ಕೊರೊನಾ ಎಫೆಕ್ಟ್​: 3000 ಕೈದಿಗಳಿಗೆ ಬಿಡುಗಡೆ ಭಾಗ್ಯ ಸಾಧ್ಯತೆ..!

ಕೊರೊನಾ ವೈರಸ್​ನಿಂದ ಎಲ್ಲರೂ ಭಯಭೀತರಾಗಿದ್ದರೆ ದೆಹಲಿಯತಿಹಾರ್​ ಜೈಲಿನಲ್ಲಿರುವ ಕೈದಿಗಳಿಗೆ ಮಾತ್ರ ವರವಾಗಿ ಪರಿಣಮಿಸಿದೆ.

ದೆಹಲಿ: ಕೊರೊನಾ ವೈರಸ್​ ಹರಡುವ ಭೀತಿಯಲ್ಲಿ ಮುಂದಿನ ಕೆಲ ದಿನಗಳಲ್ಲೇ ತಿಹಾರ್​ ಜೈಲಿನ 3000 ಕೈದಿಗಳನ್ನು ಬಿಡುಗಡೆ ಮಾಡಬಹುದು ಎಂಬ ಮಾಹಿತಿ ದೊರೆತಿದೆ.

ಇವರಲ್ಲಿ 1500 ಬಿಡುಗಡೆಗೆ ಅರ್ಹ ಕೈದಿಗಳು ಹಾಗೂ 1500 ವಿಚಾರಣಾಧೀನ ಕೈದಿಗಳಾಗಿದ್ದಾರೆ. ಕೆಲವು ದಿನಗಳವರೆಗೆ ಪೆರೋಲ್ ಮತ್ತು ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗುತ್ತದೆ ಎಂದು ದೆಹಲಿ ಸರ್ಕಾರ ಹೈಕೋರ್ಟ್​ಗೆ ಮನವಿ ಸಲ್ಲಿಸಿರುವುದಾಗಿ ತಿಳಿದು ಬಂದಿದೆ.

ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗುತ್ತಿದೆ.