ನೂತನ ಮೋಟಾರು ವಾಹನ ಕಾಯ್ದೆ... ಶುಲ್ಕ ಭರಿಸಲಾಗದೆ ಬೈಕ್ ಸುಟ್ಟ ಭೂಪ!

ಮಧ್ಯ ಸೇವಿಸಿ ಬೈಕ್​ ಚಾಲನೆ ಮಾಡುತ್ತಿದ್ದ ಯುವಕ ಟ್ರಾಫಿಕ್​ ಪೊಲೀಸರು ವಿಧಿಸಿದ ಭಾರೀ ದಂಡದಿಂದ ಕಂಗಾಲಾಗಿ ಬೈಕ್​ ಸುಟ್ಟುಹಾಕಿದ್ದಾನೆ ಎಂದು ಹೇಳಲಾಗುತ್ತಿದೆ.

ನವದೆಹಲಿ:ಮಧ್ಯ ಸೇವಿಸಿ ಬೈಕ್​ ಚಾಲನೆ ಮಾಡುತ್ತಿದ್ದ ಯವಕನನ್ನ ತಡೆದು ಪೊಲೀಸರು ದಂಡ ವಿದಿಸಿದ್ದಾರೆ. ಬೈಕ್​ ಬೆಲೆಗಿಂತ ಹೆಚ್ಚಿನ ಮೊತ್ತ ದಂಡ ವಿಧಿಸಿದ್ದಾರೆ ಎಂದು ಯುವಕ ತನ್ನ ಬೈಕ್​ಗೆ ಬೆಂಕಿ ಹಚ್ಚಿ ಸುಟ್ಟುಹಾಕಿದ್ದಾನೆ ಎಂದು ಹೇಳಲಾಗುತ್ತಿದೆ.

ಮಾಲ್ವಿಯಾ ನಗರ ಪೊಲೀಸ್ ಠಾಣೆ ವ್ಯಪ್ತಿಯಲ್ಲಿ ರಾಕೇಶ್ ಎಂಬ ಯುವಕ ಮಧ್ಯ ಸೇವಿಸಿ ಬೈಕ್​ ಚಲಾಯಿಸಿಕೊಂಡು ಬಂದಿದ್ದಾನೆ. ಯುವಕನ್ನ ತಡೆದ ಪೊಲೀಸರು ಶುಲ್ಕ ವಿದಿಸಿ ಚಲನ್ ಹರಿದಿದ್ದಾರೆ. ಕೂಡಲೆ ರಾಕೇಶ್​ ತನ್ನ ದ್ವಿಚಕ್ರ ವಾಹನಕ್ಕೆ ಬೆಂಕಿ ಹಚ್ಚಿದ್ದಾನೆ ಎಂದು ಸ್ಥಳೀಯರು ಹೇಳಿದ್ದಾರೆ.

ಕೂಡಲೆ ಸ್ಥಳಕ್ಕೆ ಬಂದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ. ಸ್ಥಳೀಯರ ಮಾಹಿತಿಯಂತೆ ಬಾರೀ ಶುಲ್ಕಕ್ಕೆ ಹೆದರಿ ಯುವಕ ಬೆಂಕಿ ಹಚ್ಚಿದ್ದಾನೆ ಎದು ಹೇಳಲಾಗಿದ್ದು, ಅಧಿಕೃತವಾಗಿ ತಿಳಿಸಿಲ್ಲ. ಈ ಬಗ್ಗೆ ದೂರು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.