

ಚೈಸರ್ ಗ್ರಾಮದಲ್ಲಿ ಮುಂಜಾನೆ 3 ಗಂಟೆಯ ಸುಮಾರಿಗೆ ಮನೆ ಕುಸಿದಿದ್ದು, ಮಾಲೀಕ ಕುಶಾಲ್ ನಾಥ್ ಹಾಗೂ ಅವರ ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದಾರೆ. ಈ ವೇಳೆ ಮನೆಯ ಅವಶೇಷಗಳಡಿ ಸಿಕ್ಕಿ ಜೀವನ್ಮರಣದ ಮಧ್ಯೆ ಹೋರಾಡುತ್ತಿದ್ದ ಪತ್ನಿಯನ್ನು ರಕ್ಷಣಾ ಸಿಬ್ಬಂದಿ ರಕ್ಷಿಸಿದ್ದಾರೆ.

ಪಿಥೋರ್​ಗಢ (ಉತ್ತರಾಖಂಡ):ಪಿಥೋರ್​ಗಢ ಜಿಲ್ಲೆಯಲ್ಲಿ ಶುಕ್ರವಾರ ಮುಂಜಾನೆ ಸುರಿದ ಜೋರು ಮಳೆಯಿಂದಾಗಿ ಮನೆ ಕುಸಿದು ತಂದೆ ಮತ್ತು ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದಾರೆ.

ಚೈಸರ್ ಗ್ರಾಮದಲ್ಲಿ ಮುಂಜಾನೆ ಮೂರು ಗಂಟೆಯ ಸುಮಾರಿಗೆ ಮನೆ ಕುಸಿದಿತ್ತು. ಈ ವೇಳೆ, ಮನೆಯೊಳಗಿದ್ದ ಕುಶಾಲ್ ನಾಥ್ ಹಾಗೂ ಅವರ ಇಬ್ಬರು ಅಸುನೀಗಿದ್ದಾರೆ. ಕುಶಾಲ್ ನಾಥ್ ಪತ್ನಿ ತೀವ್ರ ಗಾಯಗೊಂಡಿದ್ದಾರೆ ಎಂದು ಜಿಲ್ಲಾಧಿಕಾರಿ ವಿ.ಕೆ.ಜೋಗ್​ದಂಡೆ ತಿಳಿಸಿದ್ದಾರೆ. ಮನೆ ಹಳೆಯದಾಗಿದ್ದರಿಂದ ಮಳೆಗೆ ಕುಸಿದಿದೆ.

ಎಸ್‌ಡಿಆರ್‌ಎಫ್ ಮತ್ತು ಪೊಲೀಸ್ ತಂಡಗಳು ಘಟನಾ ಸ್ಥಳದಲ್ಲಿ ರಕ್ಷಣಾ ಕಾರ್ಯಾಚರಣೆ ನಡೆಸಿವೆ.