ದೇಶ ಉಳಿಸಲು ಯಾವುದೇ ತ್ಯಾಗಕ್ಕೂ ಸಿದ್ಧನಿದ್ದೇನೆ: ಟಿಕ್​ಟಾಕರ್ ಹೃತಿಕ್ ಶರ್ಮಾ

ಜಹಾಂಗೀರ್‌ಪುರದ ಟಿಕ್​ಟಾಕ್  ಖ್ಯಾತಿಯ ಹೃತಿಕ್ ಶರ್ಮಾ ಅವರು ಭಾರತೀಯ ಆ್ಯಪ್​ಗಳನ್ನು ಬಳಸುವಂತೆ ಜನರಿಗೆ ಮನವಿ ಮಾಡಿದ್ದಾರೆ.

ನವದೆಹಲಿ:ಟಿಕ್​ಟಾಕ್ ಸೇರಿದಂತೆ ಹಲವು ಚೀನೀ ಆ್ಯಪ್‌ಗಳನ್ನು ಭಾರತ ಸರಕಾರ ನಿಷೇಧಿಸಿದೆ. ಈ ನಿಷೇಧವನ್ನು ಜನರು ಬೆಂಬಲಿಸಿದ್ದಾರೆ.

ಜಹಾಂಗೀರ್‌ಪುರದ ಟಿಕ್​ಟಾಕ್ ಖ್ಯಾತಿಯ ಹೃತಿಕ್ ಶರ್ಮಾ ಅವರು ಭಾರತೀಯ ಆ್ಯಪ್​ಗಳನ್ನು ಬಳಸುವಂತೆ ಜನರಿಗೆ ಮನವಿ ಮಾಡಿದ್ದಾರೆ. ಜನರು ಭಾರತದಲ್ಲಿ ತಯಾರಿಸಿದ ಆ್ಯಪ್​ಗಳನ್ನು ಹೆಚ್ಚು - ಹೆಚ್ಚು ಬಳಸಬೇಕು, ವಿದೇಶಿ ಆ್ಯಪ್​ಗಳಿಗೆ ಲಾಭ ನೀಡುವ ಬದಲು ಭಾರತಕ್ಕೆ ಲಾಭ ನೀಡಬೇಕು ಎಂದಿದ್ದಾರೆ.

ಟಿಕ್​ಟಾಕ್ ನಿಷೇಧದ ಕುರಿತು ಪ್ರತಿಕ್ರಿಯೆ ನೀಡಿದ ಹೃತಿಕ್ ಶರ್ಮಾ, ದೇಶವನ್ನು ಉಳಿಸಲು ಏನನ್ನೂ ತ್ಯಜಿಸಲು ಸಿದ್ಧನಿದ್ದೇನೆ ಎಂದು ಹೇಳಿದ್ದಾರೆ.

ಟಿಕ್​ಟಾಕ್ ರೀತಿಯ ಭಾರತದ ಸ್ವಂತ ಆ್ಯಪ್‌ ಕೂಡ ಬಂದಿದ್ದು, ಅದನ್ನು ಬಳಸುವಂತೆ ಹೃತಿಕ್ ಜನರಿಗೆ ಮನವಿ ಮಾಡಿದ್ದಾರೆ.