ಕೊರೊನಾ ಎಫೆಕ್ಟ್.. 20 ವರ್ಷದೊಳಗಿನ ಎಲ್ಲರೂ ಮನೆಯೊಳಗೇ ಇರಲು ಟರ್ಕಿ ಸರ್ಕಾರ ಆದೇಶ..

ಕೊರೊನಾ ಹರಡದಂತೆ ಕಟ್ಟುನಿಟ್ಟಿನ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ. ಇದರ ಜೊತೆಗೆ ಇಸ್ತಾಂಬೂಲ್​ ಹಾಗೂ ಅಂಕಾರಾ ಸೇರಿ 31 ನಗರಗಳ ಮಾರ್ಗವನ್ನೂ ಕೂಡಾ ಬಂದ್ ಮಾಡಲಾಗಿದೆ.

ಇಸ್ತಾಂಬೂಲ್​​ (ಟರ್ಕಿ): 20ವರ್ಷದೊಳಗಿನ ಎಲ್ಲರೂ ಕಡ್ಡಾಯವಾಗಿ ಮನೆಯೊಳಗಿರಬೇಕೆಂದು ಟರ್ಕಿ ಅಧ್ಯಕ್ಷ ರೆಸೆಪ್​ ತಯ್ಯಿಪ್‌ ಎರ್ಡೋಗನ್​ ಆದೇಶ ಹೊರಡಿಸಿದ್ದಾರೆ. ಕೊರೊನಾ ಹರಡುವ ಭೀತಿ ಹಿನ್ನೆಲೆಯಲ್ಲಿ ಈ ಕ್ರಮಕೈಗೊಳ್ಳಲಾಗಿದೆ. ಮಧ್ಯರಾತ್ರಿಯಿಂದಲೇ ಆದೇಶ ಜಾರಿಗೆ ಬಂದಿದೆ. ಕೊರೊನಾ ಹರಡದಂತೆ ಕಟ್ಟುನಿಟ್ಟಿನ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ. ಇದರ ಜೊತೆಗೆ ಇಸ್ತಾಂಬೂಲ್​ ಹಾಗೂ ಅಂಕಾರಾ ಸೇರಿ 31 ನಗರಗಳ ಮಾರ್ಗವನ್ನೂ ಕೂಡಾ ಬಂದ್ ಮಾಡಲಾಗಿದೆ.

ವಾಹನಗಳಿಗೆ ಈ ನಗರಗಳ ಪ್ರವೇಶವನ್ನು 15 ದಿನಗಳ ಕಾಲ ನಿರ್ಬಂಧಿಲಾಗಿದೆ. 65 ವರ್ಷ ಮೇಲ್ಪಟ್ಟ ವೃದ್ಧರೂ ಹಾಗೂ ಇತರ ರೋಗಗಳಿಂದ ಬಳಲುತ್ತಿರುವವರೂ ಕೂಡಾ ಸರ್ಕಾರದ ಆದೇಶ ಪಾಲಿಸಬೇಕೆಂದು ಸೂಚನೆ ನೀಡಲಾಗಿದೆ.