ಭಾರತೀಯ ಸೇನೆಗೆ ನಾರಿ ಬಲ... 'ಮೊದಲ ಬ್ಯಾಚ್​ ತರಬೇತಿ ಶುರು'- ಸೇನಾ ಮುಖ್ಯಸ್ಥ

ಪ್ರಸ್ತುತ ಸೈನ್ಯದ ವೈದ್ಯಕೀಯ, ಕಾನೂನು, ಶೈಕ್ಷಣಿಕ, ಸಂಕೇತಗಳು ಮತ್ತು ಎಂಜಿನಿಯರಿಂಗ್ ವಿಭಾಗಗಳಂತಹ ಆಯ್ದ ಕ್ಷೇತ್ರಗಳಲ್ಲಿ ಮಾತ್ರವೇ ಮಹಿಳೆಯರಿಗೆ ಅವಕಾಶವಿದೆ. '100 ಮಹಿಳಾ ಸಿಬ್ಬಂದಿಯ ಮೊದಲ ಬ್ಯಾಚ್‌ಗೆ ತರಬೇತಿಯು ಜನವರಿ 6ರಿಂದ ಆರಂಭವಾಗಿದೆ' ಎಂದು ಸೇನಾ ಮುಖ್ಯಸ್ಥ ಜನರಲ್ ಮನೋಜ್ ಮುಕುಂದ್ ನಾರವಾನೆ ತಿಳಿಸಿದ್ದಾರೆ.

ನವದೆಹಲಿ:ದೇಶದ ಇತಿಹಾಸದಲ್ಲಿ ಇದೇ ಪ್ರಥಮ ಬಾರಿಗೆ ಮಿಲಿಟರಿ ಪೊಲೀಸ್‌ ಸೇವೆಗೆ ಮಹಿಳೆಯರನ್ನು ನೇಮಿಸಿಕೊಳ್ಳಲಾಗಿದ್ದು, '100 ಮಹಿಳಾ ಸಿಬ್ಬಂದಿಯ ಮೊದಲ ಬ್ಯಾಚ್‌ಗೆ ತರಬೇತಿಯು ಜನವರಿ 6ರಿಂದ ಆರಂಭವಾಗಿದೆ' ಎಂದು ಸೇನಾ ಮುಖ್ಯಸ್ಥ ಜನರಲ್ ಮನೋಜ್ ಮುಕುಂದ್ ನಾರವಾನೆ ತಿಳಿಸಿದ್ದಾರೆ.

ಐತಿಹಾಸಿಕ ನಿರ್ಧಾರ ಎಂಬಂತೆ ಸೇನೆಯು ಕಳೆದ ವರ್ಷ ಮಿಲಿಟರಿ ಪೊಲೀಸ್​ ಸೇವೆಗೆ ಮಹಿಳೆಯರನ್ನು ಸೇರಿಸುವ ಪ್ರಕ್ರಿಯೆ ಆರಂಭಿಸಲಾಯಿತು. ಸುಮಾರು ಎರಡು ವರ್ಷಗಳ ನಂತರ ಸೇನಾ ಮುಖ್ಯಸ್ಥ ಜನರಲ್ ಬಿಪಿನ್ ರಾವತ್ ಅವರು ಮಹಿಳೆಯರನ್ನು ನೇಮಕ ಮಾಡಿಕೊಳ್ಳುವುದಾಗಿ ಹೇಳಿದ್ದರು.

ಸೇನಾ ದಿನಾಚರಣೆಯ ಮುನ್ನ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಮಹಿಳೆಯರಿಗೆ ಯಾವಾಗ ಯುದ್ಧ ನಿರ್ವಹಣೆಯ ಸ್ಥಾನಗಳನ್ನು ನೀಡಲಾಗುವುದು ಎಂಬ ಪ್ರಶ್ನೆಗೆ ನಾರವಾನೆ ಅವರು ನೇರವಾಗಿ ಉತ್ತರಿಸಲಿಲ್ಲ. 'ಮಿಲಿಟರಿ ಪೊಲೀಸರ ಪ್ರವೇಶಕ್ಕಾಗಿ 100 ಮಹಿಳಾ ಸಿಬ್ಬಂದಿಯ ಮೊದಲ ಬ್ಯಾಚ್‌ಗೆ ತರಬೇತಿಯು ಜನವರಿ 6ರಿಂದ ಆರಂಭವಾಗಿದೆ' ಎಂದಷ್ಟೇ ಹೇಳಿದರು.

ಪ್ರಸ್ತುತ ಸೈನ್ಯದ ವೈದ್ಯಕೀಯ, ಕಾನೂನು, ಶೈಕ್ಷಣಿಕ, ಸಂಕೇತಗಳು ಮತ್ತು ಎಂಜಿನಿಯರಿಂಗ್ ವಿಭಾಗಗಳಂತಹ ಆಯ್ದ ಕ್ಷೇತ್ರಗಳಲ್ಲಿ ಮಾತ್ರವೇ ಮಹಿಳೆಯರಿಗೆ ಅವಕಾಶವಿದೆ.